483.58
+0.74
513.85
-7.76
7.67
+0.05
-1
Եղանակը Երևանում
Հայ
Ադրբեջանը կարող է գնալ պատերազմի սոցիալ–տնտեսական իրավիճակի վատացման պատճառով. փորձագետ
18:24
09 Փետրվարի 2015

ԵՐԵՎԱՆ, 9 փետրվարի. /Նովոստի–Արմենիա/. Ադրբեջանը կարող է Ղարաբաղում պատերազմ սկսել` նավթի գների կրճատման պատճառով երկրի սոցիալ–տնտեսական իրավիճակի վատացման հետևանքով, երկուշաբթի լրագրողներին հայտնեց քաղաքագետ Գագիկ Ղամբարյանը։

 Նավթի գնանշումները նախորդ տարվա ամռանից նվազել են ավելի քան կրկնակի` բարելի դիմաց 110 դոլարից մինչև 50 դոլար։ Վերլուծաբանները «սև ոսկու» արժեքի կտրուկ նվազումը կապում են շուկայում հումքի ավելցուկի հետ։ ՕՊԵԿ–ի երկրների` նոյեմբերի 27–ի` նավթի արդյունահանման քվոտն օրական 30 միլիոն բարելի մակարդակում պահելու որոշումն ուժեղացրել է գների կրճատումը, նոր տարում Brent նավթի մեկ բարելը նվազել է մինչև 45 դոլար։ Սակայն հունվարի վերջում–փետրվարի սկզբին նավթի գները սկսել են աճել։

«Ադրբեջանական իշխանությունները հայտարարում են, որ իրենց մոտ ամեն ինչ նորմալ է, և նավթի գների անկումը չի անդրադառնա Ադրբեջանի տնտեսության վրա։ Ւրականում դա, իհարկե, այդպես չէ։ Բոլոր երկրները, որոնց տնտեսությունը հիմնականում կախված է նավթային ճյուղից, դժվարություններ են կրում, այդ թվում` Ադրբեջանը, Ռուսաստանը, Իրանը, Նիգերիան և այլն»,– ասաց Ղամբարյանը։

Ըստ նրա, հակամարտության գոտում լարվածություն ստեղծելով` Ադրբեջանի նախագահ Իլհամ Ալիևը փորձում է շեղել ժողովրդի ուշադրությունը տարածաշրջաններում առկա սոցիալ–տնտեսական խնդիրներից։

«Բաքվում իրավիճակը բավականին բարենպաստ է, բայց մարզերում սոցիալական խնդիրները սուր են։ Վերջին ժամանակներոյմ  այնտեղ մեծ ցույցեր են լինում, ժողովուրդը դժգոհ է սոցիալական վիճակից և իշխանությունների սանձարձակ վարքից»,– նշեց Ղամբարյանը։

Քաղաքագետի խոսքով, ինքը չի ուզում վատատես լինել, ասելով, թե պատերազմ անպայման կլինի, բայց քանի որ Ադրբեջանն այդքան զենք է գնել, այդ զենքն «ինչ–որ տեղ պետք է կրակի»։

«Ադրբեջանը 4-6 մլրդ դոլարի զենք է գնել` մեծ մասը Ռուսաստանից և Իսրայելից, մնացածը` ՀԱՀ–ից, Բելառուսից, Ղազախստանից և Ուկրաինայից։ Եթե Ադրբեջանի սոցիալ–տնտեսական վիճակը վատանում է նավթի գների նվազումից, ապա Իլհամ Ալիևն անպայման պետք է օգտագործի այդ զենքը, որ ցույց տա, թե ուր են ժամանակին գնացել այդ փողերը»,– ընդգծեց Ղամբարյանը։

Ըստ նրա, մյուս կողմից, ադրբեջանական նավթի հետևում միջազգային կորպորացիաներն են, որոնց զսպում են իշխանությունները, քանի որ հասկանում են, որ լայնածավալ ռազմական գործողությունների դեպքում հայկական կողմն անպայման շարքից կհանի նավթա– և գազատարները, որոնք սահմանին շատ մոտ են։

«Ամեն դեպքում, պատերազմի սպառնալիք կա մշտապես, և մեր իշխանությունները պետք է դրան պատրաստ լինեն»,– ասաց Ղամբարյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: