527.39
7.13
475.9
+28
Եղանակը Երևանում
Հայ

Փաշինյան–Ալիև հանդիպումը կարևոր էր, բայց ոչ դարակազմիկ. հայ պատգամավորներ

19:04
01 Ապրիլի 2019

ԵՐԵՎԱՆ, 1 ապրիլի./Նովոստի–Արմենիա/. Հայ պատգամավորները Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը կարևոր են անվանել, բայց ոչ դարակազմիկ։

Փաշինյանը և Ալիևը հանդիպել են Վիեննայում մարտի 29–ին։ Փաշինյանը հանդիպման արդյունքներով հայտարարել է, որ չի կարող ասել, թե բանակցային գործընթացում հեղափոխություն է եղել, իսկ Ալիևը նշել է, որ բանակցային ձևաչափը կմնա անփոփոխ։

Ինչպես նշեց «Իմ քայլը» խմբակցության անդամ Ռուբեն Ռուբինյանը, կողմերը նոր դիրքորոշումներ են ներկայացրել, և ժամանակ է պետք, որ դրանք վերաձևակերպվել են առաջարկությունների և շարադրվել են թղթի վրա։

Նա միաժամանակ ընդգծեց, որ Արցախի և Հայաստանի ղեկավարության միջև լիարժեք փոխըմբռնում կա բանակցային գործընթացի ռազմավարության և նպատակների շուրջ։
«Ակնհայտ է, որ նոր փաստաթուղթ առայժմ չի մշակվում, քանի որ հստակ բովանդակություն չկա, և կողմերն առայժմ քննարկում են բանակցային գործընթացի պատմությունն ու ընկալումը։ Ինչ վերաբերում է մարդասիրական ծրագրերին, ապա խոսքն այն ակցիաների մասին է, որոնք ուղղված կլինեն վստահության բարձրացմանը և խաղաղության մթնոլորտի ձևավորմանը կարգավորման հասնելու համար»,– ասաց Ռուբինյանը։

Նրա խոսքով, պետք չէ ակնկալել, մեկ հանդիպման արդյունքներով բոլոր հարցերը կլուծվեն, կարևորը, որ գործընթացը մեկնարկել է։

Загружается новость ... "Право"

«Այդ հանդիպումից չարժեր դարակազմիկ արդյունքներ սպասել, միաժամանակ, այն կարևոր էր, այդ թվում` հաշվի առնելով հայկական կողմի առաջարկած նոր մոտեցումները»,– ասաց Ռուբինյանը։

«Լուսավոր Հայաստան» խմբակցության ղեկավար Էդմոն Մարուքյանն իր հերթին կարևորեց հայկական կողմի առաջարկած երեք սկզբունքների և վեց տարրերի ներկայացումն ու քննարկումը, ինչպես նաև Արցախի մասնակցությունը բանակցություններին։

«Անհրաժեշտ է չմոռանալ, որ դրանք հիմնված են Հելսինկյան փաստաթղթի եզրափակիչ ակտի վրա, որը չի փոխվում։ Հարցը կողմերի մեկնաբանություններն են։ Մեր իշխանությունները պետք է նոր մոտեցումներ առաջարկեն` նրանք փորձում են, դա հեշտ չի լինի, այդ իսկ պատճառով բանակցությունները շարունակվում են»,– ասաց Մարուքյանը, ընդգծելով, որ առայժմ չարժե արդյունքների սպասել։

«Բարգավաճ Հայաստան» խմբակցության անդամ Իվետա Տոնոյանն իր հերթին նշեց, որ Փաշինյան–Ալիև պաշտոնական հանդիպումն ըստ էության բանակցային բեկում արձանագրեց, իսկ հիմնական շեշտը դրված էր փոխվստահության մթնոլորտի ձևավորմանը, ինչը ենթադրում է շփման գծում լարվածությունը մեղմելու, ինչպես նաև առաջնային գծից դիպուկահարներին դուրսբերելու աշխատանքներ։

Նա նշեց, որ բանակցություններում պետք է բարձրացվի Արցախը որպես բանակցային կողմ ընդգրկելու հարցը, սակայն հասկանալի է, որ առնվազն պաշտոնական հայտարարություններում դա չի հիշատակվում։ Սակայն, նրա խոսքով, այն փաստը, որ հանդիպումից միանգամից հետո Ալիևը հայտարարում է, որ ձևաչափի փոփոխություն չի լինելու, խոսում է այն մասին, որ կամ հարցը քննարկվել է, և նա բացասական է դրան վերաբերվել, կամ փորձել է առաջ անցնել իր պատասխանով։

«Դա մտահոգություն է առաջացնում, ինչպես և այն, որ Ալիևը ձևաչափի պահպանման վերաբերյալ համանախագահների հայտարարությունը շատ կոռեկտ է համարում։ Անհրաժեշտ են լրացուցիչ պարզաբանումներ»,– ասաց Տոնոյանը։ -0-



Թեմատիկ նյութեր
Բաժնի այլ նյութեր
14:19
17 Օգոստոսի 2019
Ռուսաստանը հրաժարվել է արտահանձնել Միհրան Պողոսյանին
ՀՀ գլխավոր դատախազությունը ՌԴ գլխավոր դատախազությանն առաջարկել է տրամադրել հստակ տեղեկատվություն՝ Մ. Պողոսյանի հանձնումը մերժելու պատճառների վերաբերյալ:

14:48
14 Օգոստոսի 2019
ԱԳ նախարարը մեկնաբանել է Փաշինյան–Թրամփ հանդիպման հնարավորությունը
Զոհրաբ Մնացականյանը մեկնաբանել է Փաշինյան–Թրամփ հանդիպման հնարավորությունը։
12:48
14 Օգոստոսի 2019
ՀՀ ԱԳ նախարարը ձեռնպահ մնաց Ադրբեջանում հայտնված զինծառայողի վերաբերյալ մեկնաբանություն տալուց
«Դա բավականին զգայուն հարց է, և Հայաստանի ԱԳՆ-ն արդեն տարածել է հայտարարություն», - ասաց Մնացականյանը:
15:21
13 Օգոստոսի 2019
Պատրուշևը և Գրիգորյանը հաստատել են ՀՀ և ՌԴ ԱԽ-ների համագործակցության բարձր մակարդակը
Երևանում երեքշաբթի կայացել է Հայաստանի և Ռուսաստանի Անվտանգության խորհրուրդների քարտուղարների խորհրդակցությունները:
20:14
12 Օգոստոսի 2019
ՌԴ ԱԽ քարտուղարը ժամանեց Հայաստան
Երկուշաբթի Հայաստան ժամանեց Ռուսաստանի Անվտանգության խորհրդի քարտուղար Նիկոլայ Պատրուշևի գլխավորած պատվիրակությունը։
20:03
09 Օգոստոսի 2019
Ավինյանը հրաժարվել է մեկնաբանել BBC–ի հոդվածը Մարտի 1–ի գործով
ՀՀ փոխվարչապետ Տիգրան Ավինյանը հրաժարվել է մեկնաբանել BBC–ի հոդվածը Մարտի 1–ի գործով։
17:31
09 Օգոստոսի 2019
Երևանը և Մոսկվան միտված են երկկողմանի ռազմավարական կապերի ամրապնդմանը. կայացել է Փաշինյանի և Մեդվեդևի հանդիպումը
Նիկոլ Փաշինյանն այսօր հանդիպում է ունեցել Ռուսաստանի Դաշնության կառավարության նախագահ Դմիտրի Մեդվեդևի հետ։
17:26
09 Օգոստոսի 2019
Փաշինյանն էկոնոմիկայի նախարարի տեղակալ է նշանակել
Նիկոլ Փաշինյանն էկոնոմիկայի նախարարի տեղակալ է նշանակել:
14:37
09 Օգոստոսի 2019
ՌԴ ԱԽ քարտուղար Պատրուշևը կայցելի Հայաստան
Այցի օրակարգը չի նշվում:
23:35
08 Օգոստոսի 2019
Վարչապետ Նիկոլ Փաշինյանն աշխատանքային այցով ժամանել է Ղրղզստան (ՖՈՏՈ)
Փաշինյանն աշխատանքային այցով ժամանել է Ղրղզստան։
19:20
07 Օգոստոսի 2019
ՄԻԵԴ–ը ստացել է Քոչարյանի գործով ՍԴ դիմումը. այն կքննարկվի առաջնահերթության կարգով
Հուլիսի 10–ին Սահմանադրական դատարանը որոշել է վարույթ ընդունել 300.1 հոդվածի` Սահմանադրությանը համապատասխանության հարցի քննարկումը:
13:00
02 Օգոստոսի 2019
Հայ քաղաքական ընդդիմությանը նոր զարգացումներ են սպասվում
Հայկական ներքաղաքական դաշտի ընդդիմադիր սեգմենտում նոր գործընթացներ են սպասվում