484.68
+0.06
530.14
+2.1
8.5
-0.03
+12
Եղանակը Երևանում
Հայ
Հայկական երիտասարդական խորհրդարանը կսկսի գործել մայիսի վերջից
13:16
10 Մայիսի 2011

ԵՐԵՎԱՆ, 10 մայիսի.  /Նովոստի-Արմենիա/. Հայկական երիտասարդական խորհրդարանը վերջնականապես կձևավորվի և կսկսի գործել մինչև մայիսի վերջ, հայտնեց Հայաստանի Ազգային ժողովի Կրթության, գիտության, մշակույթի և երիտասարդության հարցերի մշտական հանձնաժողովի նախագահ Արտակ Դավթյանը։

«Երիտասարդական խորհրդարանի ստեղծման նախաձեռնությունը Ազգային ժողովի խոսնակ Հովիկ Աբրահամյանինն է։ Երիտասարդական խորհրդարանը կդառնա ԱԺ խորհրդատվական մարմին, կառույցի որոշումները պարտադիր ուժ չեն ունենա, բայց հաշվի կառնվեն ավագ գործընկերների կողմից»,- երեքշաբթի լրագրողներին ասաց պատգամավորը։

Նրա խոսքով՝ Երիտասարդական խորհրդարանի կառուցվածքը նման է Ազգային ժողովին՝ խորհրդարանի 89 տեղ համամասնական համակարգով կզբաղեցնեն ԱԺ-ի կազմում ընդգրկված կուսակցությունների երիտասարդական շարժումների ներկայացուցիչները, իսկ 42 տեղ՝ ուսանողներ, որոնց կառաջադրեն պետական և ոչ պետական բուհերը։ Երիտասարդական խորհրդարանի նիստերը կանցկացվեն ԱԺ շենքում։

«Երիտասարդական խորհրդարանի հիմնական նպատակը երկրում քաղաքական նոր կուլտուրայի ձևավորումն է, որոշումների ընդունման հարցին ակտիվ երիտասարդության մասնակցության ապահովումը»,- նշեց Դավթյանը։
Նրա խոսքով՝ Երիտասարդական խորհրդարանի նախագահը կընտրվի ռոտացիոն սկզբունքով։

Հանձննաժողովի ղեկավարն ընդգծեց, որ ԱԺ աշխատակազմը երիտասարդ պատգամավորների ընտրությունը թողել է բուհերի և կուսակցությունների հայեցողությանը, և որևէ կերպ չի միջամտում այդ հարցին։
«Մենք բազմաթիվ հայտեր ենք ստացել՝ մոտ 10 հայտ ուսանողների համար առանձնացրած 42-ից յուրաքանչուրի համար։ Եռաստիճան ընտրման հիման վրա խորհրդարան կանցնեն առավել արժանիները»,- հավաստիացրեց նա։
Ինչ վերաբերում է խորհրդարանական կուսակցությունների ներկայացուցիչների համար հատկացված տեղերին, ապա դրանք կբաշխվեն հետևյալ կերպ՝ 20 մանդատ կստանա Հանրապետական կուսակցությունը, ինը՝ «Բարգավաճ Հայաստանը», 5-ը՝ ՀՅԴ-ն, երեք տեղ՝ «Օրինաց երկիրը», երկու տեղ՝ «Ժառանգությունը»։ 

«Եթե մեծամասնական համակարգով անցնող երիտասարդների թվում լինեն ոչ խորհրդարանական ընդդիմության ներկայացուցիչներ, ապա նրանք առավելություն կունենան»,- ընդգծեց պատգամավորը։
Նա հավելեց, որ Երիտասարդական խորհրդարանը կգործի Ազգային ժողովին զուգահեռ և նրա հետ միասին կդադարեցնի իր լիազորությունները 2012 թվականի մայիսին։ -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: