487.29
-0.01
568.08
+2.76
8.23
+0.01
+9
Եղանակը Երևանում
Հայ
Նախագահների՝ Կազանի հանդիպումից հետո ղարաբաղյան հարցում լուրջ բեկում չի լինի. Ղուլյան
16:37
10 Հունիսի 2011

ԵՐԵՎԱՆ, 10 հունիսի.  /Նովոստի-Արմենիա/. ԼՂՀ Ազգային ժողովի նախագահ Աշոտ Ղուլյանը որևէ լուրջ բեկում չի ակնկալում Կազանում Հայաստանի, Ռուսաստանի և Ադրբեջանի նախագահների կայանալիք հանդիպումից, քանի որ դրա համար նախապայմաններ չի տեսնում:

Հայաստանի, Ռուսաստանի և Ադրբեջանի նախագահներ Սերժ Սարգսյանի, Դմիտրի Մեդվեդևի և Իլհամ Ալիևի ղարաբաղյան հարցով հանդիպումն է ակնկալվում հունիսի 25-ին Կազանում:

«Սակայն նախնական պայմանագիր, որևէ համաձայանգիր կամ համատեղ հայտարարություն հնարավոր է, քանի որ համանախագահ երկրները, դրանց ղեկավարները, ինչպես նաև միջնորդներն անում են հնարավորինը, որպեսզի բանակցային գործընթացում ինչ-որ դրական քայլ արձանագրվի»,- ուրբաթ օրը Երևանում ասաց Ղուլյանը միջխորհրդարանական համագործակցության հայ-ղարաբաղյան հանձնաժողովի ութերորդ նիստի ընթացքում:

Ըստ նրա, հանդիպման ելքը կարող է երկու տարբերակով լինել՝ կարող է ինչ-որ համաձայնագիր ստորագրվել, սակայն չի բացառվում նաև փակուղային իրավիճակը: Խոսնակը միաժամանակ պարզաբանեց, որ փակուղու դեպքում բանակցությունները կշարունակվեն, և դրանց նոր փուլը կարող է աշնանը սպասվել:

«Հենց այս մասին է ասվել միջխորհրդարանական նիստի բոլոր զեկուցողների խոսքում»,- ասաց նա՝ պարզաբանելով, որ պետք է շարունակել օգտագործել խորհրդարանական դիվանագիտության բոլոր հնարավորությունները Լեռնային Ղարաբաղի մոտեցման ճիշտ ներկայացման համար, ինչի մասին արդեն դրական օրինակներ կան:
Այս կապակցությամբ Ղուլյանն ընդգծեց, որ թեև Հայաստանը ներկայացնում է Լեռնային Ղարաբաղը միջազգային խորհրդարանական կառույցներում, «սակայն, ինչպես փաստեցին մեր գործընկերները, դա չի նշանակում, որ Հայաստանը կարող է փոխարինել ԼՂՀ-ն»:

ԼՂՀ ԱԺ արտաքին հարաբերությունների մշտական խորհրդարանական հանձնաժողովի նախագահ Վահրամ Աթանեսյանն իր հերթին նշեց, որ քանի որ այսօր բանակցությունների այս կամ այն մանրամասների մասին չի խոսվում, պետք է որպես հիմք վերցնել ԵԱՀԿ ՄԽ համանախագահների հայտարարությունը, որում հիմնական հրահանգը հիմնարար սկզբունքների շուրջ միասնական դիրքորոշման հասնելն է:

Հայաստանի, Ադրբեջանի և Ռուսաստանի նախագահների առաջիկա հանդիպման նախապատրաստական աշխատանքներին նվիրված հունիսի 6-9-ի տարածաշրջանային այցի ընթացքում համանախագահները կողմերի հետ քննարկեցին հիմնարար սկզբունքների վերջնական մշակման և հաստատման քայլերը՝ որպես պլատֆորմ մայիսի 26-ին Դովիլում ՌԴ, ԱՄՆ-ի և Ֆրանսիայի նախագահների կողմից ընդունած հայտարարությունում տեղ գտած առաջարկներին համապատասխան համապարփակ խաղաղ կարգավորման համար:

«Կլինի՞, արդյոք, նման համաձայնություն: Կարծում եմ՝ ոչ, քանի որ Ադրբեջանը չի ստորագրի մի փաստաթուղթ, որում ուժի չկիրառման մասին պարտավորություն է լինելու»,- ընդգծեց Աթանեսյանը:
Նա միաժամանակ նշեց, որ եթե Ադրբեջանը համաձայնի դրան, դա կնշանակի, որ նա ճանապարհ է բացում ԼՂՀ փաստացի անկախության միջազգային ճանաչման համար, ինչին կարող է հետևել կողմերին հետաքրքրող բոլոր հարցերի քննարկումը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։