487.57
+0.28
567.63
-0.45
8.2
-0.03
+12
Եղանակը Երևանում
Հայ
ԵԱՀԿ Մինսկի խմբի համանախագահները պնդում են, որպեսզի ղարաբաղյան հակամարտության կողմերը եզրափակեն բականցությունների այս փուլը հիմնական սկզբունքների հաստատման ճանապարհով
14:40
30 Նոյեմբերի 2007

ԵՐԵՎԱՆ, 30 նոյեմբերի./Նովոստի-Արմենիա/. ԵԱՀԿ Մինսկի խմբի համանախագահները Հայաստանի և Ադրբեջանի նախագահների քննարկմանն են ներկայացրել ղարաբաղյան հակամարտության խաղաղ կարգավորման հիմնական սկզբունքները։

Այս մասին ասվում է Մադրիդում տեղի ունեցած նիստի ընթացքում ԵԱՀԿ Մինսկի խմբի համանախագահների ընդունած հայտարարության մեջ։ Նախօրեին ՌԴ արտգործնախարար Սերգեյ Լավրովը, Ֆրանսիայի արտգործնախարար Բերնար Կուշները և ԱՄՆ պետքարտուղարի տեղակալ Նիկոլաս Բերնեն, որպես ԵԱՀԿ Մինսկի խմբի ղարաբաղյան հակամարտության կարգավորման հարցով համանախագահող-երկրների ներկայացուցիչներ, հանդիպել են Հայաստանի և Ադրբեջանի արտգործնախարարներ Վարդան Օսկանյանի և Էլմար Մամեդյարովի հետ։

Ինչպես ասվում է նախօրեին տարածված ՌԴ ԱԳՆ տեղեկատվության և մամուլի վարչության հաղորդագրության մեջ, այս հանդիպման ընթացքում երեք համանախագահող-երկրների բարձրագույն ներկայացուցիչները համատեղ առաջարկի կարգով երկու կողմերի նախագահների քննարկմանն են հանձնել հակամարտության խաղաղ կարգավորման արդար և հավասարակշիռ հիմնական սկզբունքները։

Հանդիպմանը նշվել է, որ վերջին երեք տարիներին բանակցությունների ընթացքում կողմերը համանախագահողների միջնորդությամբ նշանակալիորեն մոտեցրել են դիրքերը։

Նաև ընդհանուր կարծիք էր արտահայտվել, որ եկել է ժամանակը, որպեսզի կողմերը հաղթահարեն դեռևս մնացած վերջին տարաձայնությունները, ինչի համար էլ համանախագահներն առաջարկել են փոխընդունելի և անկողմնակալ լուծումներ։

Նրանք նաև ընդգծել են վերջին երեք տարիների ընթացքում ձեռք բերված հաջողությունների պահպանման կարևորությունը։

Կողմերին հանձնված փաստաթուղթը քննարկվում է Մոսկվայում, Փարիզում և Վաշինգտոնում, ինչպես նաև ԵԱՀԿ-ում որպես առավել կենսունակ հիմք՝ հետագա կարգավորման համար։

Հակամարտող կողմերին առաջարկ է արվել անհապաղ եզրափակել բանակցությունների ներկայիս փուլը, հաստատել հիմնական սկզբունքների հայեցակարգը և անմիջապես անցնել նոր փուլին՝ սկսել համընդհանուր խաղաղ կարգավորման համաձայնագրի մշակումը։

Բացի այդ, համանախագահները խնդրել են կողմերին չխոչընդոտել շփման գծում ԵԱՀԿ մոնիտորինգների վերականգման գործընթացին , շարունակել հնարավոր բոլոր ոլորտներում վստահության ամրապնդմանն ուղղված միջոցառումների իրականացումը և անմիջապես դադարեցնել պատերազմի միջոցով հակամարտությունը լուծելու տարրեր պարունակող ցանկացած հայտարարությամբ հրապարակային ելույթները։

Որպես վերջաբան՝ երեք համանախագահող-երկրների՝ ԱՄՆ-ի, Ռուսաստանի և Ֆրանսիայի անունից կրկին պատրաստակամություն հայտնվել հակամարտության խաղաղ կարգավորմանն ուղղված կողմերի բոլոր ջանքերին աջակցելու և իրականացնելու համար։

Ղարաբաղյան հակամարտության սկիզբը դրվել է 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ.-ի դեկտեմբերի 10, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

  Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։