Փաշինյանը կարող է պայմանավորվել ՀՀԿ–ի հետ. փորձագետ

ԵՐԵՎԱՆ, 25 հունիսի. /Նովոստի–Արմենիա/. Հայաստանի վարչապետ Նիկոլ Փաշինյանը կարող է պայմանավորվածություն ձեռք բերել Հանրապետական կուսակցության հետ` Հայաստանի ԱԺ արտահերթ ընտրություններում «Ծառուկյան» դաշինքից ձայներ վերցնելու համար, երկուշաբթի մամուլի ասուլիսում ասաց քաղտեխնոլոգ Վիգեն Հակոբյանը։

«Ծառուկյան» դաշինքն այժմ համարվում է խորհրդարանական ընտրություններում հիմնական հակառակորդը և, նախևառաջ, դա վերաբերում է Հայաստանի մարզերին։ Հավանականություն կա, որ փորձեր լինեն օգտագործել հանրապետականների ռեսուրսները` դաշինքից ձայներ վերցնելու համար»,– ասաց Հակոբյանը։


Ելնելով դրանից` փորձագետը կոչ արեց նայել ընթացող իրադարձություններին արտահերթ ընտրություններին նախապատրաստվելու պրիզմայով և նշեց, որ կառավարության ծրագրի ընդունման պահից կարելի է խոսել երկրում նախընտրական արշավի մեկնարկի մասին։

Հակոբյանը նաև նշեց, որ մոտ ժամանակներում ընտրությունների անցկացման հավանականությունը փոքր է։

«Եթե ընտրություններն անցկացվեին այս օրերին կամ երկու ամիս անց, ապա Փաշինյանը կստանար ձայների մեծամասնությունը։ Բայց ավելի վաղ նա հայտարարել է, որ պետք է պատրաստվել ընտրություններին»,– ասաց քաղտեխնոլոգը, նշելով, որ աշնան կեսը համարում է արտահերթ ընտրությունների անցկացման առավել հավանական ժամանակահատված։ -0-