484.96
+0.3
573.47
-1.05
8.22
-0.04
-2
Եղանակը Երևանում
Հայ
1915թ.-ի ցեղասպանության համաշխարհային ճանաչման համար պայքարը պետք է մշակութային ոլորտ տեղափոխվի. IAGS
16:25
14 Դեկտեմբերի 2010

1915թ.-ին Օսմանյան կայսրությունում տեղի ունեցած Հայոց ցեղասպանության համաշխարհային ճանաչման համար մղվող գրեթե մեկդարյա պայքարը պետք է տեղափոխվի մշակույթի ոլորտ, երեքշաբթի հայտարարել է Ցեղասպանությունների ուսումնասիրության միջազգային ասոցիացիայի (The International Association of Genocide Scholars, IAGS) նախագահ  Իսրայել Չարնին:

«Մենք պետք է փաստացի ճանաչման պայքարից անցնենք մարդկանց սրտերում և բանականության մեջ ճանաչման պայքարի», - ասել է Չարնին՝ Երևանում ելույթ ունենալով «Ցեղասպանության հանցագործությունը. կանխարգելում, դատապարտում և հետևանքների վերացում» խորագրով միջազգային գիտաժողովի ժամանակ։

Հայտնի ցեղասպանագետն ընդգծել է, որ այդ գործընթացը կհանգեցնի աշխարհում մարդկանց մարդկայնացման, ովքեր այսօր անտարբեր են մարդկանց ճակատագրերի և տառապանքների նկատմամբ:

«Ես աջակցում եմ ցեղասպանության ճանաչմանն ուղղված բոլոր իրավական և քաղաքական նախաձեռնություններին, սակայն պետք է նշեմ, որ եկել է մեր նպատակները ընդլայնելու ժամանակը, մենք պետք է կողմնորոշվենք, թե ինչպես և որ ուղղությամբ պետք է շարունակենք այս պայքարը», - ավելացրել է նա:

Չարնին նշել է, որ հայերը շատ բան են արել ցեղասպանության սարսափների մասին համաշխարհային գիտակցությունը բարձրացնելու համար:

«Այս առաքելության իրագործման ընթացքում, հայերը, ցավոք, դեռ բախվում են մեծ խնդիրների հետ, որոնցից մեկը իմ հայրենիքի՝ Իսրայելի ամոթալի դիրքորոշումն է այս հարցի վերաբերյալ, որը քաղաքական տեսանկյունից չի ճանաչում Հայոց ցեղասպանությունը», - ասել է նա:

Չարնին նաև ներկայացրել է, թե ինչպես է տեսնում աշխարհում մարդկանց գիտակցության փոփոխությունը:

«Առաջինը՝ ցեղասպանություն վերապրած ժողովուրդները պարզապես պարտավոր են ճանաչել միմյանց ցեղասպանությունները, և այս տեսանկյունից ես չեմ կարող չնշել 2009 թ.-ին ՄԱԿ-ում ՀՀ նախկին արտգործնախարար Վարդան Օսկանյանի հիանալի ելույթը, ով հայտարարեց, որ «Աուշվիցից հետո մենք բոլորս հրեաներ և գնչուներ ենք»», - ասել է Չարնին:

Նրա կարծիքով՝ հաջորդ անհրաժեշտ քայլը «ցեղասպանությունների համազոհերին» ճանաչելն է:

«Օրինակ՝ Հայոց ցեղասպանության ընթացքում Թուրքիայում մորթում էին հույներին, ասորիներին, հրեաներին, եզդիներին և նույնիսկ քրդերին, սակայն այդ մասին ոչ ոք չի խոսում նույնիսկ Իսրայելում: Մենք ևս չենք ճանաչում Աուշվիցի մեր համազոհերին՝ հրեաներին, գնչուներին, ռումինացիներին, խորհրդային ռազմագերիներին, ովքեր ևս զոհվում էին հենց նույն գազախցերում», - ասել է նա:

Չարնին համոզված է, որ ցեղասպանությունները կանխելու համար հարկավոր է արմատախիլ անել ռադիկալիզմը, քանի որ այն սեր է քարոզում մահվան նկատմամբ:

«Մարդկային կյանքն իր մեջ ներառում է հիշողություններ, սակայն այն ավելին է, քան պարզապես հիշողությունները: Մենք պետք է խորանանք ցեղասպանության էության հարցում, որը դուրս է գալիս մտերիմներ կորցնելու շրջանակներից: Ցեղասպանությունը սեր է մահվան նկատմամբ, այն ֆաշիզմ է, կյանքի և սիրո հակաթեզ: Այդ պատճառով այն կանխելու համար մենք պետք է պայքարենք կյանքի համար», - եզրափակել է ցեղասպանագետը:

«Ցեղասպանության հանցագործությունը. կանխարգելում, դատապարտում և հետևանքների վերացում» խորագրով երկօրյա միջազգային գիտաժողովը նվիրված է Միավորված Ազգերի Կազմակերպության կողմից ընդունված Ցեղասպանության հանցագործությունը կանխարգելելու և պատժելու մասին կոնվենցիային: Գիտաժողովին մասնակցում են գիտնականներ աշխարհի 20 երկրներից, որոնց թվում են այս ոլորտում այնպիսի ճանաչված մասնագետներ, ինչպիսիք են Իվ Տերնոնը, Լեանդրո Դեսպուին, Իսրայել Չարնին, Ուիլյամ Շաբասը, Թաներ Աքչամը, Թեսա Հոֆմանը, Ֆրենկ Չոկը:

Դեկտեմբերի 15-ին գիտաժողովի մասնակիցները կայցելեն Հայոց ցեղասպանության զոհերի հուշահամալիր:

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին: Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ --0—

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: