480.74
+0.03
511.65
+0.46
7.48
-0.03
+3
Եղանակը Երևանում
Հայ
Հարավային Օսեթիան և հայկական պատվիրակության ապագան ԵԽԽՎ ձմեռային նստաշրջանի կենտրոնական թեմաները կլինեն
11:32
26 Հունվարի 2009

Ռուսաստանի կողմից Հարավային Օսեթիայի վերաբերյալ հոկտեմբերյան բանաձևի կատարումը, Վեհաժողովում Հայաստանի պատվիրակության ապագան և «Գոնգաձեի գործը» երկուշաբթի Ստրասբուրգում բացվող Եվրոպայի Խորհրդի Խորհրդարանական Վեհաժողովի (ԵԽԽՎ) ձմեռային նստաշրջանի կենտրոնական թեմաները կլինեն, հաղորդում է «ՌԻԱ Նովոստին»։

Ինչպես «ՌԻԱ Նովոստիին» տեղեկացրել է Վեհաժողովի աշխատակազմի աշխատակիցը, «Վրաստանի և Ռուսաստանի միջև պատերազմի և օգոստոսյան հակամարտության հումանիտար հետևանքների մասին 1633 բանաձևի կատարմանն է նվիրված լինելու ողջ չորեքշաբթին՝ հունվարի 28-ը»։

ՌԴ նախագահ Դմիտրի Մեդվեդևը օգոստոսի 26-ին Աբխազիայի և Հարավային Օսեթիայի անկախության ճանաչման մասին հրամանագրեր ստորագրեց՝ կոչ անելով մյուս պետություններին հետևել Ռուսաստանի օրինակին։ Դրան նախորդել էր օգոստոսի 8-ին վրացական զորքի ներխուժումը Հարավային Օսեթիայի տարածք և դրան հաջորդած՝ Վրաստանին խաղաղության դրդող ռուսական օպերացիան։

Առաջին անգամ Հարավային Օսեթիայի շուրջ իրավիճակը ԵԽԽՎ-ն քննարկել էր հոկտեմբերյան նստաշրջանի ժամանակ։ Հակամարտության հետևանքների քննարկմանն էր նվիրված նստաշրջանի հինգ աշխատանքային օրերից երեքը։ Բանավեճի արդյունքում ընդունվել էր մի բանաձև, որտեղ վեհաժողովը խնդրել է Ռուսաստանին չեղյալ համարել Հարավային Օսեթիայի և Աբխազիայի անկախության ճանաչումը։ ԵԽԽՎ-ն այն ժամանակ նշել էր, որ ռուսական կողմը պատասխանատվություն է կրում այն ամենի համար, ինչ կատարվել է Հարավային Օսեթիայում։

Բանավեճերի ընթացքում խորհրդարանականները չէին աջակցել ռուսական պատվիրակությանը ձայնի իրավունքից զրկելու մասին ծայրահեղական տրամադրություն ունեցող պատգամավորների նախաձեռնությանը։ Միաժամանակ նշվել էր, որ ԵԽԽՎ-ն հետևելու է ընդունված բանաձևի կատարմանն ու կվերադառնա այդ հարցին այս տարվա հունվարին կայանալիք նստաշրջանի ժամանակ։

«ՌԻԱ Նովոստիին» տված հարցազրույցի ժամանակ մեկնաբանելով կայանալիք քննարկումը՝ Վեհաժողովում ռուսական պատվիրակության ղեկավար Կոնստանտին Կոսաչևը նշել է, որ Ռուսաստանին սուր բանակցություններ են սպասվում Վեհաժողովում։

«Ես սուր բանակցություններ են կանխատեսում, չհամընկնող տեսակետների մեծ քանակություն, սակայն, այնուամենայնիվ, ես որևէ պառակտում, որևէ հակամարտություն չեմ կանխատեսում, մենք ԵԽԽՎ-ում աստիճանաբար հասնում ենք նորմալ, կառուցողական երկխոսության», - պարզաբանել է նա։

Կոսաչևը ուշադրություն է դարձրել այն հանգամանքին, որ, ընդհանուր առմամբ, ռուսական պատվիրակությունն ակնկալում է « հարավօսական և աբխազական թեմաների առավել խորը և առավել բովանդակալից քննարկում»։

Ծրագրվում է, որ Վեհաժողովը կլսի Ռուսաստանի և Վրաստանի փոխհարաբերությունների թեմայի վերաբերյալ երկու ծավալուն զեկույց։ Նրանցից մեկը կներկայացնեն ԵԽԽՎ-ի՝ երկկողմ հարաբերությունների հարցերով զեկուցողներ Լյուկ վան դեր Բրանդենն ու Մաթիաս Երշին։ «ՌԻԱ Նովոստիի» տվյալներով, իրենց փաստաթղթում նրանք վերլուծում են վրաց-հարավօսական հակամարտության շրջանում ընթացող իրավիճակը։ Երկրորդ փաստաթուղթը կներկայացնի ԵԽԽՎ-ի՝ փախստականների և միգրացիայի հարցերով հանձնաժողովի զեկուցող Կորիեն Յոնկերը։ Նա կպատմի օգոստոսյան հակամարտության հումանիտար կողմի մասին։

Բանավեճերից հետո կընդունվի երկու կողմերին վերաբերող խորհրդատվությունների նախագիծ։ Բացի հարավօսական թեմայից, նստաշրջանին կքննարկվի նաև Վեհաժողովում Հայաստանի պատվիրակության ապագան։

ԵԽԽՎ-ում կարծում են, որ Հայաստանն ամբողջովին չի կատարել անցած տարվա բանաձևի դրույթները. ազատ չի արձակել «քաղբանտարկյալներին» և չի անցկացրել անցած տարվա մարտի 1-2-ի  իրադարձությունների անաչառ հետաքննություն, երբ ընդդիմության հանրահավաքը վերածվեց ցուցարարների և իրավապահ մարմինների ներկայացուցիչների միջև բախումների (ինչի հետևանքով զոհվեց տասը և վիրավորվեց 265 մարդ)։

Անցած տարվա դեկտեմբերի 17-ին տեղի ունեցած նիստի ժամանակ ԵԽԽՎ-ի մոնիտորինգի հանձնաժողովն առաջարկեց Վեհաժողովի այս նստաշրջանի ժամանակ դադարեցնել հայկական պատվիրակության ձայնի իրավունքը։

Ռուսական պատվիրակությունը հույս ունի, որ ԵԽԽՎ-ն նման որոշում չի ընդունի։ Ինչպես պարզաբանել է Կոնստանտին Կոսաչևը, «հայկական իշխանությունները մեծամասամբ հաշվի են առել Վեհաժողովի խորհուրդները...»։

«Ես չեմ կարծում, որ իրավիճակը Հայաստանում այնքան մտահոգիչ է, այնքան չի համապատասխանում Եվրոպայի Խորհրդի չափանիշներին և արժեքներին, որպեսզի նման որոշում ընդունվի», - նշել է խորհրդարանականը։

Նա ասել է, թե «անհանգստության համար հիմքեր, միգուցե, կան», սակայն ավելացրել է, որ ռուսական պատվիրակությունը «վճռականորեն դեմ է հանդես գալու հայկական պատվիրակության նկատմամբ նման որոշում ընդունելուն»։

Բացի այս թեմայից եվրոպացի խորհրդարանականները կլսեն նաև այսպես-կոչված «Գոնգաձեի գործի» մասին զեկույցը։ Ակնկալվում է, որ «ՅՈՒԿՈՍ-ի գործով» Վեհաժողովի նախկին զեկուցող Սաբինա Լոյթհոյզեր-Շնարենբերգերը (Sabine Leutheusser-Schnarrenberger) հունվարի 27-ին Վեհաժողովում կներկայացնի իր փաստաթուղթը, «որը նվիրված է Ուկրաինայում Կուչմայի ռեժիմի կողմից իրականացված հանցագործողությունների հանգամանքների քննությանը, մասնավորապես Գոնգաձեի գործը»։

Ընդդիմադիր լրագրող Գոնգաձեն անհետացել էր 2000 թ.-ի սեպտեմբերի 16-ին Կիևում։ Նույն տարվա նոյեմբերին նրա գլխատված մարմինը գտել էին Կիևի շրջանի Տարաշչա քաղաքի մերձակայքում գտնվող անտառում։ Շուտով գտնվել էին ձայնագրություններ, որոնք արվել էին պետական պաշտպանության նախկին մայոր Նիկոլայ Մելնիչենկոյի կողմից՝ այն ժամանակ Ուկրաինայի նախագահ Լեոնիդ Կուչմայի գրասենյակում։ Ժապավենի վրա Կուչմայի ձայնին նման ձայնը կարգադրում է «հաշվեհարդար տեսնել լրագրողի հետ»։ Հետաքննությունը, սակայն, նախկին նախագահին չի դիտում որպես սպանության գործով դերակատար։

Բացի այդ, կայանալիք ձմեռային նստաշրջանի ժամանակ եվրոպացի խորհդարանականները կքննարկեն նաև Մերձավոր Արևելքում ընթացող իրավիճակն ու համաշխարհային տնտեսական ճգնաժամը։

Նստաշրջանն իր աշխատանքը կավարտի ուրբաթ՝ հունվարի 30-ին։-0-

Loading...
Թեմատիկ նյութեր
Բաժնի այլ նյութեր
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։
12:19
26 Նոյեմբերի 2016
ՀՀ վարչապետը շնորհակալություն է հայտնել կուսակցության նոր անդամներին ակտիվ քաղաքացիական դիրքորոշում դրսևորելու համար
ՀՀ վարչապետ Կարեն Կարապետյանը շաբաթ օրը ՀՀԿ 16–րդ համագումարի մեկնարկից առաջ լրագրողների հետ զրույցում շնորհակալություն հայտնեց կուսակցության նոր անդամներին ակտիվ քաղաքացիական դիրքորոշում դրսևորելու համար։
11:47
26 Նոյեմբերի 2016
ՀՀԿ-ն կանխատեսելի քաղաքական ուժ է և իմիջի փոփոխություն չի ծրագրում. Շարմազանով
Հայաստանի հանրապետական կուսակությունը կանխատեսելի քաղաքական ուժ է: