486.78
-0.64
574.01
+0.22
8.17
+0.03
+3
Եղանակը Երևանում
Հայ
Սումգայիթյան ջարդերը Ադրբեջանի նպատակաուղղված քաղաքականության հետևանք են. պատգամավոր
17:20
24 Փետրվարի 2011

Սումգայիթյան ջարդերը Ադրբեջանի նպատակաուղղված քաղաքականության հետևանք են, հինգշաբթի լրագրողներին ասաց «Ժառանգություն» ընդդիմադիր խմբակցության քարտուղար, ղարաբաղյան հարցով փորձագետ Լարիսա Ալավերդյանը։

«Մինչև այսօր Ադրբեջանը շարունակում է իր հակահայկական քարոզչությունը՝ հայասպաններին հերոսացնելու և խրախուսելու միջոցով, և ադրբեջանական պետության նման մոտեցումները վկայում են, որ Սումգայիթի հայերի ջարդերը ոչ թե առանձին թմրամոլների կամ սանձարձակ ամբոխի կատաղության, այլ պետական քաղաքականության հետևանք են»,-«Նովոստի» միջազգային մամուլի կենտրոնում ասաց Ալավերդյանը։
Ինչպես նշեց պատգամավորը, Ադրբեջանի իշխանությունների կողմից իրականացվող հայերի ոչնչացման քաղաքականությունը մինչև այսօր շարունակվում է ագրեսիվ հռետորության և հակահայկական քարոզչության միջոցով՝ մինչև հայկական գերեզմանատների ոչնչացում։

Ըստ նրա, դրանք բացառելու համար, հետագայում այդ փաստերը պետք է դատապարտվեն և համապատասխան գնահատական ստանան ոչ միայն Հայաստանի ներսում, այլ նաև միջազգային իրավական մակարդակով։
«Հայաստանը պետական մակարդակով պետք է Սումգայիթյան իրադարձությունների զոհերին որպես Ցեղասպանության զոհեր ճանաչի և նրանց համապատասխան սոցիալական կարգավիճակ շնորհի, ինչպես նաև հետագայում այդ իրադարձությունները միջազգայնորեն ճանաչվի որպես ցեղասպանություն, որպեսզի զոհերը փոխհատուցում ստանան՝ բարոյական, նյութական և բժշկական»,- ասաց Ալավերդյանը։

Սումգայիթյան իրադարձությունների ականատեսները նաև հաստատեցին այն փաստը, որ Սումգայիթի ջարդերը պետական մակարդակով է կազմակերպվել և տեղական ադրբեջանական իշխանություններն էլ աջակցել են ջարդերի իրագործմանը։

Ինչպես նշեց իրադարձությունների ականատեսներից մեկը՝ ջարդերի հետևանքով զոհված Ռաֆիկ Թովմասյանի կինը՝ Ռայա Թովմասյանը, Սումգայիթում հայերի բնակարանների վրա հարձակումը նպատակաուղղված բնույթ է կրել, իսկ հենց ջարդերի կազմակերպիչները նախօրոք զինված են եղել երկաթե ճիպոտներով, դանակներով։

 «Ոչ ոստիկանությունը, ոչ շտապօգնությունը, ոչ էլ տեղական վարչակազմը չարձագանքեց օգնության մեր կանչերին։ Մենք ինը ժամվա շարունակ պաշտպանում էինք մեր տները, սակայն տան բակում կանգնած զինվորները չէին խառնվում այդ իրադարձություններին՝ ասելով, որ իրենք համապատասխան հրաման չունեն»,- ասաց Թովմասյանը։

Ըստ իրադարձությունների մեկ այլ վկա Կարինե Մելքումյանի, ով սումգայիթյան ջարդերի ժամանակ իր ընտանիքի հինգ անդամներին է կորցրել, ջարդերի ադրբեջանցի ջարդարարները նախօրոք պատրաստվել, զինվել և իրենց ձեռքերում են ունեցել հայ ընտանիքների ցուցակներն ըստ բնակության հասցեների։

«Նրանք բարձրախոսով մեր անուններն էին կանչում, դաժանաբար սպանում ու վառում էին մեր հարազատներին և մտերիմներին ոստիկանության և խորհրդային զինվորների աչքի առաջ, ովքեր չէին խառնվում այդ վայրագություններին՝ ասելով, թե համապատասխան հրաման չունեն։ Մենք չենք կարող բացառել այն, ինչ եղել է. կատարվածը սարսափելի էր, և այդ ձայները մինչև այսօր հնչում են մեր ականջներում»,- ասաց Մելքումյանը։

1988թ. փետրվարի 26-29-ը, Ադրբեջանի իշխանությունների փաստացի աջակցությամբ և ԽՍՀՄ ղեկավարության լռակյաց թողտվությամբ, հայաբնակ Սումգայիթ (Ադրբեջանական ԽՍՀ) քաղաքում տեղի ունեցան հայերի զանգվածային կոտորածներ, որոնց ընթացքում, պաշտոնական տվյալներով, սպանվել է 32 և վիրավորվել հարյուրավոր հայեր։ Մի քանի օրվա ընթացքում Սումգայիթի 14 հազար հայ բնակիչները լքեցին քաղաքը։
Հայերի ջարդերը շարունակվեցին Ադրբեջանի այլ քաղաքներում, մասնավորապես՝ 1990 թ.-ի հունվարին Բաքվում:

Հայաստանի պետական միգրացիոն ծառայության տվյալների համաձայն՝ այս ամենի հետևանքով 1988-1992թթ.-ին Ադրբեջանի տարբեր երկրներից Հայաստան է ժամանել ավելի քան 360 հազար հայազգի փախստական, ևս շուրջ 140 հազար էթնիկ հայ գաղթել է ԱՊՀ երկրներ: -0-

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: