483.82
-0.09
522.04
-3.39
8.49
+0.01
+3
Եղանակը Երևանում
Հայ
Ռուսաստանը փորձում է Ղարաբաղում ռազմական գործողությունների վերսկսում թույլ չտալ. Դավիթ Բաբայան
17:57
10 Օգոստոսի 2011

ԵՐԵՎԱՆ, 10 օգոստոսի. /Նովոստի-Արմենիա/.  Ռուսաստանը փորձում է թույլ չտալ, որ Ղարաբաղում ռազմական գործողություններ վերսկսվեն: «Ազատություն» ռադիոկայանին տված հարցազրույցում նման կարծիք է հայտնել Լեռնային Ղարաբաղի նախագահի մամուլի քարտուղար Դավիթ Բաբայանը:

Մեկնաբանելով նախօրեին երեկոյան Ռուսաստանի և Ադրբեջանի նախագահների հանդիպումը, ինչպես նաև նախորդ շաբաթ Դմիտրի Մեդվեդևի հայտարարությունը՝ ռուս-վրացական պատերազմից քաղած դասերի մասին, Բաբայանը նշեց, որ «այսօրվա դրությամբ առաջնահերթ խնդիրը խաղաղություն պահպանելն է»:

«Տվյալ պահին, գուցե, առավել կարևոր խնդիրը, որի լուծմանն է ուզում հասնել Ռուսաստանը, պատերազմ չլինելու խնդիրն է, քանի որ պատերազմի վերսկսումը անկանխատեսելի հետևանքներ կարող է ունենալ տարբեր երկրների համար»,- նշել է Ղարաբաղի նախագահի մամուլի քարտուղարը:

Օրերս ԶԼՄ-ներին տրված հարցազրույցում Մեդվեդևը հայտնել է, որ 2008թ.-ին Հարավային Օսեթիայում տեղի ունեցած հնգօրյա պատերազմը «լուրջ դաս է դարձել Հայաստանի և Ադրբեջանի համար»:
Բաբայանը վստահ է, որ այդ «մեսիջի» հասցեատերն Ադրբեջանն է: «Վերջին տարիներին Ադրբեջանը բավական հստակ է ցուցաբերում իր ռազմատենչ դիրքորոշումը, մեծ ծախսեր է անում զինամթերքի գնման համար և այլն: Եվ այդ մրցավազքը հանգեցնում է նրան, որ Ադրբեջանն աստիճանաբար կորցնում է իրականության զգացումը և արդեն սկսում է առավել չմտածված քայլեր անել, փորձում է ուժի օգնությամբ լուծել հարցը, ինչն, իհարկե, անհնար է, իսկ դա արդեն վտանգավոր զարգացումների է հանգեցնում: Ադրբեջանին հատկապես անհրաժեշտ է հասկացնել, որ պատերազմն անընդունելի է»,- նշեց նա:

Բաբայանը կարծում է, որ Ռուսաստանը ԵԱՀԿ Մինսկի խմբի մի շարք այլ համանախագահ երկրների հետ պետք է ցույց տա, որ ռազմական գործողությունների վերսկսումն անցանկալի է, և անգամ եթե դրա այլընտրանքն անվերջանալի բանակցություններն են, ապա դա պետք է որպես հիմք ընդունվի: «Եվ դա, կարծում եմ շատ կարևոր է»,- ընդգծեց նա:
Ինչպես նա է կարծում, Ռուսաստանի և ղարաբաղյան հակամարտության կարգավորման գծով այլ միջնորդ երկրների համար այսօր առավել շահավետ է ստատուս քվոյի պահպանումը, քան ռազմական գործողությունների վերսկսումը:

Բաբայանը դա նաև կապում է այն բանի հետ, որ Ռուսաստանում և տարածաշրջանի երկրներում հաջորդ տարի նախընտրական գործընթացներ են սպասվում: Այդ առումով, Ղարաբաղի նախագահի մամուլի քարտուղարը կարևորել է օգոստոսի 9-ին Սոչիում կայացած ՌԴ նախագահ Դմիտրի Մեդվեդևի և Ադրբեջանի նախագահ Իլհամ Ալիևի հանդիպումը, ինչպես նաև օգոստոսի 12-ին Ղազախստանի մայրաքաղաք Աստանայում կայանալիք ՀԱՊԿ ոչ պաշտոնական գագաթնաժողովը, որի ընթացքում քաղաքական շրջանակները  հնարավոր են համարում նաև ՀՀ նախագահ Սերժ Սարգսյանի և Մեդվեդևի հանդիպումը:

«Դա, ինչպես ինձ է թվում, վերջին, այսպես ասած կարևոր հանդիպումներից մեկն է, որի ընթացքում վերջնականորեն և շատ հստակ պետք է գրանցվի պատերազմի անթույլատրելիության սկզբունքը»,-նշել է Բաբայանը: «Բոլոր կողմերը ցանկանում են ընտրությունները նորմալ մթնոլորտում անցկացնել, այլ ոչ թե, ասենք, ռազմական գործողությունների ժամանակ՝ անկանխատեսելի հետևանքներով»,- ավելացրեց նա:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։