Փաշինյանը` Վրաստանի նախագահին. «պետք է մեր հարաբերություններում հենվենք ռազմավարական ընդհանուր շահերի վրա» (ՎԻԴԵՈ)
17:58
13 Մարտի 2019
ԵՐԵՎԱՆ, 13 մարտի. /Նովոստի-Արմենիա/. Վարչապետ Նիկոլ Փաշինյանն ընդունել է Վրաստանի նախագահ Սալոմե Զուրաբիշվիլիին, ով Հայաստան է ժամանել երկօրյա պաշտոնական այցով, հայտնում է կառավարության մամուլի ծառայությունը։
Տեղի է ունեցել Հայաստանի վարչապետի և Վրաստանի նախագահի առանձնազրույցը:
Ողջունելով Վրաստանի նախագահ Սալոմե Զուրաբիշվիլիին՝ վարչապետ Նիկոլ Փաշինյանը նշել է, որ ուրախ է ողջունել Վրաստանի նախագահի ղեկավարած պատվիրակությանը Հայաստանում:
Նա հիշեցրել է, որ որպես վարչապետ՝ իր առաջին պաշտոնական այցը կատարել է Վրաստան, ինչն ընդգծում է Հայաստանի կառավարության և անձամբ վարչապետի առանձնահատուկ ուշադրությունը և կարևորության զգացումը հայ-վրացական հարաբերությունների վերաբերյալ:
«Ընդգծել եմ, որ մենք պետք է մեր հարաբերություններում հենվենք ռազմավարական ընդհանուր շահերի վրա և ուրախ եմ, որ Վրաստանի կառավարության կողմից համարժեք արձագանքի եմ արժանացել: Հիմա ժամանակն է այդ փոխադարձ ըմբռնումը կյանքի կոչել: Եվս մեկ անգամ բարով եք եկել»,– ասել է Փաշինյանը:
Загружается новость ...
"Право"
Վրաստանի նախագահ Սալոմե Զուրաբիշվիլին իր հերթին ուրախություն է հայտնել հարևան, բարեկամ Հայաստանում պաշտոնական այցով գտնվելու համար։
Նա ևս համոզմունք է հայտնել, որ երկու երկրների` առանց այն էլ սերտ հարաբերությունները կանցնեն նոր փուլ, և հնարավոր կլինի դրանք ավելի զարգացնել:
«Մեզ շատ բան է միավորում՝ աշխարհագրությունը, պատմությունը, բացի պատմությունից և աշխարհագրությունից, մեզ միավորում է մեր ընդհանուր տեսլականն ապագայի մասին: Կարծում ենք՝ մենք կկարողանանք մեր հնարավորություններն օգտագործել, առավել ևս կապված Եվրամիության հետ: Միասին շատ բան կարող ենք անել և շատ անելիքներ ունենք միասին: Եվս մեկ անգամ շնորհակալություն»:
Առանձնազրույցից հետո Նիկոլ Փաշինյանը և Սալոմե Զուրաբիշվիլին քննարկումը շարունակել են ընդլայնված կազմով հանդիպման ձևաչափով՝ աշխատանքային ճաշի շրջանակում:
Հայաստանի վարչապետը և Վրաստանի նախագահը բարձր են գնահատել երկու բարեկամ երկրների միջև հարաբերությունների ներկայիս մակարդակը և կարևորել համագործակցության հետագա զարգացումը:
Կողմերն ընդգծել են տարբեր ուղղություններով հայ-վրացական կապերի խորացման կարևորությունը և մտքեր փոխանակել առևտրատնտեսական հարաբերությունների ընդլայնման շուրջ:
Քննարկվել են տարբեր ոլորտներում փոխգործակցության ընթացքը և զարգացման հեռանկարները: -0-
«Ապրելու երկիր» ընդդիմադիր կուսակցության անդամ Մեսրոպ Առաքելյանը պատրաստվում է դիմել ՍԴ՝ «Քաղաքացիական պայմանագիր» կուսակցության գործունեությունն արգելելու համար
Պեսկովը հայտարարել է, որ Մոսկվան շարունակում է շփումները Երևանի հետ, որպեսզի պարզաբանի ՀՀ վարչապետ Նիկոլ Փաշինյանի հայտարարությունները ՀԱՊԿ–ում անդամակցության «սառեցման» մասին