487.29
-0.01
568.08
+2.76
8.23
+0.01
+12
Եղանակը Երևանում
Հայ
Չճանաչված պետությունների ճանաչման որոշակիացման չափորոշիչ է հանդիսանում նրանց կենսունակությունը. ԼՂՀ արտգործնախարար
19:51
21 Նոյեմբերի 2007

ՍՏԵՓԱՆԱԿԵՐՏ, 21 նոյեմբերի. /Նովոստի-Արմենիա/. Չճանաչված պետությունների ճանաչման որոշակիացման չափորոշիչ է հանդիսանում նրանց կենսունակությունը, չորեքշաբթի «Դեմո» թերթին տված հարցազրույցի ընթացքում հայտարարել է ԼՂՀ արտաքին գործերի նախարար Գեորգի Պետրոսյանը։  

«Ժամանակակից միջազգային հարաբերությունների փիլիսոփայության տեսանկյունից ավելի ծանրակշիռ չափանիշ է հանդիսանում նման պետությունների կենսունակությունը, իրենց քաղաքացիների անվտանգությունն ապահովելու և իրավունքները պաշտպանելու կարողությունը, քան ուղղակի նրանց շուրջ ստեղծված որոշակի արտաքին քաղաքական իրադրությունը», - ասաց Պետրոսյանը:

Նրա խոսքով, ժամանակակից իրողությունների անբաժանելի մաս կազմող «չճանաչված պետությունների ճանաչման» խնդիրը նորություն չէ։

Միաժամանակ, նախարարը կարծում է, որ դեռևս դժվար է խոսել որևէ միասնական գործընթացի մասին, առավել ևս այնպիսի մի գործընթացի, որը թևակոխել է ավարտական փուլ և որին հետևելու է անխուսափելի ճանաչումը:

Նախարարի կարծիքով, խոշոր հաշվով խոսքը ոչ թե այս կամ այն պետության ճանաչման «միանգամյա» քաղաքական քայլի, այլ պետությանը տրվելիք կյանքի ուղեգրի մասին է, որն իրավունքների հետ միասին ենթադրում է նաև որոշակի պարտավորությունների ստանձնում նույն այդ միջազգային հանրության առաջ:

«Այլ հարց է, որ այդ թեմատիկայի արծարծման աշխուժացումը չի կարող ուշադրություն չբևեռել գլխավոր` միջազգային իրավական ճանաչման չափանիշների հարցի վրա: Վերոհիշյալ բոլոր խնդիրների բացառիկության հետ մեկտեղ, դրանց բոլորին հատուկ են մի շարք համանման չափորոշիչներ, և դրանցից որևէ մեկի կարգավորումը չի կարող որոշակի քաղաքական ու իրավական հետևանքներ չունենալ այլոց պարագայում»,- նշել է Պետրոսյանը:

Բացի այդ, արտգործնախարարի կարծիքով, հիշյալ խնդիրների երկարաժամկետ կարգավորումն անհնարին է առանց այս կամ այն հիմնախնդրի շուրջ տիրող քաղաքական իրողությունները հաշվի առնելու:

«Չնայած ժամանակակից համաշխարհային քաղաքականության մեջ հիմնախնդիրների կարգավորման վերաբերյալ առկա բարդ ու տարաբնույթ միտումների առկայության, այնուամենայնիվ հարկ է նշել, որ անկախ պետությունների ճանաչման գործընթացը դատապարտված է օբյեկտիվ զարգացման»,- նշել է Պետրոսյանը:

Խոսելով ղարաբաղյան հիմնախնդրի բանակցային գործընթացի վրա այս գործընթացների ազդեցության մասին, Արցախի արտաքին քաղաքական գերատեսչության ղեկավարը հայտարարել է, որ Ղարաբաղյան հիմնախնդրի որոշակի «բացառիկությունը» մատնանշած միտումների համատեքստում կայանում է նրանում, որ ԼՂՀ միջազգային և քաղաքական ճանաչման իրավունքը հավասարապես խարսխված է թե Լեռնային Ղարաբաղի պետականության գործունակության, և թե նրա հռչակման ու հետագա զարգացման քաղաքական և իրավական հիմքերի անթերիության վրա:

«Ինչ վերաբերում է բանակցային գործընթացի ապագային, ապա ԵԱՀԿ Մինսկի խմբի համանախագահության ձևաչափը սերտ համագործակցության ակնառու օրինակ է` ուղղված ադրբեջանա-ղարաբաղյան հարցի խաղաղ կարգավորմանը: Դրանում է կայանում խաղաղության և ընդհանրապես տարածաշրջանում անվտանգության համակարգի հաստատման գրավականը»,- ամփոփել է ԼՂՀ արտգործնախարարը։ --0--

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։