487.29
-0.01
568.08
+2.76
8.23
+0.01
+7
Եղանակը Երևանում
Հայ
Հայ-թուրքական բարեկամության ապամոնտաժված հուշարձանը երկկողմ հարաբերությունների վիճակն է խորհրդանշում. թուրքագետ
15:58
02 Մայիսի 2011

ԵՐԵՎԱՆ, 2 մայիսի. /Նովոստի-Արմենիա/. Թուրքական Կարսում ապամոնտաժված «Մարդկության հուշարձանը» (ավելի վաղ «Հայ-թուրքական հաշտության և բարեկամության հուշարձան») խորհրդանշում է հայ-թուրքական հարաբերությունների ներկա իրավիճակը, հայտնեց Երևանի պետական համալսարանի արևելագիտության ֆակուլտետի փոխդեկան, թուրքագետ Ռուբեն Մելքոնյանը։
 
Թուրքական ԶԼՄ-ների հրապարակումների համաձայն՝ օրերս Կարսում գտնվելով՝ Էրդողանը հայ-թուրքական բարեկամության հուշարձանը «այլանդակ», տարօրինակ և հրեշավոր հուշարձան է անվանել։ Նա նաև կոչ է արել տեղի իշխանության  ղեկավարին հանել հուշարձանը մինչև իր մյուս այցը։ Էրդողանն իր պահանջները հիմնավորել է գեղագիտական նկատառումներով։

«Այդ հուշարձանի ապամոնտաժումով թուրքական իշխանություններն, ըստ էության, ապամոնտաժել են այն հենարանը, որի վրա հետագայում կկարողանային հիմք դնել հայ-թուրքական հարաբերությունները»,- երկուշաբթի մամուլի ասուլիսի ժամանակ ասաց Մելքոնյանը։

Ըստ թուրքագետի, հուշարձանի ապամոնտաժման մասին որոշումը թելադրվել է ոչ թե գեղագիտական, այլ քաղաքական նկատառումներով։

«Մոտավորապես մեկ ամսից Թուրքիայում նախատեսված են խորհրդարանական ընտրությունները, և բնականաբար, հուշարձանի հանումը Էրդողանի կառավարության քաղաքական ժեստն է, որն ուղղված է նրան, որ իր կողմը գրավի Կարսում բնակվող ադրբեջանցիներին և օգտվի երկրի ազգայնականության բաղկացուցչի աջակցությունից։
Միաժամանակ Մելքոնյանը նշեց, որ Թուրքիայի խորհրդարանական ընտրություններից հետո նույնպես պետք չէ սպասել, որ կրքերը կհանդարտվեն և ինչ-որ առաջընթացներ կլինեն հայ-թուրքական կարգավորման գործընթացում, քանի որ Թուրքիայի խորհրդարանական ընտրություններին անմիջապես կհետևեն նախագահական ընտրությունները։

Իշխող Հայաստանի Հանրապետական կուսակցության երիտասարդական թևի ղեկավար, ՀՀ ազգային ժողովի պատգամավոր Կարեն Ավագյանը նշեց, որ հայկական կողմը բազմիցս ապացուցել է երկկողմ հարաբերությունների կարգավորման գործընթացի հանդեպ թուրքական կողմի կառուցողականության բացակայությունը։
 «Սակայն այդ իրավիճակում Հայաստանը՝ նախագահի կողմից ղեկավարած արդյունավետ արտաքին քաղաքականության արդյունքում, ապացուցեց, որ ի տարբերություն Թուրքիայի, հուսալի գործընկեր է։ Արդյունքում, Թուրքիայի միջազգային վարկանշին լուրջ հարված է հասցվել, իսկ հայկական կողմի ձայնն առավել լսելի և կշռելի է դարձել»,- ասաց Ավագյանը։

Հայտնի քանդակագործ Լևոն Թոքմաջյանն էլ իր հերթին ընդգծեց, որ հուշարձանի ապամոնտաժումը սպասելի էր և ոչ ոքի չզարմացրեց։

«Իհարկե, հուշարձանն ինչ-որ յուրահատուկ գեղագիտական նվաճումներ չի ունեցել, բայց եթե նույնիսկ այն Միքելանջելոյի ստեղծագործությունը լիներ, միևնույն է, այն կքանդեին»,- ավելացրեց նա։
Հայ-թուրքական բարեկամության հուշարձանը կառուցվել է Կարսի նախկին քաղաքապետ Նաիֆ Ալիբեյօղլու նախաձեռնությամբ՝ 2008թ.-ին։ 30 մետր բարձրությամբ հուշարձանը դեպի միմյանց ձգտող երկու ֆիգուր է: Այն կանգնեցված է Հայաստանի սահմանից 40 կմ հեռավորության վրա։

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը:

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։