478.3
+0.07
574.1
-0.3
8.31
+0.05
+32
Եղանակը Երևանում
Հայ
Սառեցված ղարաբաղյան հակամարտությունը սկսում է «տաքանալ». The Economist
17:27
09 Մարտի 2011

Սառեցված ղարաբաղյան հակամարտությունը սկսում է «տաքանալ», գրում է անգլիական  The Economist պարբերականը։

Պարբերականը գրում է, որ վերջին տարվա ընթացքում հրադադարի ռեժիմի խախտման դեպքերը շփման գծում ավելացել են 53 տոկոսով, և նվազագույնը, 25 զինվոր է սպանվել։

«Երկու կողմերն էլ ռազմատենչ հռետորություն են ծավալում։ Իլհամ Ալիևն առնվազն ինն անգամ սպառնացել է պատերազմ սկսել 2010 թվականի իր տարբեր ելույթներում։ Սերժ Սարգսյանն, իր հերթին, ընդգծել է, որ իր երկիրը կարող է արձագանքել ցանկացած ագրեսիայի»,- գրում է The Economist-ը։ 

Ավելին, ինչպես նշում է թերթը, երկու երկրներն էլ ավելացնում են իրենց ռազմական բյուջեն՝ Ադրբեջանի ռազմական ներուժը տարեկան աճում է 50 տոկոսով, Հայաստանը նույնպես զինվում է Ռուսաստանի օգնությամբ։
«Առաջնորդներից ոչ ոք փոխզիջման պատրաստակամություն չի դրսևորում։ 2008 թվականին Ռուսաստանի և Վրաստանի պատերազմը ցույց տվեց, որ սառեցված հակամարտությունները սկսում են «տաքանալ» կարճ ժամանակահատվածում։ Ղարաբաղյան հակամարտությունը դժվար թե այլ երկրների արտաքին քաղաքականության առաջնահերթությունն է, սակայն դրան պետք է ավելի մեծ ուշադրություն դարձնել։ Դրա համար բազմաթիվ պատճառներ կան՝ Ադրբեջանը նավթի և գազի խոշոր մատակարար է,  Հարավային Կովկասը նաև տարանցիկ ուղի է Աֆղանստանում խաղաղապահ արևմտյան ուժերի համար»,- ասվում է հոդվածում։
Սակայն պարբերականը կասկածում է, որ կողմերը պատերազմի շեմին են։ «Երկու երկրների ղեկավարները Սոչիի հանդիպման ժամանակ պայմանավորվածություն ձեռք բերեցին ռազմագերիների փոխանակման և հակամարտությունը խաղաղ ճանապարհով լուծելու վերաբերյալ։ Այդ քայլերը որոշակի հույս են տալիս»,- գրում է թերթը։

Թերթն ընդգծում է, որ հակամարտության կողմերը, ինչպես նաև միջնորդները խոսում են խնդրի խաղաղ լուծման մասին, սակայն «փոխվստահության մթնոլորտի ձևավորման համար դեռ երկար ճանապարհ կա»։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: