ԵՐԵՎԱՆ, 12 հունվարի. /Նովոստի–Արմենիա/. Հայաստանի հանրապետական կուսակցութունը քննարկում է ՀՀ պաշտպանության նախարար Վիգեն Սարգսյանի պաշտոնանկության հարցը:
Ինչպես գրում է «Հայկական ժամանակ» թերթը, նախօրեին երեկոյան Երևանի ծայրամասային ռեստորաններից մեկում գեներալական «սխոդկա» է տեղի ունեցել: Պարբերականին հայտնի է դարձել, որ հանդիպմանը ներկա է եղել ՀՀ պաշտպանության նախկին նախարար Սեյրան Օհանյանը, արտակարգ իրավիճակների նախարար Դավիթ Տոնոյանը, փոխնախարար Արա Նազարյանը և որոշակի ազդեցություն ունեցող այլ անձինք:
Ինչպես հայտնում է թերթը, հղում անելով իրազեկ աղբյուրներին, գեներալիտետը ՀՀ պաշտպանության նախարարի իր թեկնածուն ունի, արդեն քննարկումներ են սկսվել՝ այդ թեկնածուին պաշտպանության նախարարի պաշտոն տեղափոխելու ուղղությամբ:
Загружается новость ... "Лево"
«Խոսքն Արտակարգ իրավիճակների գործող նախարար Դավիթ Տոնոյանի մասին է: Վերջինս, հիշեցնենք, մինչ ԱԻՆ տեղափոխվելը, պաշտպանության նախարարի առաջին տեղակալն էր Սեյրան Օհանյանի պաշտոնավարման օրոք»,– ասվում է գրառման մեջ։
Պարբերականի հաղորդմամբ, գեներալիտետի նախաձեռնած հանդիպումները շարունակական են լինելու և մինչ ապրիլի 9-ը, երբ կավարտվեն Սերժ Սարգսյանի նախագահական լիազորությունները։
Զինվորական բարձրագույն շրջանակներում համարում են, որ այս պաշտոնում Հայաստանին լուրջ ստրատեգ է պետք: Ի դեպ, ինչպես նշվում է թերթում, այստեղ ի սկզբանե դեմ են եղել Վիգեն Սարգսյանին ՊՆ տեղափոխելու որոշմանը:
«Վիգեն Սարգսյանին էլ նախարարի կարգավիճակով արտաքին գործերի նախարարություն տեղափոխելուց բացի, քննարկվում է նրան Անվտանգության խորհրդի քարտուղար նշանակելու հնարավորությունը ևս»,- գրում է թերթը: -0-