483.87
+0.05
519.53
-2.51
8.59
+0.1
+6
Եղանակը Երևանում
Հայ
ՆԱՏՕ. ղարաբաղյան հակամարտության կողմերին զենք մատակարարող ցանկացած երկիր նպաստում է հակամարտության շարունակությանը
18:03
03 Նոյեմբերի 2015
ԵՐԵՎԱՆ, 3 նոյեմբերի./Նովոստի–Արմենիա/. Ղարաբաղյան հակամարտության կողմերին զենք մատակարարող ցանկացած երկիր նպաստում է հակամարտության շարունակությանը, երեքշաբթի հայտարարեց Հարավային Կովկասում Հյուսիսատլանտյան դաշինքի կապի սպա Ուիլյամ Լահյուն ՀՀ–ում ՆԱՏՕ–ի շաբաթվան նվիրված մամուլի ասուլիսի շրջանակում։

Լահյուի խոսքով` ղարաբաղյան հակամարտության շրջանակում օգտագործվող սպառազինության հիմնական մատակարարը Ռուսաստանն է։ Խոսելով Թուրքիայի կողմից Ադրբեջանին զենք մատակարարելու մասին` փորձագետը նշեց, որ ՆԱՏՕ–ն չի կարող ինքնավար պետություններին արտաքին քաաքականություն թելադրել, չնայած, որ նրանք Դաշինքի անդամներ են։

«Ինչպես հայտնի է, ՆԱՏՕ–ն աջակցում է ղարաբաղյան հակամարտության խաղաղ լուծմանը։ Դաշինքը չի մասնակցում կարգավորման գործընթացին, սակայն քաղաքական տեսակետից աջակցում է հակամարտությունում ներգրավված կազմակերպություններին։ Այս խնդիրը ոչ միայն անդրադառնում է տարածաշրջանի անվտանգության վրա, այլ նաև արգելակում է տարածաշրջանի տնտեսական զարգացումը», – նշեց Լահյուն։

Խոսելով հակամարտության գոտի խաղաղարար ուժեր մտցնելու հնարավորության մասին` Լահյուն նշեց, որ դա հետաքրքիր հարց է, սակայն այն չի ներառվում ՆԱՏՕ–ի նպատակների ցանկում։

«Եթե Հայաստանն ու Ադրբեջանը, ինչպես նաև հակամարտության խաղաղ կարգավորման գործընթացում մասնակցող միջնորդները որոշեն, որ նման անհրաժեշտություն կա, և դա թույլ կտա խուսափել զոհերից, ապա հարցն, իհարկե, կարելի է քննարկել», –ասաց Լահյուն։

Նա նաև նշեց, որ Երևանի և ՆԱՏՕ–ի հարաբերությունները բացառիկ են այն իմաստով, Հայաստանը ՀԱՊԿ–ի միակ անդամն է, որը մասնակցում է ՆԱՏՕ–ի խաղաղարար գործողություններին։

«Այս ամենը վկայում է այն մասին, որ ՆԱՏՕ–ն հարգում է իր անկախ գործընկերների դիրքորոշումները։ Երևանի հետ աշխատանքի նպատակն է աջակցել ոչ միայն տարածաշրջանային, այլ նաև գլոբալ կայունությանը», – նշեց նա։

Նրա խոսքով` Հայաստանն ամբողջությամբ օգտագործում է համագործակցության այն մեխանիզմները, որոնք տրամադրում են Դաշինքի հետ գործընկերական հարաբերությունները, և Հայաստանի խաղաղարար ուժերը այդ ամենի ուղիղ ապացույցն են։

Հայաստանը 2004 թ.–ից մասնակցում է միջազգային խաղաղարար առաքելություններին։ Այս պահին հայկական համակազմերը տեղակայված են Կոսովոյում, Աֆղանստնում, ինչպես նաև հայ խաղաղապահները ՄԱԿ–ի հովանու ներքո առաքելություն են իրականացնում նաև Լիբանանում։

Հայաստանի և ՆԱՏՕ–ի միջև համագործակցությունն այս պահին կառուցվում է Հայաստան–ՆԱՏՕ անհատական գործընկերության ծրագրի համաձայն (Individual Partnership Action Plan - IPAP), որը ստորագրվել է 2005 թ.–ի դեկտեմբերին։ IPAP–ում Հայաստանի մասնակցությունը նախատեսում է տարածաշրջանային անվտանգության հարցերի շուրջ ՆԱՏՕ–ի հետ պարբերական խորհրդատվությունների անցկացում, անվտանգության ռազմավարության, Հայաստանի ռազմական դոկտրինի մշակում, պաշտպանական և բյուջետային պլանավորման գործընթացի արդիականացում և այլ հարցեր։

2007 թ.–ի մարտից Երևանում գործում է ՆԱՏՕ–ի տեղեկատվական կենտրոնը։


Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն, ընդհանուր առմամբ, շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը: Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է:

1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան:-0-
Loading...
Թեմատիկ նյութեր

Բաժնի այլ նյութեր
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։