484.62
+0.09
528.04
-0.05
8.53
-0.04
+7
Եղանակը Երևանում
Հայ
Վերջին շաբաթվա ընթացքում ավելի քան 20 վկա է հարցաքննվել մարտյան գործի շրջանակներում
15:08
01 Հունիսի 2011

Վերջին յոթ օրվա ընթացքում ավելի քան 20 վկա է հարցաքննվել 2008թ.-ի մարտի 1-ի գործով, չորեքշաբթի լրագրողներին ասաց Քննչական հատուկ ծառայության քննչական խմբի ղեկավար Վահագն Հարությունյանը:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց ավելի քան 200 քաղաքացի:

Ապրիլի վերջին նախագահ Սարգսյանը հանձնարարել է իրավապահ մարմիններին ակտիվացնել գործի հանգամանքների բացահայտմանն ուղղված աշխատանքները:

«Հարցաքննությունները շարունակվում են, վաղը ևս վկաներ են հարցաքննվելու», - ասաց Հարությունյանը: Նա հիշեցրեց, որ, ընդհանուր առմամբ, նախատեսվում է հարցաքննել ավելի քան 600 մարդու:

«Մենք փորձում ենք օպերատիվ և քննչական մեթոդներով բացահայտել այն անձանց շրջանակը, ովքեր հնարավոր է, որ ներկա են եղել այդ իրադարձություններին և ի վիճակի են որոշակի տեղեկատվություն տրամադրել: Այդ անձանց մասին տվյալները ճշտվում են և, բնականաբար, նրանք կհարցաքննվեն», - ասաց քննչական խմբի ղեկավարը:

Նա նաև խոստացավ հրապարակել մարտյան իրադարձությունների ժամանակ զոհվածների մեկի հոր հարցաքննության արձանագրությունը, ով հայտարարում է, թե նախորդ հարցաքննության ժամանակ տեղեկացրել է, որ կոնկրետ մարդու է կասկածում իր որդու սպանության մեջ:

«Մեր հաջորդ հանդիպման ժամանակ (հունիսի 29) ես ամբողջությամբ կհրապարակեմ հարցաքննության արձանագրությունը, և դուք ինքներդ կգնահատեք ողջ ընթացակարգը, տրամադրած տեղեկությունն ու դրանց հավաստիությունը», - ասաց Հարությունյանը:

Նրա խոսքով՝ եթե զոհվածի իրավահաջորդն ունի լրացուցիչ տեղեկություն, ապա կարող է ցանկացած ժամանակ ներկայանալ Քննչական հատուկ ծառայություն:

Քննչական խմբի ղեկավարը տեղեկացրեց նաև, որ քրեական գործով նոր բացահայտումներ դեռ չկան:

«Եվս մեկ անգամ կրկնում եմ, որ նախաքննության մարմինն ակնկալում է հասարակության աջակցությունը՝ հատկապես տասը մարդու մահվան հանգամանքների բացահայտման հարցում: Դեռևս որևէ արձագանք չկա, իսկ իրականացրած քննչական և օպերատիվ-հետախուզական միջոցառումները դեռ դրական արդյունքներ չեն տալիս», - ասաց Հարությունյանը:-0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: