487.3
+1.08
565.32
+1.55
8.22
+0.02
+11
Եղանակը Երևանում
Հայ
Երևանը պատրաստ չէ միակողմանի կարգով փոփոխություններ մտցնել հայ-թուրքական արձանագրություններում. Սարգսյան
13:13
27 Հունվարի 2011

Հայկական կողմը պատրաստ չէ փոփոխություններ մտցնել հայ-թուրքական արձանագրություններում, «Էխո Մոսկվի» ռադիոկայանին տված հարցազրույցում ասել է ՀՀ նախագահ Սերժ Սարգսյանը։
     
Ըստ նրա, հայ-թուրքական գործընթացի շարունակությունը միայն այն դեպքում է հնարավոր, եթե թուրքերն առանց որևէ նախապայմանների վավերացնեն այդ արձանագրությունները։

«Քանի որ նրանք միջազգային պարտավորություններ ունեն, ստորագրված համաձայնագրերը պետք է վավերացվեն և իրագործվեն։ Մենք պատրաստ չենք նոր բանակցությունների կամ ինչ-ինչ փոփոխությունների այդ արձանագրություններում։ Այսինքն, ուզում եմ ասել, որ պատրաստ չենք միակողմանի կարգով։ Եթե թուրքերն ինչ-որ բան փորձեն մտցնել այնտեղ, բնականաբար, մենք նույնպես կփորձենք»,- ասել է Սարգսյանը։

Նա շնորհակալություն է հայտնել Ռուսաստանին, ԱՄՆ-ին և Ֆրանսիային, որոնք միանշանակ հայտարարել էին, որ հայ-թուրքական հարաբերությունները պետք է կարգավորվեն առանց որևէ նախնական պայմանների։

«Այդ պատճառով նոր բանակցություններ սկսելու իմաստ չեմ տեսնում։ Ինչի՞ մասին պետք է խոսենք։ Այն մասին, որ թուրքերն ինչ-որ պայմաններ կներկայացնեն, և մենք կասենք, որ այդ պայմանները մեզ համար անընդունելի՞ են։ Անիմաստ է։ Միակ շարունակությունը կարող է լինել թուրքերի կողմից իրենց խորհրդարանում այդ արձանագրությունների վավերացումը»,- ասել է նախագահը։

Ըստ նրա, եթե այսպես շարունակվի, հնարավոր է, հայկական կողմի համար միակ ելքն այդ արձանագրություններից իր ստորագրությունը հետ կանչելը լինի, և այդ ժամանակ, նույնիսկ Թուրքիայի կողմից վավերացումից հետո, այդ արձանագրությունները ոչ մի ուժ չեն ունենան։

«Ես ինչու՞ եմ այդ մասին խոսում։ Նույնիսկ այժմ, երբ գնդակը գտնվում է նրանց կիսադաշտում, միևնույն է՝ նրանք փորձում են խառնվել ղարաբաղյան գործընթացին, խոսում են ինչ-որ տարածաշրջանային առաջնորդության մասին, նեոօսմանիզմի մասին»,- ասել է նախագահը։

Ըստ նրա, տարածաշրջանում առաջատար կարող է լինել այն պետությունը, որը խնդիրներ չունի մյուսների հետ։ «Իսկ այն քաղաքականությունը, որը թուրքերն են հռչակել՝ զրո խնդիրների քաղաքականությունը, թուրքերին, Թուրքիային  հարմար որոշումների որոնումների է միայն հանգեցնում։ Այդպես չի լինում։ Մենք բոլորս հասկանում ենք՝ ես Հայաստանը նկատի ունեմ, մենք հասկանում ենք, որ Թուրքիան մեծ պետություն է, որ թուրքական տնտեսությունը վերջին տարիներին շատ է աճել, որ Թուրքիան G20-ի անդամ է, մենք այդ ամենը հասկանում ենք։ Բայց դա չի նշանակում, որ նրանք պետք է մեզ համար դաստիարակների դեր խաղան։ Նրանք մեզ համար հրահանգիչ չեն»,- նշել է պետության ղեկավարը։

Ըստ նրա, եթե Թուրքիան ցանկանում է տարածաշրջանի ինչ-որ գործընթացի վրա ազդեցության հնարավորություն ունենալ, ապա պետք է կառուցողական լինի։

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը: --0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։