478.57
+0.37
561.79
+1.96
8.05
+0.02
+22
Եղանակը Երևանում
Հայ
Հայաստանի իշխանությունների և ընդդիմության միջև երկխոսությունը կլինի հօգուտ հասարակության. օմբուդսմեն
15:04
26 Ապրիլի 2011

Հայաստանի իշխանությունների և ընդդիմության միջև երկխոսությունը կլինի հօգուտ հասարակության, կարծում է ՀՀ մարդու իրավունքների պաշտպան Կարեն Անդրեասյանը:

Օմբուդսմենի կայքում հրապարակված հայտարարության մեջ Մարդու իրավունքների պաշտպանը հանդես է գալիս իշխող կոալիցիայի և Հայ ազգային կոնգրեսի միջև միջնորդի դեր կատարելու առաջարկով ու տեղեկացնում է, որ մտադիր է երկու կողմերին միջնորդության մասին գրավոր առաջարկ ուղղել:

Նրա կարծիքով՝ հասարակության զարգացման և պետության հզորացման համար անհրաժեշտ է քաղաքական ուժերի երկխոսություն և առողջ համագործակցություն: Օմբուդսմենը նաև ավելացրել է, որ միջնորդ լինելու իրավունք նրան տրամադրում է ՀՀ Սահմանադրությունը:

«Իշխանությունների և ընդդիմության միջև երկխոսությունը կլինի մեր հասարակության հաղթանակը, և ես, որպես օմբուդսմեն, պատրաստ եմ միջնորդի դեր ստանձնել այդ երկխոսությունում», - երեքշաբթի մամուլի ասուլիսի ժամանակ ասաց Անդրեասյանը:

Նրա խոսքերով՝ երկու կողմերն էլ արձագանքել են այս նախաձեռնությանը, սակայն ոչ բավականին պատրաստակամորեն:

«Չեմ կարծում, որ երկխոսության հնարավորությունները սպառվել են: Հարկավոր է սկսել փոքր բանից և նստել բանակցությունների սեղանի շուրջ, սա արդեն մեծ հաղթանակ կլինի», - ընդգծեց նա:

Օմբուդսմենը նաև նշեց, որ ունի միջնորդություն իրականացնելու բոլոր օրինական լիազորությունները:«Երբ իրավական ռեսուրսը սպառվում է, հարկավոր է քաղաքական հարթություն տեղափոխվել», - ասաց նա:
Անդրեասյանի խոսքերով՝ եթե կողմերը նստեն բանակցությունների սեղանի շուրջ, ապա կկարողանան քննարկել ամենատարբեր թեմաներ: Օմբուդսմենը նաև չբացառեց, որ կքննարկվի նաև 2008 թ.-ի մարտյան իրադարձությունների կապակցությամբ ազատազրկման մեջ գտնվող անձանց ազատ արձակման հարցը:

«Որպես միջնորդ՝ ես գնահատականներում պետք է լինեմ օբյեկտիվ և զգույշ: Կարող եմ միայն ասել, որ եթե երկրում կան մարդիկ, ովքեր գտնվում են ազատազրկման մեջ և իրենց համարում են քաղաքական բանտարկյալներ, ապա դա արդեն բացասական երևույթ է», - ընդգծեց նա:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց 200 ավելի քաղաքացի։ Որոշ տվյալների համաձայն՝ մարտի 1-ի գործով ազատազրկման մեջ է գտնվում շուրջ տասը մարդ:

Մարտի 17-ին տեղի ունեցած հանրահավաքի ժամանակ Տեր-Պետրոսյանը հայտարարել է, որ ՀԱԿ-ը հնարավոր է՝ երկխոսություն սկսի ՀՀ իշխանությունների հետ, եթե բոլոր «քաղբանտարկյալներն» ազատ արձակվեն, վերականգնվի Ազատության հրապարակում հանրահավաքների անցկացման իրավունքը և ՀՀ իշխանությունները պաշտոնապես հայտարարեն 2008 թ.-ի մարտի 1-ի անկարգությունների հետևանքով սպանությունների բոլոր դեպքերի բացահայտման մտադրության մասին:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: