484.04
+0.53
521.46
-0.05
8.41
+0.05
+9
Եղանակը Երևանում
Հայ
Ղարաբաղյան հարցի շուրջ Հայաստանի դիրքորոշումը համապատասխանում է միջազգային հանրության մոտեցումներին. ԱԳՆ
15:55
14 Հունվարի 2011

Ղարաբաղյան հակամարտության կարգավորման շուրջ Հայաստանի դիրքորոշումը համապատասխանում է միջազգային հանրության դիրքորոշումներին և մոտեցումներին, ուրբաթ մամուլի ասուլիսի ժամանակ ասաց ՀՀ ԱԳ նախարար Էդվարդ Նալբանդյանը:

«Դա մեր դիվանագիտության և քաղաքականության արդյունքն է: Ինչի՞ հանգեցրեցին Ադրբեջանի հակահայկական հայտարարությունները, նրանց դիրքորոշումը հասկանալի դարձա՞վ աշխարհին, ոչ....Արցախյան խնդրի կարգավորման գործընթացում հայկական դիվանագիտության կողմից գործադրված ջանքերի շնորհիվ ակնհայտ դարձավ, որ Հայաստանի մոտեցումները համահունչ են միջազգային հանրության դիրքորոշումներին», - ասաց նախարարը:

Նրա խոսքերով՝ այդ համապատասխանությունն արտացոլվել է դեկտեմբերի 1-ին Աստանայում ԵԱՀԿ գագաթնաժողովի ժամանակ ընդունված հնգակողմ հայտարարության, Մուսկոկում հունիսի 26-ին մեծ ութնյակի գագաթնաժողովի շրջանակներում համանախագահ-երկրների ղեկավարների հայտարարության, Հայաստանի, Ռուսաստանի և Ադրբեջանի առաջնորդների հոկտեմբերի 27-ին ընդունած աստրախանյան հռչակագրի, հուլիսի 17-ին ԵԱՀԿ ԱԳ նախարարների ոչ պաշտոնական հանդիպման շրջանակներում ԵԱՀԿ ՄԽ համանախագահների հայտարարության մեջ:

Ինչպես հիշեցրեց նախարարը, այժմ բանակցությունների սեղանին է գտնվում երեք սկզբունք և վեց նորմ, որոնք առաջարկել են ԵԱՀԿ ՄԽ համանախագահները մադրիդյան փաստաթղթում:

«Ինչ է ասում միջազգային հանրությունը, համանախագահները, Հայաստանը և ինչ է ասում ադրբեջական կողմը: Միջազգային հանրությունը, միջնորդները, համանախագահ-երկրների նախագահները նշում են, որ այդ սկզբունքները, տարրերը մշակվել և ներկայացվել են որպես մի ամբողջություն, և անընդունելի է տարանջատել մի սկզբունքը կամ նորմը մյուսներից, և դա կխոչընդոտի հակամարտության կարգավորմանը», - հայտարարեց նա:
Նալբանդյանը հիշեցրեց, որ Հայաստանը այդ սկզբունքներն ու նորմերը ընդունում է որպես հակամարտության խաղաղ կարգավորման բանակցությունների հիմք և ընդունում է դրանք որպես մեկ միասնություն՝ համարելով, որ չի կարելի նախապատվություն տալ սկզբունքներից կամ նորմերից որևէ մեկին:

«Ադրբեջանը ասում է «այո, սակայն ոչ», թեև նրանք իրենք էլ չեն հասկանում իրենց դիրքորոշումը: Նրանք պետք է հստակ պատասխան տան՝ «այո» կամ «ոչ»: Միջազգային հանրությունն ու Հայաստանը միասնական են իրենց դիրքորոշման մեջ», - հայտարարեց նա:

Նախարարը հիշեցրեց, որ բանակցությունների երեք սկզբունքներն են ուժի կամ ուժի սպառնալիքի չկիրառումը, ինքնորոշման իրավունքն ու տարածքային ամբողջականության սկզբունքը: Նալբանդյանի խոսքերով վեց նորմերն են բնակչության կամարտահայտության միջոցով Լեռնային Ղարաբաղի վերջնական կարգավիճակի սահմանումը, ինչը պետք է պարտադիր իրավական ուժ ունենա, Ղարաբաղի միջանկյալ կարգավիճակի սահմանումը, Հայաստանի և Լեռնային Ղարաբաղի միջև անխափան կապի ապահովումը, բոլոր փախստականների և տեղահանվածների վերադարձի ապահովումը՝ անվտանգության միջազգային երաշխիքների տրամադրմամբ, անվտանգության միջազգային երաշխիքների տրամադրումը ընդհուպ մինչև այսպես կոչված խաղաղարար գործողությունների, տարածքների վերադարձի:

«Այո, Հայաստանն այս բոլոր սկզբունքներն ու նորմերը մեկ միասնության տեսքով ընդունում է որպես բանակցությունների հիմք: Ադրբեջանցիները ճանաչում են միայն մեկ սկզբունք՝ տարածքային ամբողջականությունը և միայն սեփական մեկնաբանությամբ, իսկ վեց նորմերից՝ միայն տարածքների վերադարձը կրկին սեփական մեկնաբանություններով՝ նշելով, որ միայն դրանից հետո պատրաստ կլինեն քննարկել մնացած սկզբունքներն ու նորմերը», - նշեց Նալբանդյանը:

Նրա խոսքերով՝ հենց դա է պատճառը, որ ԵԱՀԿ ՄԽ համանախագահների պատվիրակությունների ղեկավարները, ԱՄՆ պետքարտուղար Հիլարի Քլինթոնը Աստանայում հանդես եկան հայտարարությամբ այն մասին, որ սկզբունքների և նորմերի նմանատիպ բաժանումն անընդունելի է:

«Համաշխարհային հանրության կարծիքն արտահայտող համանախագահների դիրքորոշումը համապատասխանում է Հայաստանի մոտեցմանը», - ասաց նախարարը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։