Հայաստանում ԱՄՆ նոր դեսպանը կժամանի Երևան. հայտնի են ժամկետները

ԵՐԵՎԱՆ, 23 փետրվարի. /Նովոստի-Արմենիա/. Հայաստանում ԱՄՆ դեսպանությունը հայտնել է, որ Հայաստանում այդ երկրի նոր դեսպանը կժամանի Երևան:

«Ուրախությամբ հայտնում ենք, որ հաջորդ շաբաթ Միացյալ Նահանգների դեսպան Լին Թրեյսին կժամանի Երևան», - ասվում է դիվանագիտության առաքելության Facebook-ի էջում:

Լին Թրեյսին Ռուսաստանի և նախկին ԽՍՀՄ երկրների գծով մասնագետ է։ Նա պրոֆեսիոնալ դիվանագետ է, այժմ զբաղեցնում է Պետդեպարտամենտում Ռուսաստանի հարցերով ավագ խորհրդականի պաշտոնը։ Մինչ այդ աշխատել է Մոսկվայում, Աշխաբադում և Աստանայում ԱՄՆ դեսպանի տեղակալ, եղել է պետքարտուղարի` Կենտրոնական Ասիայի հարցերով օգնականի առաջին տեղակալը։ Թրեյսին նաև աշխատել է Պակիստանում ԱՄՆ հյուպատոսությունում։

Լին Թրեյսին պետքարտուղարի կողմից արժանացել է «Հերոսության համար» մրցանակին։ Տիրապետում է ռուսերեն լեզվին։–0–