481.96
-0.73
591.9
+2.34
8.52
+0.01
+2
Եղանակը Երևանում
Հայ
Ղարաբաղյան հակամարտության կարգավորման հարցում բեկումների չեն սպասում ԼՂՀ-ում
11:25
14 Հունիսի 2011

ՍՏԵՓԱՆԱԿԵՐՏ, 14 հունիսի. /Նովոստի-Արմենիա/. Ղարաբաղի նախագահի աշխատակազմի տեղեկատվության գլխավոր վարչության պետ Դավիթ Բաբայանը կարծում է, որ պետք չէ ինչ-որ բեկում ակնկալել ղարաբաղյան հակամարտության կարգավորման հարցում՝ հաշվի առնելով ադրբեջանական կողմի վարքագիծը։

«Ադրբեջանը շարունակում է իրականացնել իր ապակառուցողական քաղաքականությունը և մի միլիմետր անգամ հետ չի կանգնում իր մաքսիմալիստական դիրքորոշումից»,- նախօրեին ԼՂՀ հանրային հեռուստատեսության եթերում նշել է Բաբայանը։
Մեկնաբանելով ԵԱՀԿ Մինսկի խմբի համանախագահ երկրների ղեկավարների Դովիլյան հայտարարությունը, նա ընդգծել է, որ ամենակարևոր կետը ղարաբաղյան հակամարտության բացառապես խաղաղ կարգավորման հակվածությունն է։

Հայաստանի, Ադրբեջանի և Ռուսաստանի նախագահների հանդիպման նախապատրաստման նպատակով համանախագահները կողմերի հետ քննարկել են հիմնական սկզբունքների վերջնական մշակմանն ու հաստատմանն ուղղված քայլերը՝ որպես հարթակ հակամարտության համապարփակ կարգավորման համար՝ համաձայն Ռուսաստանի, ԱՄՆ-ի և Ֆրանսիայի նախագահներ Դմիտրի Մեդվեդևի, Բարաք Օբամայի և Նիկոլա Սարկոզիի կողմից մայիսի 26-ին Դովիլում ընդունված հայտարարության մեջ ներկայացված առաջարկներին:

Ըստ Բաբայանի, վերջին մի քանի տարիների ընթացքում դա ամենակարևոր նվաճումն է, քանի որ ղարաբաղյան հակամարտության խաղաղ կարգավորումը և կայունության պահպանումն այսօրվա դրությամբ և նույնիսկ տեսանելի ապագայում կարելի է համարել ամենաիրական և զգալի արդյունքը։
«Ընդհանուր առմամբ, ադրբեջանաղարաբաղյան հակամարտությունն իր մեջ երկու առանցքային հարց է ներառում՝ ԼՂՀ կարգավիճակի և Ղարաբաղի ու Ադրբեջանի միջև սահմանի հարցը։ Հատկապես այդ երկու կարևոր հարցերի համատեքստում որևէ առաջընթաց չկա։ Բոլոր մնացած հարցերն այդ երկու հիմնարար խնդիրների լուծումից կախված հավելվածներ են, քանի որ այլ կերպ անհնար է կարգավորել ղարաբաղյան հակամարտությունը»,- նշել է Բաբայանը։

Նա հայտնել է, որ մնացած տեսակետները, անշուշտ, նույնպես շատ կարևոր են, սակայն առանցքային են նշված երկու հարցերը։

«Այնպես որ, երբ ասում են, որ մի շարք հարցերի շուրջ համաձայնություն կա կամ չլուծված է մնացել երկու-երեք հարց, այստեղ հատկապես կարևոր են այդ երկու հարցերը, և դրանք պետք է լուծվեն համաձայնության հիման վրա։ Բոլոր կողմերը պետք է համաձայնության գան այս կամ այն տարբերակի շուրջ, սակայն մենք այժմ տեսնում ենք, որ նման զարգացում տեղի չի ունենում»,- ասել է Բաբայանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
16:16
19 Հունվարի 2018
«Ինձ որոշ ժամանակ է պետք վերջնական որոշում ընդունելու համար». Արմեն Սարգսյանն` ի պատասխան Սերժ Սարգսյանի առաջարկին (ՎԻԴԵՈ)
Մեծ Բրիտանիայում ՀՀ դեսպան Արմեն Սարգսյանը Սերժ Սարգսյանից որոշ ժամանակ է խնդրել ՀՀ նախագահի ընտրություններում մասնակցելու մասին որոշում ընդունելու համար:
13:29
19 Հունվարի 2018
Հայաստանի նախագահն առաջարկել է Արմեն Սարգսյանին դառնալ նախագահի թեկնածու
Հայաստանի նախագահ, ՀՀԿ ղեկավար Սերժ Սարգսյանն ուրբաթ առաջարկել է Մեծ Բրիտանիայում Հայաստանի դեսպան Արմեն Սարգսյանին դառնալ երկրի նախագահի թեկնածու ՀՀԿ–ից։
13:01
19 Հունվարի 2018
ՀՐԱՏԱՊ. Հայաստանի նախագահն առաջարկել է Արմեն Սարգսյանին դառնալ նախագահի թեկնածու
Հայաստանի նախագահ, ՀՀԿ ղեկավար Սերժ Սարգսյանն ուրբաթ առաջարկել է Մեծ Բրիտանիայում Հայաստանի դեսպան Արմեն Սարգսյանին դառնալ երկրի նախագահի թեկնածու:
11:00
19 Հունվարի 2018
Կարեն Կարապետյանի համար նոր պաշտոն կստեղծվի
Նոր Սահմանադրությամբ,  2018-ի ապրիլից Հայաստանի կառավարությունը երեք փոխվարչապետ կունենա:
10:44
19 Հունվարի 2018
Հայտնի է դարձել Էներգետիկայի նախարարի ղեկավարի պաշտոնի ամենահավանական թեկնածությունը
Հայաստանի էներգետիկ ենթակառուցվածքների և բնական պաշարների նախարարի անունը հայտնի կլինի մեկ շաբաթից:
20:38
17 Հունվարի 2018
ՀՀԿ–ում մեկնաբանել են Հայաստանի նախագահի պաշտոնի երկու թեկնածությունները
ՀՀԿ խմբակցության անդամ Վահրամ Բաղդասարյանը մեկնաբանել է Հայաստանի նախագահի պաշտոնի հավանական թեկնածությունների մասին լուրերը։
17:02
17 Հունվարի 2018
Սերժ Սարգսյանը կմնա քաղաքականությունում. ԱԺ նախագահի խորհրդական
Հայաստանի քաղաքական օրակարգի հիմնական թեմաներից մեկն այն է, թե կմնա, արդյո՞ք, Սերժ Սարգսյանը քաղաքական դաշտում թե՞ ոչ:
11:07
17 Հունվարի 2018
Ցանկն ընդլայնվում է. քննարկվում է ՀՀ նախագահի պաշտոնում հերթական անսպասելի թեկնածուի անունը
Որքան էլ արտառոց լինի այս անունը, սակայն քաղաքական դաշտում նա վայելում է լայն շրջանակների համակրանքը։
10:39
17 Հունվարի 2018
Հրապարակվել է ՀՀ ԱԳ նախարարի հավանական թեկնածուի անունը
Մամուլը հեղեղված է ապրիլին ընդառաջ կադրային փոփոխությունների մասին լուրերով:
12:33
16 Հունվարի 2018
Հայտնի է Հայաստանի և Ադրբեջանի ԱԳ նախարարների հանդիպման տեղն ու օրը
Հայաստանի արտաքին գործերի նախարարությունը տեղեկություն է տրամադրել Հայաստանի և Ադրբեջանի ԱԳ նախարարների հանդիպման վերաբերյալ։
10:22
16 Հունվարի 2018
Հայտնի է դարձել Հայաստանի նախագահի պաշտոնի անսպասելի թեկնածությունը
ՀՀԿ վերնախավի ներկայացուցիչները պնդում են, թե Հայաստանի նախագահի պաշտոնի առավել հավանական թեկնածությունն անակնկալ կդառնա հասարակայնության համար:
16:04
15 Հունվարի 2018
Տեղափոխություններ ԵԽԽՎ հայկական պատվիրակությունում. Հերմինե Նաղդալյանը փոխարինվել է
Հայաստանի Ազգային ժողովի խորհուրդը հաստատել է ԵԽԽՎ–ի հայկական պատվիրակության կազմում ՀՀԿ խմբակցության պատգամավոր Հերմինե Նաղդալյանի փոխարինումը։