478.38
-0.01
573.43
+2.18
8.23
-0.08
+24
Եղանակը Երևանում
Հայ
Երևանի և Պետերբուրգի միջև ստորագրված գործակցության համաձայնագիրը կոնկրետ բովանդակություն ունի. Պոլտավչենկո
16:21
02 Մայիսի 2015

ԵՐԵՎԱՆ, 2 մայիսի. /Նովոստի-Արմենիա/. Երևանի և Պետերբուրգի միջև ապրիլի 30-ին ստորագրված գործակցության համաձայնագիրը կոնկրետ բովանդակություն ունի: «Հաջող բանակցությունների ավարտից հետո ուրվագծվել են էներգամատակարարման, զբոսաշրջության, կրթության, գյուղատնտեսական արտադրանքի մատակարարումների ոլորտներում գործակցության կոնկրետ ուղղությունները»,- շաբաթ օրը լրագրողներին ասաց Սանկտ Պետերբուրգի նահանգապետ Գեորգի Պոլտավչենկոն:

«Ավարտվում է Երևանում Սանկտ Պետերբուրգի մշակութային-գործարար առաքելությունը: Իմ կարծիքով՝ այն բավականին հաջողված էր: Մենք օրենսդիր և գործադիր իշխանության, մշակույթի, գիտության և կրթության ներկայացուցիչներից բաղկացած շատ լուրջ պատվիրակությունով էինք ժամանել: Մեծ պատվիրակությունում ընդգրկվել են նաև բիզնեսի ներկայացուցիչները, ընդ որում` տարբեր ոլորտների` և շինարարության, և արտադրական, և առևտրային: Հավանաբար այսօրվա գլխավոր ձեռքբերումը, որի մասին կարելի է առանձնահատուկ խոսել, առևտրատնտեսական, գիտակրթական և մարդասիրական ոլորտներում 2015-2020 թվականների գործակցության համաձայնագրի ստորագրումն է: Կարելի է ասել, որ մենք այն արդեն ավելի կոնկրետ ենք դարձնում»,- ասաց Պոլտավչենկոն` ամփոփելով Սանկտ Պետերբուրգի պատվիրակության հայաստանյան այցի արդյունքները:

Ըստ նրա, հայկական և ռուսական կողմերը լրջորեն քննարկել են տնտեսության ոլորտի գործակցության հետ կապված հարցերը: «Դրանք նաև էներգախնայողության ոլորտի գործակցության հնարավորություններն են, այսպես կոչված, անվտանգ քաղաքի ծրագրերի մշակման և ներդրման շրջանակում: Մենք հայ գործընկերներին առաջարկելու բան ունենք: Նրանց, ի դեպ, հետաքրքրեց դա: Մեզ հետաքրքրում են օպտիկական սարքերը՝ Սանկտ Պետերբուրգի նավաշինության համար»,- ասաց Պոլտավչենկոն:

«Նախևառաջ, մենք համոզվել ենք,  որ դա որակյալ արտադրանք է: Երկրորդ` այն, բնականաբար, համապատասխանում է անհրաժեշտ նորմերին և պահանջներին, և գինը բավականին մատչելի է սանկտպետերբուրգցի սպառողի համար»,- ասաց Պոլտավչենկոն:

Նրա խոսքով՝ ոչ պակաս հետաքրքիր են անցել բարձրագույն կրթության ներկայացուցիչների հանդիպումները: «Դուք գիտեք, որ պատվիրակությունում ներկայացված էին մեր տասը բուհերը: Մենք հանդիպել ենք Երևանի յոթ բուհերի ներկայացուցիչների հետ, իսկ դրանցից մեկում` Ռուս-Հայկական (Սլավոնական) համալսարանում մեր դասախոսներն ու մասնագետներն բաց դասախոսություններ են անցկացրել, ինչը նույնպես մեծ հետաքրքրություն է առաջացրել ուսանողների շրջանում: Կինեմատոգրաֆիայի մեր ինստիտուտը ՌՀՀ-ի հետ գործակցության պայմանագիր է ստորագրել, կարծում եմ, որ դա նույնպես լավ ուղղություն է՝ սկսած ուսանողների փոխանակումից մինչև գիտության ու կրթության ոլորտում իրականացվող գործակցություն»,- նշեց Սանկտ Պետերբուրգի նահանգապետը:

Նա հայտնեց, որ այցի ընթացքում քննարկվել են նաև երիտասարդության կապերին վերաբերող հարցերը, նա ավելացրեց, որ Սանկտ Պետերբուրգը ծրագրում է երիտասարդական պատվիրակություններ ընդունել Երևանից բոլոր խոշոր միջոցառումներում` դա և Դոբրոֆորումն է, և «В Смысле» համաժողովը, և 2015 թվականի դեկտեմբերին կայանալիք երիտասարդական երիտասարդական համաժողովը: «Երևանի գործընկերներին նույնպես հետաքրքրել են այդ միջոցառումները»,- ասաց Պոլտավչենկոն:

Ըստ նրա, լրացուցիչ լուրջ հնարավորություններ կան նաև զբոսաշրջության ոլորտում: «Բոլորովին սպառված չէ այն ներուժը, որ ունի Սանկտ Պետերբուրգ քաղաքը Հայաստանից մեկնող զբոսաշրջիկների համար, և Երևանը` Սանկտ Պետերբուրգի զբոսաշրջիկների համար: Այդ իսկ պատճառով, կցանկանայի նշել, որ զբոսաշրջությանը նվիրված կլոր սեղաններին Հայաստանի և, մասնավորապես, Երևանի բազմաթիվ տուրիստական գործակալություններ էին մասնակցում և բավականին լուրջ հետաքրքրություն դրսևորեցին: Կարծում եմ, որ փոխգործակցության այդ ուղղությունը նույնպես կարող է հետաքրքրիր և փոխշահավետ լինել»,- ընդգծեց Պոլտավչենկոն:

«Նշեմ նաև, որ Հայաստանի մեր գործընկերներին իսկապես հետաքրքրում է ռուսական և, նախևառաջ, սանկտպետերբուրգյան ձեռնարկությունների մասնակցությունը Երևանի մետրոպոլիտնի զարգացման գործում՝ համապատասպան ենթակառուցվածքներով զինելու և, իհարկե, շինարարության տեսանկյունից: Մետրոյի շինարարությունը հնարավոր է պետական-մասնավոր գործընկերության շրջանակում»,- ընդգծեց Պոլտավչենկոն: -0-

Loading...
Թեմատիկ նյութեր
Բաժնի այլ նյութեր
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին: