478.55
+0.13
563.73
+1.43
8.1
+0.05
+25
Եղանակը Երևանում
Հայ
Ռուսաստանի, Հայաստանի և Ադրբեջանի նախագահները Սոչիում ղարաբաղյան հակամարտությանն առնչվող հարցեր կքննարկեն
11:08
23 Հունվարի 2012

ՌԴ նախագահ Դմիտրի Մեդվեդևը երկուշաբթի Սոչիում երկկողմ բանակցություններ կանցկացնի Հայաստանի և Ադրբեջանի առաջնորդների հետ, իսկ այնուհետև պետությունների ղեկավարները կմասնակցեն ղարաբաղյան հակամարտության կարգավորմանը նվիրված եռակողմ գագաթնաժողովին:
ՀՀ նախագահ Սերժ Սարգսյանն ու Ադրբեջանի նախագահ Իլհամ Ալիևը կայցելեն Սոչի ՌԴ նախագահի հրավերով:

Ադրբեջանի և Հայաստանի նախագահները հայտարարել են, որ ցանկանում են կրկին հանդիպել 2011թ.-ի դեկտեմբերի սկզբին՝ ղարաբաղյան հակամարտության խաղաղ կարգավորման բանակցություններ անցկացնելու համար: Վիլնյուսում ԵԱՀԿ Նախարարների խորհրդի հանդիպումից հետո այս մասին տեղեկություն էր հրապարակվել ԵԱՀԿ պաշտոնական կայքում:

2008թ.-ից ի վեր ինը եռակողմ հանդիպում է կազմակերպվել: 2011թ.-ին Ռուսաստանի միջնորդությամբ կողմերը հանդիպել են երկու անգամ՝ մարտի 5-ին Սոչիում և հունիսի 24-ին Կազանում:

Կազանում կայացած գագաթնաժողովի ժամանակ երկրներին հաջողվեց մերձեցնել դիրքորոշումները ղարաբաղյան հակամարտության կարգավորման հիմնարար սկզբունքների նախագծի վիճահարույց դրույթների շուրջ:
«Մեզ լրջորեն մտահոգում են հրադադարի ռեժիմի խախտման՝ հաճախակի դարձած դեպքերը, զինծառայողների և խաղաղ բնակչության շրջանում գրանցված զոհերը, երկու կողմերից հնչող ռազմատենչ հռետորությունը», - նշվում է Կրեմլի մամուլի ծառայության հաղորդագրության մեջ: Փաստաթղթում ընդգծվում է, որ Ռուսաստանը հետևողականորեն հորդորում է հակամարտող կողմերին ամրապնդել վստահության միջոցները, հաղորդում է ՌԻԱ Նովոստին:

«Այս նպատակին է ուղղված 2011թ.-ի մարտի 5-ի Սոչիում՝ Ռուսաստանի, Ադրբեջանի և Հայաստանի նախագահների ընդունած համատեղ հայտարարությունը, որում ամրագրված է բոլոր վիճահարույց խնդիրները խաղաղ միջոցներով լուծելու և շփման գծում տեղի ունեցող հնարավոր միջադեպերը ԵԱՀԿ ՄԽ համանախագահների օգնությամբ քննելու ձգտումը», - նշում է Կրեմլի մամուլի ծառայությունը:

Մոսկվայում հույս ունեն, որ սեղմ ժամկետներում հնարավոր կլինի  ավարտել միջադեպերի քննության մեխանիզմին ուղղված աշխատանքը:

Վստահության միջոցների ամրապնդման ուղղությունների թվում առաջարկվում է վերսկսել երկու երկրների մտավորականության, գիտական և հասարակական շրջանակների ներկայացուցիչների միջև երկխոսությունը: Ինչպես ընդգծվում է մամուլի հաղորդագրության մեջ, «ժողովրդական դիվանագիտության» գաղափարն արդեն գործնականորեն իրականացվել է, երբ 2007թ.-ի հունիսին և 2009թ.-ի հուլիսին Մոսկվայում Ադրբեջանի և Հայաստանի դեսպանների նախաձեռնությամբ հայկական և ադրբեջանական հասարակության ներկայացուցիչները մեկ պատվիրակության կազմում այցելեցին Լեռնային Ղարաբաղ, Երևան և Բաքու:

Հայաստանում Սոչիում կայանալիք հանդիպումից կարևոր պայմանավորվածություններ չեն ակնկալում, այնուամենայնիվ որոշ փորձագետներ կարծում են, որ գագաթնաժողովի արդյունքները կարող են հուսադրող լինել: Մասնավորապես, Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը չի բացառում, որ գագաթնաժողովի ընթացքում որոշակի առաջընթաց կարձանագրվի սահմանային տարածքներում միջադեպերի կանխման հարցում:

«ԵԱՀԿ ՄԽ-ի համատեքստում որևէ նոր բան տեղի չի ունենում, հետևաբար այս հանդիպումից որևէ կարևոր բան չարժե ակնկալել: Ավելին, չեմ կարծում, թե 2012 թ.-ին ղարաբաղյան հակամարտության կարգավորման հարցում լուրջ փոփոխություններ կարձանագրվեն», - ասել է Կովկասի ինստիտուտի տնօրեն Ալեքսանդր Իսկանդարյանը:
ՌԴ նախագահ Դմիտրի Մեդվեդևը երկուշաբթի երկկողմ հանդիպումներ կանցկացնի Ադրբեջանի նախագահ Իլհամ Ալիևի և ՀՀ նախագահ Սերժ Սարգսյանի հետ:

Մեդվեդև-Սարգսյան բանակցությունների ժամանակ ուշադրության կենտրոնում կլինեն ռուս-հայկական ռազմավարական գործընկերության և դաշնակցության առավել կարևոր հարցերը:
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
22:31
23 Օգոստոսի 2017
Երկկողմ օրակարգն ու ղարաբաղյան հիմնախնդիրն են քննարկել Հայաստանի և Ռուսաստանի ղեկավարները (ՖՈՏՈ)
Հայաստանի նախագահ Սերժ Սարգսյանը ՌԴ այցի շրջանակում Սոչիում հանդիպում է ունեցել ՌԴ նախագահ Վլադիմիր Պուտինի հետ
14:24
23 Օգոստոսի 2017
Հայտնի է քաղաքացիների վստահությունը վայելող հայ քաղաքական գործիչների եռյակը
Հրապարակվել է հայ քաղաքական գործիչների եռյակը, ովքեր ամենից շատն են վայելում քաղաքացիների վստահությունը։
18:00
22 Օգոստոսի 2017
ՀՀ բնապահպանության նախարարը խոսել է իր հրաժարականի հավանականության մասին
ՀՀ բնապահպանության նախարար Արծվիկ Մինասյանը խոսել  է իր հրաժարականի հավանականության մասին Խոսրովի արգելոցում գրանցված հրդեհի համատեքստում։
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը: