481.79
+0.02
538.93
-1.33
8.53
+0.03
+24
Եղանակը Երևանում
Հայ
ՄԽ համանախագահները կոչ են արել ավարտել ղարաբաղյան կարգավորման սկզբունքների աշխատանքը
11:47
06 Հուլիսի 2010

ԵՐԵՎԱՆ, 6 հուլիսի. /Նովոստի-Արմենիա/. ԵԱՀԿ Մինսկի խմբի համանախագահներ Իգոր Պոպովը Ռուսաստանից, Ռոբերտ Բրադտկեն ԱՄՆ-ից և Բեռնար Ֆասիեն Ֆրանսիայից երկուշաբթի Վիեննայում համատեղ հայտարարություն են ընդունել, որում կոչ են արել ղարաբաղյան կարգավորման կողմերին անցնել հակամարտության կարգավորման հիմնական սկզբունքների ավարտական աշխատանքներին։

«Համանախագահները կոչ են անում կողմերին կառուցողական փոխզիջման ոգով կատարել հաջորդ քայլը և անցնել հակամարտության կարգավորման հիմնական սկզբունքների ավարտին՝ խաղաղ համաձայնագրի մշակում սկսելու նպատակով»,- ասվում է ԵԱՀԿ պաշտոնական կայքում տեղադրված հայտարարության տեքստում։

Նրանք կոչ են արել կողմերին նաև պահպանել 1994 թվականին ստորագրած հրադադարի ռեժիմը և զսպվածություն դրսևորել զորքերի շփման գծում։

Այս կապակցությամբ համանախագահները դատապարտել են հունիսի 18-19-ը կողմերի զինված ուժերի շփման գծում տեղի ունեցած միջադեպը, որը հանգեցրել է երկու կողմերի զինծառայողների կորստի՝ գնահատելով այն «որպես հրադադարի ռեժիմի անընդունելի խախտում, և կրկին հաստատել են իրենց ափսոսանքը մարդկային անիմաստ զոհերի կապակցությամբ և ուժի գործադրման իրենց վճռական դատապարտումը»։

Նրանք հույս են հայտնել նաև, որ ԵԱՀԿ երկրների ԱԳՆ ղեկավարների ոչ պաշտոնական հանդիպումների կուլուարներում հունիսի 16-17-ն Ալմաթիում տեղի կունենա Հայաստանի և Ադրբեջանի ներկայացուցիչների հանդիպում՝ պատվիրակությունների և արտաքին գործերի նախարարների մակարդակով։

Փաստաթղթում ասվում է նաև, որ հուլիսի 3-5-ը Բաքվում և Երևանում անցկացված հանդիպումների ընթացքում «համանախագահներն ընդգծել են իրենց երկրների հակվածությունը ղարաբաղյան հակամարտության՝ ուժի չկիրառման կամ ուժի սպառնալիքի Հելսինկյան սկզբունքների, պետությունների տարածքային ամբողջականության և իրավահավասարության ու ազգերի ինքնորոշման վրա հիմնված խաղաղ կարգավորման նկատմամբ»։

«Այս կապակցությամբ նրանք նշել են նաև երկու կողմերի արձանագրած առաջընթացը, ինչը կայանում է նրանում, որ Ակվիլայում ԱՄՆ-ի, Ռուսաստանի և Ֆրանսիայի նախագահների ձևավորած և դրանք 2010 թվականի հունիսի 26-ին կրկնած տարրերը պետք է դառնան Լեռնային Ղարաբաղի հակամարտության խաղաղ կարգավորման հիմքը»,- ասվում է հայտարարությունում։

Ռուսաստանի, ԱՄՆ-ի և Ֆրանսիայի նախագահները Կանադայում կայացած «Մեծ ութնյակի» գագաթնաժողովի շրջանակներում ղարաբաղյան հակամարտության կարգավորման վերաբերյալ համատեղ հայտարարություն են ընդունել, որում կոչ են արել Հայաստանի և Ադրբեջանի առաջնորդներին արագացնել Հակամարտության կարգավորման հիմնական սկզբունքների վրա տարվող աշխատանքը՝ Խաղաղ համաձայնագրի նախագծի մշակմանն անցնելու նպատակով: Նախագահները նշել են, որ «այժմ Հայաստանին և Ադրբեջանին անհրաժեշտ է կատարել ևս մեկ քայլ և ավարտել Հիմնական սկզբունքների վրա տարվող աշխատանքը, որպեսզի հնարավոր լինի անցնել Խաղաղ համաձայնագրի նախագծի մշակմանը»:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: