482.84
+0.58
521.61
+4.72
7.62
+0.05
-3
Եղանակը Երևանում
Հայ
Հայաստանի խորհրդարանը վավերացրել է ԵՏՄ–ին երկրի անդամակցության մասին պայմանագիրը
19:38
04 Դեկտեմբերի 2014

ԵՐԵՎԱՆ, 4 դեկտեմբերի. /Նովոստի–Արմենիա/. Հայաստանի խորհրդարանը հինգշաբթի նիստում վավերացրել է երկրի անդամակցությունը Եվրասիական տնտեսական միությանը։

Պայմանագրի վավերացմանը կողմ է քվեարկել 103 պատգամավոր, դեմ` 7, ձեռնպահ` մեկ։

Այսպիսով, խորհրդարանական վեց խմբակցություններից հինգը` Հայաստանի հանրապետական կուսակցությունը, «Բարգավաճ Հայաստանը», «Օրինաց Երկիրը», ՀՅԴ–ն և Հայ ազգային կոնգրեսը կողմ են քվեարկել երկրի` ԵՏՄ–ին միանալու պայմանագրին։

Դեմ է քվեարկել միայն «Ժառանգություն» ընդդիմադիր խմբակցությունը և մի քանի պատգամավորներ։

Եվրասիական բարձրագույն տնտեսական խորհուրդը հավանություն է տվել Հայաստանի միացմանը ԵՏՄ–ին։ Համապատասխան պայմանագիրը ստորագրվել է ուրբաթ, երկրների ղեկավարների մակարդակով` Մինսկում կայացած նիստի արդյունքում։ Այսպիսով` Հայաստանը Ռուսաստանին, Բելառուսին և Ղազախստանին հավասար դառնում է 2015 թվականի հունվարի 1-ից գործունեությունը սկսող ԵՏՄ–ի լիիրավ մասնակիցը։

Ինչպես ավելի վաղ հայտնեց Հայաստանի ֆինանսների փոխնախարար Սուրեն Կարայանը, փաստաթղթում ներկայացված են ԵՏՄ մարմինների հիմնական սկզբունքներն ու իրավական նորմերը, լիազորությունները և դրանց ընդունած որոշումների ընդունումն ու իրականացումը։ Համաձայնագրում նաև կան դրույթներ, որոնք վերաբերում են բյուջետային և ֆինանսական հարցերի։

«Փաստաթղթով նախատեսված է, որ Հայաստանը ԵՏՄ անդամ է դառնում պայմայնագրի` ուժի մեջ մտնելու պահից»,– ասաց Կարայանը։

Նա նշեց, որ ԵՏՄ–ի նպատակը Միության անդամ երկրների կայուն աճի համար պայմանների, ընդհանուր աշխատաշուկայի և բազմակողմանի գործակցություն ստեղծելն է։

«Հաշվի առնելով, որ Հայաստանն ընդհանուր սահմաններ չունի ԵՏՄ անդամ երկրների հետ, պայմանագրով նախատեսված է երրորդ երկրներից ներկրվող ապրանքների տեղափոխման կարգը, և ընդգրկված են դրույթներ, որոնք թույլ են տալիս բացառել հայ ձեռնարկատերերի համար բոլոր հնարավոր խոչընդոտները»,– ասաց Կարայանը։

Ըստ նրա, դա թույլ կտա անարգել արտահանել հայկական արտադրանքը ԵՏՄ երկրներ, նվազեցնել մաքսային ծախսերը, ինչպես նաև կնպաստի Հայաստանում արտադրության աճին։

Պայմանագրի վավերացմանը կողմ քվեարկած բոլոր խմբակցությունները, ընդհանուր առմամբ, իրենց դիրքորոշումը հիմնավորել են անվտանգության նկատառումներով և երկրի համար տնտեսական շահերով։

«Գաղտնիք չէ, որ այն, ինչ կարող է մեզ տալ ԵՏՄ–ն և ՀԱՊԿ–ն, չի կարող տալ Եվրամիությունը։ Սակայն ԵՏՄ–ի անդամակցությունը բոլորովին չի նշանակում ԵՄ–ի հետ հարաբերությունների խաթարում։ Խելամիտ քաղաքականության արդյունքում մենք կարող ենք ԵՏՄ–ի և Եվրոպայի միջև «պատուհան» դառնալ»,– նշեց «Օրինաց Երկիր» ընդդիմադիր խմբակցության Հեղինե Բիշարյանը։

Հայ ազգային կոնգրեսի խմբակցության ղեկավար Լևոն Զուրաբյանն ընդգծեց, որ «տեսանելի ապագայում Հայաստանն անվտանգության ներկայիս համակարգի այլընտրանք չի ունենա»։ «Իսկ այդ համակարգը սերտորեն կապված է ՌԴ–ի հետ»,– նշեց նա։

«Բարգավաճ Հայաստան» խմբակցության պատգամավոր Տիգրան Ուրիխանյանը հայտնեց, որ ԵՏՄ–ն Հայաստանի համար մասնավորապես, գյուղմթերքի գծով արտահանման ծավալներն էապես մեծացնելու հնարավորություն կտա։

Հայաստանի հանրապետական կուսակցության ղեկավար Վահրամ Բաղդասարյանն ընդգծեց, որ ԵՏՄ–ի անդամակցությունը, նախևառաջ, տնտեսական որոշում է, ոչ թե քաղաքակիրթ ընտրություն։

«Մեր առջև բացվում է 170–միլիոնանոց շուկա, հետևաբար` մեծ հնարավորություններ հայկական ապրանքների իրացման համար»,– ընդգծեց նա։
«Ժառանգություն» խմբակցության ղեկավար Ռուբեն Հակոբյանը խմբակցության` վավերացմանը դեմ քվեարկելու որոշումը բացատրեց նրանով, որ ԵՏՄ–ին միանալու որոշումը ոչ թե տնտեսական, այլ հենց քաղաքական է, «և, այսպիսով, Հայաստանն իրեն փակուղի է տանում` ամրապնդելով իր շրջափակումը»։ -0-

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: