ԵՐԵՎԱՆ, 29 օգոստոսի./Նովոստի-Արմենիա/. ՌԴ նախագահ Վլադիմիր Պուտինը շնորհավորական ուղերձ է հղել ՀՀ նախագահ Սերժ Սարգսյանին` Հայաստանի և Ռուսաստանի միջև Բարեկամության, համագործակցության և փոխօգնության համաձայնագրի ստորագրման 20-ամյակի առիթով, հաղորդում է
ՏԱՍՍ–ը։
«1997 թ–ի համաձայնագիրը սկիզբ դրեց Ռուսաստանի և Հայաստանի միջև միջպետական կապերի ժամանակակից փուլին։ Այդ կարևոր փաստաթղթի ստորագրումը պայմաններ ստեղծեց քաղաքական երկխոսության ընդլայնման, առևտրատնտեսական, գիտատեխնիկական, հումանիտար և այլ ոլորտներում երկկողմ համագործակցության որակական զարգացման համար»,– ընդգծել է Ռուսաստանի նախագահը։
Загружается новость ...
"Право"
Նա մատնանշել է հայ–ռուսական հարաբերությունների վաղեմի պատմությունը, որի հիմքը բոլոր ժամանականերում եղել են երկու ժողովուրդներին կապող բարեկամութան և փոխադարձ հարգանքի ամուր կապերը։
Երկրի ղեկավարը բարձր է գնահատել հայ–ռուսական հարաբերությունների զարգացումը, որը երկու տասնամյակներում հասել է դաշնակցային փոխգործակցության մակարդակին: «Մոսկվան ու Երևանն արդյունավետորեն փոխգործակցում են եվրասիական ինտեգրացիոն գործընթացների շրջանակներում, համակարգում են տարածաշրջանային անվտանգության և կայունության ապահովմանն ուղղված ջանքերը», - ասվում է Կրեմլի մամուլի հաղորդագրության մեջ:
Պուտինը հաստատել է ակտիվ համատեղ աշխատանքը շարունակելու պատրաստակամությունը` ի շահ երկու երկրների եղբայրական ժողովուրդների համագործակցության ողջ սպեկտրի զարգացման։-0-