Կարեն Կարապետյանը դադարեցրեց վարչապետի պաշտոնակատարի լիազորութունների կատարումը

14:06

08 Մայիսի 2018

ԵՐԵՎԱՆ, 8 մայիսի. /Նովոստի–Արմենիա/. Հայաստանի վարչապետի պաշտոնակատար Կարեն Կարապետյանը երեքշաբթի վայր դրեց պաշտոնակատարի լիազորությունները։ Այդ մասին Կարապետյանը գրել է Facebook–ի իր էջում։

«Ուզում եմ բոլորին շնորհակալություն հայտնել քննադատության, ոգևորիչ խոսքերի և աջակցության համար։ Շատ հետաքրքիր և պատասխանատու ժամանակաշրջան էր։ Ես իմ կարողությունները մաքսիմալ ներդրել եմ աշխատանքի մեջ»,– գրել է նա։

Կարապետյանը շնորհակալություն հայտնեց Կառավարության իր թիմին, որը, ըստ նրա բնութագրման, չափազանց պարկեշտ և հայրենասեր մարդկանց թիմ էր։

Նա նաև շնորհակալություն հայտնեց այս ժամանակահատվածում պետական համակարգ մուտք գործած պրոֆեսիոնալ, անկաշկանդ, համարձակ և էֆֆեկտիվ երիտասարդներին։

«Շնորհավորում եմ նոր Վարչապետին։ Վարչապետին և հաջորդող բոլոր վարչապետներին անկեղծ մաղթում եմ բազմաթիվ հաջողություններ, լավ արդյունքներ, անճգնաժամ աշխատանքային ժամանակահատված և միշտ հասկացված լինել ժողովրդի կողմից»,– գրել է Կարապետյանը։

Загружается новость ... "Право"

Նա հիշեցրեց, որ վարչապետի ծանր և պատասխանատու աշխատանքը պահանջում է անհոգ օրերի ու գիշերների բացակայություն, հետևաբար առաջարկեց համաքաղաքացիներին, լրագրողներին, սոցիալական ցանցերից օգտվողներին և քաղաքական ուժերին՝ վարչապետին քննադատելիս անել այն առարկայական, անձնականը և ընտանիքը չխառնելով, հակառակը՝ խորհուրդ տալով և ոգևորելով։

«Բոլորիդ լավ տրամադրություն, լավ եղեք»,– եզրափակեց նա։

Մայիսի 8–ին ԱԺ–ն 59 «կողմ» և 42 «դեմ» ձայներով Նիկոլ Փաշինյանին ընտրեց Հայաստանի վարչապետ։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Կարեն Կարապետյան #լիազորություններ #դադարեցում

Թեմատիկ նյութեր