486.7
-0.08
515.12
-0.38
8.43
+0.02
+6
Եղանակը Երևանում
Հայ
Հայ-թուրքական հարաբերություններում առաջխաղացում կարելի է ակնկալել միայն 2011 թվականի երկրորդ կեսին. թուրքագետ
18:30
22 Դեկտեմբերի 2010

Հայ-թուրքական հարաբերություններում որևէ առաջխաղացում կարելի է ակնկալել միայն 2011 թվականի երկրորդ կեսին, չորեքշաբթի ասաց Երևանի պետական համալսարանի արևելագիտության ֆակուլտետի դեկան, թուրքագետ Ռուբեն Մելքոնյանը:

«Տարբեր փաստեր թուլ են տալիս եզրակացնել, որ հայ-թուրքական հարաբերությունների ակտիվացում կարելի է ակնկալել միայն 2011 թվականի երկրորդ կեսին, Թուրքիաի խորհրդարանական ընտրություններից հետո և եթե այնտեղ այլ ընտրությունների սպասում չլինի»,- ասաց Մելքոնյանը «Նովոստի» միջազգային մամուլի կենտրոնում:

Նրա խոսքով՝ խորհրդարանական ընտրություններից հետո Թուրքիայում կարող է ուժի մեջ մտնել բարեփոխված Սահմանադրությունը, որի համաձայն նախագահի ընտրություններն իրականացվում են ուղղակիորեն բնակչության կողմից:

«Եթե փոփոխություններն ուժի մեջ մտնեն, ապա նոր ընտրությունների կապակցությամբ հայ-թուրքական հարաբերությունները դեռ որոշ ժամանակ կմնան Անկարայի հիմնական օրակարգի կուլիսներում»,- ասաց Մելքոնյանը:

Նա նաև նշեց, որ քանի դեռ երկու կողմերն էլ ետ չեն կանչել իրենց ստորագրությունները արձանագրությունների տակից, թուրքական իշխանությունների քաղաքական կամքի առկայության դեպքում բանակցությունները կարող են շարունակվել այն կետից, որտեղ դրանք սառեցվել էին:

Միաժամանակ նա նշեց, որ ինչպես ամեն տարի, ապրիլի 24-ը կստիպի լարվել թուրքական քաղաքական վերնախավին ու որոշակի քայլեր ձեռնարկել:

Ցեղասպանության հերթական տարելիցի կապակցությամբ հերթական հավանական քայլերի թվում թուրքագետը նշեց, որ Թուրքիան դրա նախաշեմին կակտիվացնի իր լոբբիստական գործունեությունր, կհնչեն տարբեր հոխորտանքներ, Անկարան կջանա տպավորություն ստեղծել, թե Հայաստանի հետ հարաբերությունների կարգավորումը քննարկումների փուլում է և իրենք հավատարիմ են իրենց հայտարարություններին:

Միաժամանակ Մելքոնյանը չի բացառում որոշ անկանխատեսելի քայլեր պաշտոնական Անկարայի կողմից, որով Թուրքիան կջանա համաշխարհային հանրությանը ներկայացնել, թե բանակցությունները չեն ավարտվել, թեպետ բոլոր նրանց քայլերն ի սկզբանե կասկածանքների տեղիք կտան:

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրեց երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։