478.38
-0.01
573.43
+2.18
8.23
-0.08
+29
Եղանակը Երևանում
Հայ
Պատերազմն ամենաանցանկալի ճանապարհն է. ՀՀ նախագահ
11:32
27 Հունվարի 2011

ՀՀ նախագահ Սերժ Սարգսյանը «Էխո Մոսկվի» ռադիոկայանին տված հարցազրույցում մեկնաբանել է Ղարաբաղում ռազմական գործողությունների վերսկսման հնարավորությունը։

«Ես բազում անգամ ասել եմ և այժմ նույնպես կրկնում եմ, որ մենք դեմ ենք պատերազմին։ Բայց դա չի նշանակում, որ մենք վախենում ենք պատերազմել։ ՄԵնք պետք է պաշտպանվենք։ Այլ ելք պարզապես չունենք։ Քանի որ, եթե ինչ-որ հրաշքով թեկուզ մեկ ժամով Ղարաբաղն Ադրբեջանի կառավարման տակ գտնվի, այնտեղ ոչ մի հայ չի մնա։ Ի՞նչ տարբերություն՝ ինչպես կորցնել Ղարաբաղը։ Իսկ այնտեղ բնակվող մարդու համար մեծ տարբերություն կա՝ նա փախչել է կամ կարողացել  պաշտպանել իր տունը»,- «Էխո Մոսկվի» ռադիոկայանին տված հարցազրույցում ասել է նա։

Նշելով, որ պատերազմն ամենաանցանկալի ճանապարհն է, նախագահը նշել է, որ «հարցը խաղաղ ճանապարհով լուծելու միայն մեր ցանկությունը բավարար չէ»։

Միաժամանակ Սարգսյանն ընդգծել է, որ եթե այլ ելք չլինի, «մենք 90-ականների սկզբի իրավիճակում կհայտնվենք»։
«Մենք պետք է բոլոր միջոցներով պաշտպանենք մեր բնակչությանը։ Ես շատ լավ հիշում եմ իրավիճակը 1988թ.-ից մինչև 1994 թվականը, հիշում եմ, որ յուրաքանչյուրն, ով չէր զլանում, ասում էր, որ լայնածավալ պատերազմի դեպքում ընդամենը մի քանի օրվա ընթացքում ադրբեջանցիները Ստեփանակերտում թեյ կխմեն, ինչ-որ մեկը ոտքերը կլվանա Սևանում։ Փառք Աստծուն, այդպես չեղավ։ Քանի որ մենք պաշտպանում էինք մեր երկիրը, մենք պաշտպանում էինք մեր տները, մեր ընտանիքներին»,-ասել է նա։

Միաժամանակ հայկական պետության ղեկավարը հիշեցրել է, որ 1994թ.-ին Ադրբեջանը ստիպված էր հաշտություն խնդրել, ընդ որում այն բանից հետո, երբ 1993թ.-ին արդեն կային ՄԱԿ Անվտանգության խորհրդի չորս բանաձևերը, որոնք պահանջում էին անմիջապես դադարեցնել ռազմական գործողությունները։

 «Իսկ Ադրբեջանը դա չարեց։ Չնայած այժմ փորձում է ներկայացնել, թե իբր այն ժամանակ բանաձևեր են եղել, և Հայաստանն այդ բանաձևերը չի կատարել։ Բայց այդ ժամանակ ողջ աշխարհին հայտնի էր (ես կարծում եմ, որ հիմա մասնագետներին էլ է հայտնի), որ դա մեզանից կախված չէր։ Մենք պաշտպանվողի դերում էինք»,- ասել է նա։
«Եվ այժմ նույնպես ադրբեջանցիները կարծում են, որ նրանք այնպիսի մարտունակ բանակ ունեն, որ արագ բլիցկրիգ կկազմակերպեն, դրանով հարցը կփակվի։ Մենք պատրաստ ենք իրադարձությունների ցանկացած զարգացման»,- ամփոփել է ՀՀ նախագահը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0- 

Loading...
Թեմատիկ նյութեր
Բաժնի այլ նյութեր
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին:
13:28
11 Սեպտեմբերի 2017
ԱԺ–ն քննարկում է Միգրացիոն քաղաքականության մշակման միջազգային կենտրոնին միանալու հարցը
ՀՀ ԱԺ–ն երկուշաբթի քննարկում է Միգրացիոն քաղաքականության մշակման միջազգային կենտրոնին միանալու հարցը։