480.39
+0.17
536.6
+0.48
8.07
+0.03
+15
Եղանակը Երևանում
Հայ
Սահմանին իրավիճակի սրմամբ Ադրբեջանը փորձում է շեղել հասարակության ուշադրությունը ներքին խնդիրներից. ՀՀ պաշտպանության նախարար
17:20
17 Մարտի 2015

ԵՐԵՎԱՆ, 17 մարտի. /Նովոստի–Արմենիա/. Ադրբեջանը բազմաթիվ ներքաղաքական խնդիրներ ունի, և սահմանին իրավիճակի նպատակաուղղված սրումը հասարակության ուշադրությունն այդ խնդիրներից շեղելու միջոցներից մեկն է, ասել է ՀՀ պաշտպանության նախարար Սեյրան Օհանյանը «Գոլոս Արմենիի» թերթին տված հարցազրույցում։

«Այդ երկրում, ինչպես հայտնի է, իրական և շատ լուրջ խնդիրներ կան` կապված մարդու իրավունքների, խոսքի ազատության, ազգային փոքրամասնությունների և այլնի հետ։ Իրավիճակի սրումը Ադրբեջանը նաև օգտագործում է որպես միջազգային կառույցների վրա ճնշման միջոց, իբր տեսեք սահմանի լարվածությունն աճում է, այնպես որ եկեք ավելի արագ լուծենք ղարաբաղյան հակամարտությունը», – ընդգծել է Օհանյանը։

Նա կարծում է, որ իրավիճակի մշտական սրումը քաղաքական համատեքստում նպատակ ունի նաև ազդել Հայոց ցեղասպանության 100–րդ տարելիցի հետ կապված միջոցառումների վրա։

Նշելով, որ հայ–ադրբեջանական սահմանի իրավիճակը մնում է լարված և շիկացած մթնոլորտը մշտապես աճում է` Օհանյանն ընդգծել է, որ այս հարցում շատ բան է դեր խաղում, այդ թվում` գլոբալ քաղաքական, ֆինանսա–տնտեսական, տարածաշրջանային գործոնները։

«Ի դեմս Ադրբեջանի` մենք ունենք հարևան, որը փորձում է և պատրաստ է օգտագործել ցանկացած, առանձին վերցրած գործոն և ընդհանուր ամեն ինչ` լարվածության աստիճանը բարձրացնելու համար», – ասել է նա։

Հունվարի սկզբին սրվել է իրավիճակն Ադրբեջանի և Ղարաբաղի զորքերի շփման գծում և հայ–ադրբեջանական սահմանին։ Գրեթե ամեն օր տեղեկատվություն է ստացվում, որ ադրբեջանական կողմը խախտել է հրադադարի ռեժիմը, գնդակոծել է հայկական դիրքերն ու դիվերսիոն փորձեր է կատարել։

 «Ակնհայտ է նաև, որ փորձ է արվում ազդել Հայաստանի ներքաղաքական, տնտեսական գործընթացների վրա, ակնհայտ է արտագաղթի ալիք հրահրելու ձգտումը։ Մեր կողմից զիջման հասնելու նպատակով Ադրբեջանի կողմից օգտագործվող շանտաժի մեթոդները բացարձակապես անհեռանկարային են», – ասել է Օհանյանը։

Նրա խոսքերով` սա անհաջող հաշվարկ է, քանի որ, ինչպես ցույց տվեցին, մասնավորապես, նախորդ տարվա օգոստոսյան իրադարձությունները, նման փորձերն անհաջող են անցնում Ադրբեջանի կողմից, իսկ հայկական հասարակությունն էլ ավելի է համախմբվում և բանակից պահանջում կոշտ պատասխան։

«Վերադառնալով Ադրբեջանի կողմից լարվածության սրման պատճառներին` հարկ է նշել ֆինանսա–տնտեսական գործոնը, որը կապված է նավթի գների անկման հետ։ Դրա պատճառով Ադրբեջանն արդեն չի կարող իրագործել բազմաթիվ ծրագրեր իր տարածքում, և սահմանի լարվածությունը կրկին գործուն միջոց է ադրբեջանական հասարակության ուշադրությունը ներքին խնդիրներից շեղելու համար», – ասել է Օհանյանը։

ՀՀ պաշտպանության նախարարի կարծիքով` ուժերի հավասարակշռությունը շուտով կարող է Հայաստանի կողմն անցնել, և ադրբեջանցիներն ամեն գնով փորձում են օգտագործել ներկա պահը։

«Իսկ հետո նրանց երբեմն թվում է, թե նրանք պատրաստ են պատերազմի։ Այս ամենն իրար հետ արտահայտվում է մշտական գնդակոծությունների, հրադադարի ռեժիմի խախտման և սահմանին դիվերսիոն փորձերի տեսքով։ Սակայն ասեմ, որ հոխորտանքը կտրուկ նվազում է, երբ մենք արժանի պատասխան ենք տալիս։ Իսկ մենք նման պատասխան տալիս ենք», – ասել է ՀՀ պաշտպանության նախարարը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց  հետո հակամարտության գոտում դադարեցին ռազմական գործողությունները, որոնց հետևանքով երկու կողմն էլ շուրջ 25-30 հազար զոհ տվեց, մոտ մեկ միլիոն մարդ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։