478.55
+0.13
562.3
+0.63
8.1
+0.05
+31
Եղանակը Երևանում
Հայ
Ադրբեջանական հանրությունը պատրաստ չէ ղարաբաղյան հակամարտության խաղաղ կարգավորմանը. փորձագետ
16:44
07 Հունիսի 2011

ԵՐԵՎԱՆ, 7 հունիսի.  /Նովոստի-Արմենիա/. Ադրբեջանական հանրությունը պատրաստ չէ ղարաբաղյան հակամարտության խաղաղ կարգավորմանը և հայերի հետ խաղաղ գոյակցությանը, կարծում է «Նորավանք» գիտակրթական հիմնադրամի տեղեկատվական հետազոտությունների կենտրոնի փորձագետ Վարուժան Գեղամյանը։

Ըստ նրա, այսպիսի եզրահանգում կարելի է անել՝ ծանոթանալով Ռասիզմի և անհանդուրժողականության դեմ եվրոպական հանձնաժողովի՝ Ադրբեջանի վերաբերյալ մայիսի 24-ին հրապարակած զեկույցին։ 

«Այս զեկույցը հետաքրքիր է նրանով, որ դրանում ևս մեկ անգամ նշվել է այն հանգամանքը, թե Ադրբեջանում օգտագործվում են հայերի բացասական կերպարի ձևավորման համար հնարավոր բոլոր ձևերն ու մեխանիզմները։ Նմանատիպ պնդումներ են եղել նաև նախորդ զեկույցներում, սակայն այս անգամ ավելի հստակ է շեշտադրվել այդ հանգամանքը»,- ասաց նա։

Գեղամյանը նշեց, որ, զեկույցի համաձայն, Ադրբեջանում առկա է 20-30-հազարանոց հայկական համայնք, որի անդամները արտահայտվելու և իրենց կարծիքը հայտնելու որևէ հնարավորություն չունեն։

«Խոսքը գնում է հիմնականում հայ-ադրբեջանական խառն ընտանիքների անդամների մասին, ովքեր տարատեսակ ճնշումների են ենթարկվում։ Նրանք նույնիսկ վախենում են ասել, որ հայեր են»,- ասաց փորձագետը։

Բացի այդ, նրա խոսքով, հետազոտությունները ցույց են տալիս, որ նույնիսկ կրտսեր դասարանների ադրբեջանական դասագրքերում հայերը ներկայացվում են որպես խիստ բացասական կերպարներ։ «Դասագրքերում հայերի մասին հիշատակումներն ուղեկցվում են տարբեր պիտակներով, ինչպես օրինակ, «դավաճաններ, ոսոխ, վրիժառուներ, նախանձողներ»»,- ասաց Գեղամյանը։
Ըստ նրա, զեկույցը կրկին ապացուցում է, որ Ադրբեջանն իր ժողովրդին ոչ թե հայերի հետ խաղաղ գոյակցության, այլ թշնամանքի է պատրաստում,ինչը նույնիսկ ակտիվ ռազմական գործողությունների բացակայության պայմաններում շատ վտանգավոր է, քանի որ վտանգի է ենթարկում հակամարտության խաղաղ կարգավորումը։

«Ակնհայտ է, որ երբ մենք խոսում ենք բանակցությունների և ԵԱՀԿ Մինսկի խմբի ձևաչափով նախատեսված երկկողմանի երկխոսություն սկսելու մեր պատրաստակամության մասին, Ադրբեջանում խաղաղ գործընթացներ չկան»,- հայտարարեց նա։
Գեղամյանն ավելացրեց նաև, որ Հայաստանում իրավիճակը միանգամայն այլ է։ Մասնավորապես, նա որպես օրինակ նշեց «Ռուսաստանի և հետխորհրդային երկրների ընդհանուր պատմության լուսաբանումը նորանկախ պետությունների պատմության դասագրքերում» զեկույցը։

«Զեկույցի հեղինակները փաստում են, որ, բացառությամբ Բելառուսի և Հայաստանի, մյուս բոլոր երկրները գնացել են աճող սերնդին պատմությունն ազգայնականորեն մեկնաբանելու ուղիով։ Այդ երկրներում ակտիվորեն առասպելներ են ստեղծվում իրենց ժողովրդի հնագույն լինելու, նախնիների մշակութային բարձր առաքելության և «դարավոր ոսոխի» մասին»,- նշեց նա։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
18:00
22 Օգոստոսի 2017
ՀՀ բնապահպանության նախարարը խոսել է իր հրաժարականի հավանականության մասին
ՀՀ բնապահպանության նախարար Արծվիկ Մինասյանը խոսել  է իր հրաժարականի հավանականության մասին Խոսրովի արգելոցում գրանցված հրդեհի համատեքստում։
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։