477.88
-0.42
573.6
-0.5
8.31
+0.05
+25
Եղանակը Երևանում
Հայ
ԵԽԽՎ-ն ողջունում է Հայաստանում համաներման հայտարարման որոշումը
17:15
26 Մայիսի 2011

Եվրոպայի Խորհրդի Խորհրդարանական Վեհաժողովը (ԵԽԽՎ) ողջունում է Հայաստանի Ազգային ժողովի համաներման հայտարարման որոշումը, ասվում է Հայաստանի մասով համազեկուցողներ Ջոն Պրեսկոտի (Մեծ Բրիտանիա) և Ալեքս Ֆիշերի (Գերմանիա) հայտարարության մեջ, որը տեղադրված է Եվրախորհրդի կայքում։ 

Հայկական խորհրդարանը հինգշաբթի ընդունել է նախագահ Սերժ Սարգսյանի առաջարկը Հայաստանի անկախության 20-ամյակի կապակցությամբ համաներում հայտարարելու վերաբերյալ։

Համազեկուցողները նշում են, որ այդ համաներման արդյունքում կազատվեն այն անձինք, ովքեր դեռևս բանտերում են գտնվում 2008 թվականի մարտի 1-2-ի իրադարձություններից հետո։

«Այս անձանց ազատումը և 2008 թվականի մարտյան անկարգություններում զոհված 10 մարդու գործով քննության նոր փուլը կվերացնի քաղաքական մթնոլորտի բարելավման ճանապարհին առկա վերջին խոչընդոտը և իշխանություն-ընդդիմություն կառուցողական երկխոսության դուռ կբացի։ Սա դրական զարգացում է Հայաստանում»,- նշում են համազեկուցողները։

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց 265 քաղաքացի։

Հաղորդագրության համաձայն, համազեկուցողները ոգեշնչվել են ընդդիմադիր Հայ ազգային կոնգրեսի (ՀԱԿ) առաջնորդ Լևոն Տեր-Պետրոսյանի վերջին հայտարարությունից, որում նա հստակ հայտնել է իշխանությունների հետ իր գլխավորած շարժման երկխոսության պատրաստակամության մասին։

Տեր-Պետրոսյանն ապրիլի 28-ին անցկացված վերջին հանրահավաքում հայտարարել է, որ իշխանությունները, ըստ էության, կատարում են ընդդիմության հիմնական պահանջները, և «երկխոսության դուռը եթե  ամբողջովին բաց չէ, ապա գոնե կիսաբաց է»։

«Այս դրական զարգացումները և կառուցողական մոտեցումն ինչպես իշխանությունների, այնպես էլ ընդդիմության կողմից դրական կազդեն երկրի ժողովրդավարական զարգացման և մարդու իրավունքների իրավիճակի վրա, և հույս ունենք, որ կամրագրվեն 2012 թվականի ժողովրդավարական ընտրություններով։ Մենք ամեն ջանք կգործադրենք և կշարունակենք համագործակցությունը քաղաքական երկու ուժերի հետ էլ այդ ամենը կյանքի կոչելու համար»,- նշել են Պրեսկոտն ու Ֆիշերը։

Համազեկուցողները մտադիր են այս տարի ամռանն այցելել Հայաստան՝ երկրում ժողովրդավարական ինստիտուտների գործունեության մասին զեկույց պատրաստելու համար, որը կներկայացվի ԵԽԽՎ-ում 2011 թվականի հոկտեմբերին։ -0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: