481.73
+0.23
568.97
+3.45
8.37
-0.02
+7
Եղանակը Երևանում
Հայ
Ղարաբաղյան հակամարտության շուրջ ՀՀ նախկին նախագահի հայտարարություններն ուղղված են բնակչության որոշակի հատվածի ձայները ստանալուն. քաղաքագետ
17:09
23 Նոյեմբերի 2007

ԵՐԵՎԱՆ, 23 նոյեմբերի./Նովոստի-Արմենիա/. Ղարաբաղյան հակամարտության շուրջ ՀՀ նախկին նախագահ Լևոն Տեր-Պետրոսյանի հայտարարություններն ուղղված են 2008թ. փետրվարին կայանալիք նախագահական ընտրությունների ժամանակ բնակչության որոշակի հատվածի ձայները ստանալուն։ Ուրբաթ մամուլի ասուլիսի ժամանակ այս կարծիքը հայտնեց Կովկասյան լրատվամիջոցների ինստիտուտի տնօրեն, քաղաքագետ Ալեքսանդր Իսկանդարյանը։

«Տեր-Պետրոսյանն օգտագործում է բնակչության որոշակի հատվածի տրամադրությունը, որն արդեն հոգնել է ղարաբաղյան հիմնախնդրից և ցանկանում է դրա շուտափույթ լուծումը։ Իսկ իշխանություններն, ի պատասխան դրան, պետք է աշխատեն նպատակային այլ խմբերի վրա»,- ասաց Իսկանդարյանը։

Միաժամանակ, նա նշեց, որ երկու խմբերի փոխհարաբերությունների մասին առայժմ ոչինչ հայտնի չէ, իսկ թեկնածուների հայտարարությունները բոլորովին էլ պարտադիր չէ, որ արտացոլեն նրանց իրական մոտեցումները տվյալ խնդրի վերաբերյալ։

Իր հերթին, ՀՀ ԱԺ ՀՀԿ-ից պատգամավոր Էդուարդ Շարմազանովը նշեց, որ նախկին իշխանությունների ներկայացուցիչների հայացքները Ղարաբաղի վերաբերյալ, բոլորին հայտնի են, և հենց դրանց հետևանքով էր, որ իր ժամանակին Տեր-Պետրոսյանը զրկվեց իշխանությունից։

«Եթե մեր մրցակիցներն ասում են, որ Ղարաբաղի հանձնումից հետո մենք կսկսենք ավելի լավ ապրել՝ դա ճիշտ չէ»,- հայտարարեց Շարմազանովը։

Նա ընդգծեց, որ Ղարաբաղի հարցը փաստացիորեն լուծված է։ «Մենք ունենք ազատագրված տարածքներ, սահմանը գծված է, դրանից այն կողմ հայկական կողմը ուրիշ փոխզիջումների չի գնա։ Մենք պետք է ապահովենք Հայաստանի և Ղարաբաղի միջև ընդհանուր ցամաքային սահմանը և ղարաբաղցի հայերի անվտանգությունը»,- ասաց պատգամավորը։

Հոկտեմբերի 26-ի հանրահավաքին իր ելույթի ժամանակ Լևոն Տեր-Պետրոսյանը նշեց, որ Հայաստանի ոչ մի նախագահ չի կարող վաճառել Ղարաբաղն այն պատճառով, որ Ղարաբաղի ճակատագիրը որոշում է նրա ժողովուրդը, այլ ոչ թե Հայաստանը կամ Ադրբեջանը, ինչպես նաև ընդգծեց, որ «այսօր անհրաժեշտ է ստատուս-քվոյի պահպանման փիլիսոփայությունից անցնել հիմնախնդրի լուծման փիլիսոփայությանը»։ Առաջին նախագահը նաև կարծում է, որ պետք չէ վախենալ փոխզիջումներից, քանի որ միայն այդ դեպքում է հնաարվոր հիմնախնդրի արդյունավետ լուծումը։

Հայաստանում նախագահական ընտրությունները նշանակված են 2008-ի փետրվարի 19-ին։

Վարչապետ Սերժ Սարգսյանի թեկնածությունը նախագահական ընտրություններին առաջադրվել է նոյեմբերի 10-ին Հայաստանի հանրապետական կուսակցության նիստում։ Քաղաքագետների կարծիքով, նախագահի ամենահավանական թեկնածուն ՀՀ  ներկայիս վարչապետ, ՀՀԿ նախագահ Սերժ Սարգսյանն է։

ՀՀ նախագահի հիմնական ընդդիմադիր թեկնածուն առաջին նախագահ Լևոն Տեր-Պետրոսյանն է, որը տասնամյա լռությունից հետո վերադարձել է քաղաքականություն։ Նրա անձի շուրջ արդեն ձևավորվել է ընդդիմադիր քաղաքական ուժերի դաշինք։--0--

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: