487.3
+1.08
565.32
+1.55
8.22
+0.02
+9
Եղանակը Երևանում
Հայ
Հայկական զորախումբը կմնա Աֆղանստանում մինչև ՆԱՏՕ–ի առաքելության ավարտը. Օհանյան
20:27
25 Հունիսի 2015

ԵՐԵՎԱՆ, 25 հունիսի. /Նովոստի–Արմենիա/. Հայկական զորախումբը կմնա Աֆղանստանում մինչև ՆԱՏՕ–ի «Վճռական աջակցություն» առաքելության ավարտը, հինգշաբթի Բրյուսելում ասել է Հայաստանի պաշտպանության նախարար Սեյրան Օհանյանը։

Հունիսի 25-ին Հայաստանի պաշտպանության նախարար Սեյրան Օհանյանի գլխավորած պատվիրակությունը մեկնել է Բրյուսել` մասնակցելու Աֆղանստանում իրականացվող ՆԱՏՕ-ի ղեկավարած «Վճռական Աջակցություն» վարժական, աջակցության և խորհրդատվական առաքելությանը մասնակցող երկրների պաշտպանության նախարարների ձևաչափով հանդիպմանը:

«Նախարար Օհանյանը վերահաստատել է մինչև առաքելության ավարտը 131 հոգանոց զորախմբի սահմաններում Աֆղանստանում ռազմակայանների անվտանգության ապահովում իրականացնող հայկական զորախմբի մասնակցության  վերաբերյալ Հայաստանի հանձնառությունը»,– ասվում է հաղորդագրությունում:

ՆԱՏՕ-ի և գործընկեր երկրների նախարարները քննարկել են Աֆղանստանում ՆԱՏՕ-ի առաքելության առաջընթացը, քաղաքական և անվտանգության  իրավիճակը, որոշում են կայացրել մինչև 2016թ. մայիսի 1-ը առաքելության երկրորդ փուլին անցնելու վերաբերյալ, որի համաձայն նախատեսվում է ՆԱՏՕ-ի ներկայությունը սահմանափակել միայն մայրաքաղաք Քաբուլի շրջանակներում:

Նույն օրը պաշտպանության նախարար Սեյրան Օհանյանը հանդիպել է Վրաստանի նորանշանակ պաշտպանության նախարար Թինաթին Խիդաշվիլիի հետ: Նախարարները քննարկել են պաշտպանական համագործակցության հեռանկարներն ու հնարավորությունները, կարծիքներ են փոխանակվել միջազգային և տարածաշրջանային անվտանգության խնդիրների շուրջ:

ՆԱՏՕ–ի «Վճռական աջակցություն» (Resolute Support) առաքելությունը սկսել է գործել Աֆղանստանում 2015 թվականի հունվարի 1–ից ԱՄՆ–ի և դաշինքի նրա դաշնակիցների օպերացիայի ռազմական փուլի ավարտից հետո։ Այն կապահովեն ՆԱՏՕ–ի 28 երկրներ և 14 գործընկեր պետություններ։ Աֆղանստանում անվտանգության ապահովման միջազգային ուժերի համակազմի փոխարեն, որի առավելագույն չափը կազմել է 139 հազար մարդ, 2015 թվականի սկզբին երկրում կտեղակայվի մոտ 12 հազար մարդ։ Առաքելությունը կլինի ոչ մարտական` նատօական զինծառայողները կկարողանան պաշտպանվել, բայց չեն ներգրավվի ռազմական գործողություններում անվտանգության աֆղանական ուժերի հետ։

Հայաստանը մասնակցում է Աֆղանստանում ՆԱՏՕ–ի խաղաղապահ առաքելությանը 2010թ.–ի փետրվարից, այդ ժամանակ երկիր են մեկնել առաջին 40 հայ զինծառայողները։ 2011թ.–ի հուլիսին արդեն 81 հայ զինծառայողներ ձեռնամուխ են եղել Աֆղանստանի հյուսիսում` Մազարի Շարիֆ ռազմաբազայում ծառայություն կրելուն։ Նրանք ապահովել են օդանավակայանի անվտանգությունը, պարեկային ծառայություն կրել և վերահսկել անցումային կետերը։ 2012թ–ի օգոստոսին հայկական զորախմբի առաքելությունը Մազարի Շարիֆում ավարտվել է։

Նույն ամիս Հայաստանի նոր զորախումբը 61 հոգանոց կազմով մեկնել է Աֆղանստան` Մայք Սփեն ռազմաբազայում ծառայություն կրելու համար։ Հայ խաղաղապահներն իրականացնում են ռազմական բազայի հսկիչ–անցումային կետի և հարակից տարածքների պաշտպանություն։ Աֆղանստանում Հայաստանի խաղաղապահ ուժերի զորախմբի նախապատրաստման և տեխնական ապահովման ծախսերն իր վրա է վերցրել Գերմանիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։