ԵՐԵՎԱՆ, 27 հունիսի. /Նովոստի-Արմենիա/. Եվրախորհրդի Խորհրդարանական վեհաժողովի (ԵԽԽՎ) ադրբեջանամետ նախագահ Պեդրո Ագրամունտը կարող է պաշտոնանկ արվել:
ՏԱՍՍ-ի հաղորդմամբ` Ստրասբուրգում ԵԽԽՎ-ի ամառային նստաշրջանի ընթացքում ձայների մեծամասնությամբ հավանության է արժանացել փաստաթուղթը, որը թույլ է տալիս ԵԽԽՎ ղեկավարին պաշտոնանկ անելու մեխանիզմեր ստեղծելու բանաձև ընդունել: Այն կարող է հանգեցնել մոտ ապագայում ԵԽԽՎ գործող նախագահ Պեդրո Ագրամունտի պաշտոնանկության գործընթաց սկսելուն։
Ագրամունտը համարվում է Ադրբեջանի շահերի գլխավոր լոբբիստը ԵԽԽՎ-ում և մեղադրվում է 2,4 մլն եվրո կաշառք վերցնելու մեջ: Նա նաև մեղադրվում է հայկական պատվիրակության նկատմամբ կողմնակալ վերաբերմունքի համար։
Загружается новость ...
"Право"
Բանաձևն ընդունվել է «Վեհաժողովում պատասխանատվության սկզբունքի ճանաչումն ու իրացումը» նախագիծի հիման վրա: Այն մշակել է Շվեյցարաիայի ներկայացուցիչ Լիլիան Մորի Պասկիեն, ով գլխավորել է ԵԽԽՎ կանոնակարգի հանձնաժողովը:
Բանաձևի ընդունումը կապված է նաև Ագրամուտի` մարտին Սիրիա կատարած այցի հետ, ինչը նրան քննդատության թիրախ էր դարձրել ինչպես կառուցի ներսում, այնպես էլ Եվրախորհրդարանում:
Սակայն քաղաքական գործչի անհապաղ պաշտոնաթողության մասին բոլոր պահանջները փակուղի էին տանում, քանի որ ԵԽԽՎ-ն չի նախատեսում պատշոնանկություն` ընտրովի պաշտոնյաների համար: Ներկայում նախագահը պաշտոնից կարող է հեռանալ միայն կամավոր հրաժարականի միջոցով: Սակայն Ագրամունտն արդեն մի քանի ամիս հրաժարվում է դա անել։
Ընդունված բանաձևն ամրագրում է ընտրված պաշտոնյային հեռացնելու վերաբերյալ առաջարկ ներկայացնելու հնարավորությունը, որը հրապարակվում է 24 ժամվա ընթացքում։ Պաշտոնյայի իմպիչմենտի առաջարկը վեհաժողովում քվեարկության է դրվում հրապարակումից 24 ժամվա ընթացքում։ Պաշտոնյայի իմպիչմենտը կարող է կատարվել էլեկտրոնային քվեարկությամբ, այն ընդունված կհամարվի, եթե ստանա ձայների 2/3-ի հավանությունը։
Կանոնակարգում կատարված փոփոխության տեքստում, մասնավորապես, ասվում է. «Խորհրդարանական վեհաժողովն իրավունք ունի դադարեցնելու ԵԽԽՎ նախագահի կամ նրա տեղակալներից որևէ մեկի պարտականությունները վստահության բացակայության պատճառով կամ եթե նրա կատարած պարտականություններն այլևս չեն համապատասխանում իր առջև դրված պահանջներին: Ինչպես նաև, դա կարող է տեղի ունենալ, եթե նա լուրջ սխալ է թույլ տվել` մեկ կամ մի քանի անգամ կոպտորեն խախտելով ԵԽԽՎ անդամների էթիկայի կանոնները»: -0-
