484.11
-0.64
570.43
-1.33
8.23
+0.04
-3
Եղանակը Երևանում
Հայ
Ադրբեջանի արդարադատության նախարարը «շեղվել է թեմայից»
19:46
01 Դեկտեմբերի 2010

ԵՐԵՎԱՆ, 1 դեկտեմբերի. /Նովոստի-Արմենիա/. Հայաստանի Հանրապետության արդարադատության նախարարության պատվիրակությունը` արդարադատության նախարարի տեղակալ Նիկոլայ Առուստամյանի գլխավորությամբ, 2010 թվականի նոյեմբերի 24-ից 27-ը գործուղվել էին Ստամբուլ` մասնակցելու Եվրոպայի խորհրդի արդարադատության նախարարների 30-րդ համաժողովին:

Ինչպես տեղեկացնում է Արդարադատության նախարարությունը, համաժողովը չի անցել առանց ադրբեջանական սադրանքների:

«Ադրբեջանի արդարադատության նախարարի ելույթով, որը ևս մատնանշեց բանտերի գերծանրաբեռնվածության խնդիրը: Նախարարը հայտնեց, որ նախատեսվում է կառուցել նոր քրեակատարողական հիմնարկներ, մասնավորապես շրջաններում, որպեսզի կրճատվեն դատապարտյալների փոխադրման հետ կապված ծախսերը: Որպես օրինակ բերվեց նաև Նախիջևանում քրեակատարողական հիմնարկ կառուցելու անհրաժեշտությունը, որը, ըստ Նախարարի, պայմանավորված է հարևան երկրի կողմից ագրեսիա ցուցաբերելու պատճառով Նախիջևանի հետ պատշաճ կապ ապահովելու անհնարինությամբ, և որ հարևան երկիրը օկուպացրել է Ադրբեջանի տարածքի 20 տոկոսը (ընդ որում, Ադրբեջանի պատվիրակության` նախօրոք ներկայացված ելույթի տեքստերի ուսումնասիրությունը ցույց էր տվել, որ նշված հատվածը բացակայում էր)»,- հաղորդում են նախարարություն մամուլի ծառայությունից:

ՀՀ արդարադատության նախարարի տեղակալ Նիկոլայ Առուստամյանը հակադարձելով Ադրբեջանի արդարադատության նախարարի ելույթին, կոչ է արել չշեղվել կոնֆերանսի թեմաներից և նման ձևաչափի միջոցառումները չօգտագործել քաղաքական հայտարարություններ կամ ակնարկներ կատարելու համար, քանի որ երկրի անվտանգության ապահովման նպատակին ծառայող գոտիները որպես օկուպացիոն տարածքներ հայտարարելու հարցերը պետք է քննարկել համապատասխան ֆորմատով` հավատարիմ մնալով ազգային ինքնորոշման և ուժի չկիրառման միջազգային սկզբունքներին և բացի դա, նման հայտարարություններ անելու համար չկան իրավական որևէ հիմնավորումներ:

Համաժողովի քննարկման ենթակա թեմաներն են եղել արդարադատության արդիականացումը երրորդ հազարամյակում, արդարադատության թափանցիկությունն ու արդյունավետությունը:

Եվրոպայի խորհրդի խորհրդարանական վեհաժողովի փոխնախագահ պարոն Էրոլ Ասլան Սեբեցին իր ելույթում կարևորեց համաժողովի քննարկման թեմաները, նա նշեց, որ տեղեկատվական տեխնոլոգիաների լայն կիրառումը կարող է կասկածի տակ դնել մասնավոր կյանքը և տեղեկատվության անձեռնմխելիությունը:

ԵԽ մարդու իրավունքների հանձնակատար Թոմաս Համմերբերգը իր ելույթում նշեց, որ արդարադատության համակարգի արդիականացումը հնարավորություն կտա լայն օգտագործել դատական պրակտիկան բոլոր դատարաններում, դատական համակարգը կգործի միասնականացված և նույնական, ինչն էլ համակարգը կդարձնի առավել թափանցիկ: Համմարբերգը մատնանշեց ԵԽ անդամ երկրների դատարաններում առկա երկու խնդիր, առաջինը այն, որ դատաքննության ժամկետները չափազանց երկար են, և երկրորդը, որ դատական որոշումները ոչ միշտ է, որ արդյունավետ կատարվում են: Համմարբերգը նաև ողջունելի համարեց ԵԽ անդամ երկրներում քրեակատարողական համակարգերի անցումը արդարադատության նախարարություններին:

Իր ելույթով հանդես եկավ ԵԽ խոշտանգումների կանխարգելման կոմիտեի (CPT) նախագահ պարոն Մաուրո Պալման, որը նշեց, որ բանտերի ծանրաբեռնվածությունը խնդիր է, որը ԵԽ-ն դեռ չի հաղթահարել: Պետք է միջոցներ ձեռնարկել կրճատելու կալանավորման ժամկետները, ինչպես նաև կալանավորում խափանման միջոցը պետք է կիրառվի հազվադեպ և միայն որպես բացառություն: Նա նշեց նաև, որ քրեակատարողական հիմնարկների թվի ավելացումը չի կարող համարվել բանտերի գերծանրաբեռնվածության խնդրի լուծման արդյունավետ միջոց: -0-

Loading...
Թեմատիկ նյութեր
Բաժնի այլ նյութեր
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։