484.62
+0.09
528.04
-0.05
8.53
-0.04
+6
Եղանակը Երևանում
Հայ
Հայաստանը դեմ է Ղարաբաղի հարցով ժամանակավոր ենթահանձնաժողովի աշխատանքներին, որը հղի է անկանխատեսելի հետևանքներով. պատգամավոր
16:01
18 Ապրիլի 2011

Հայաստանը դեմ է Ղարաբաղի հարցով ժամանակավոր ենթահանձնաժողովի աշխատանքներին, որը հղի է անկանխատեսելի հետևանքներով, երկուշաբթի լրագրողներին ասաց ԵԽԽՎ հայկական պատվիրակության ղեկավար Դավիթ Հարությունյանը։

ԵԽԽՎ Բյուրոյի` հունվարի 28-ին կայացած նիստում իսպանացի պատգամավոր Խորդի Չուկլա ի Կոստան ընտրվել է ԵԽԽՎ Ղարաբաղի հարցով ենթահանձնաժողովի նոր նախագահ։ Փաստորեն ենթահանձնաժողովը վերսկսել է իր գործունեությունը երկարատև ընդմիջումից հետո ԵԽԽՎ նախագահ Մևլյութ Չավուշօղլուի նախաձեռնությամբ, ինչի դեմ ակտիվ հանդես է գալիս հայկական կողմը։

«ԵԽԽՎ ներկա նստաշրջանի ընթացքում ենթահանձնաժողովի նիստ չի եղել, սակայն մեզ հաջողվել է առանձին հանդիպում անցկացնել իսպանացի պատգամավոր Խորդի Չուկլա ի Կոստայի հետ, որի ընթացքում քննարկվել են առանձին հարցեր»,- ասաց Հարությունյանը։

Նա նշեց, որ հանդիպման ընթացքում կողմերը ներկայացրել են այդ հանձնաժողովի ապագայի վերաբերյալ իրենց դիրքորոշումները։ Հարությունյանը ներկայացրել է այդ հարցի շուրջ Հայաստանի մոտեցումները, որն անփոփոխ է մնացել։

«Հայկական կողմը չի պատրաստվում մասնակցել հանձնաժողովի աշխատանքին, որն անպատասխանատու կառույց է։ Այդ ամենը կարող է անկանխատեսելի հետևանքների հանգեցնել»,- ասաց Հարությունյանը։
Հայ պատգամավորները, ովքեր բազմիցս արտահայտվել են այդ հարցի վերաբերյալ, ապրիլի 11-15-ը կայացած ԵԽԽՎ նստաշրջանի ընթացքում ներկայացրել են այդ ենթահանձնաժողովի աշխատանքի հարցի վերաբերյալ Հայաստանի պաշտոնական դիրքորոշումը, սակայն այս անգամ արդեն լիագումար նիստի ընթացքում։

Անցյալ շաբաթ կայացած նստաշրջանի ընթացքում Դավիթ Հարությունյանը հայտարարեց, որ ԵԽԽՎ-ն վարկաբեկել է իրեն՝ հայ-ադրբեջանական հակամարտության հարցում ունեցած իր ակնհայտ կանխակալ գործունեությամբ, ինչի կապակցությամբ Հայաստանը որոշ հարցերում այլևս պատրանքներ չունի այդ կառույցի նկատմամբ։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: