486.74
+0.05
517.99
+0.2
8.43
-0.08
-12
Եղանակը Երևանում
Հայ
Գյումրու ողբերգությունը չի կարող սեպ խրել հայ–ռուսական համագործակցության մեջ. Օհանյան
18:03
27 Հունվարի 2015


ԵՐԵՎԱՆ, 27 հունվարի. /Նովոստի–Արմենիա/. Գյումրու ողբերգությունը չի կարող սեպ խրել հայ–ռուսական համագործակցության մեջ, երեքշաբթի լրագրողներին ասաց ՀՀ պաշտպանության նախարար Սեյրան Օհանյանը։

Հունվարի 12–ին Գյումրիում, որտեղ տեղակայված է ռուսական 102–րդ ռազմակայանը, վեց հոգանոց ընտանիք է սպանվել։ Միակ ողջ մնացածը վեց ամսական Սերյոժա Ավետիսյանը մահացել է հունվարի 19–ին։ Հանցագործության կատարման մեջ կասկածվում է ռուս ժամկետային զինծառայող Վալերի Պերմյակովը, նա ձերբակալվել է երեքշաբթի և ինքնախոստովանական ցուցմունք է տվել

«Միասնական զորախմբավորման շրջանակում մեր համագործակցությունը ռուսական 102–րդ ռազմաբազայի և Հայաստանի կողմից ներգրավված զորամասերի միջև շատ բարձր մակարդակում է։ Այս միջադեպը չի կարող սեպ խրել մեր հարաբերությունների մեջ։ Հայաստանի անվտանգությունը համատեղ ապահովելու հարցում մեր պատրաստակամությունը հաստատում է օպերատիվ–ռազմական պլանավորման առկայությունը, որի համաձայն` բավականին բարձր մակարդակի զորավարժություններ են անցկացվում», – ասաց Օհանյանը։

Նա հիշեցրեց, որ բազմիցս կրկնել է, որ Հայաստանի տրամադրության տակ գտնվող զինված ուժերով երկիրը ոչ մի խնդիր չունի Ադրբեջանի հետ։

«Հայաստանի տարածքում նման զորամիավորումների առկայությունը գլոբալ կերպով լուծում է տարածաշրջանի անվտանգության հարցը` հատկապես հաշվի առնելով Թուրքիայի առկայությունը», – ասաց նախարարը։

Նրա խոսքերով` 102–րդ բազայի հրամանատար, գնդապետ Ռուզինսկու հետ ամենօրյա շփման պայմաններում ակնհայտ է դառնում, որ նրա հրամանատարության օրոք լուրջ աշխատանք է անցկացվել բազայի մարտական պատրաստվածության բարձրացման ոլորտում։

«Կարող եմ համեմատել բազայի ղեկավարության վերջին 7 տարիները, ինչպես եղել է մինչև նա և նրա ղեկավարության օրոք։ Այսօր լուրջ փոփոխություններ կան մարտական պատրաստվածության, ինչպես նաև նոր մարտական տեխնիկայի քանակի ավելացման հարցում», – նշեց Օհանյանը։

Նախարարի խոսքերով` ինչ վերաբերում է բազայի անձնակազմի համալրման հարցին, ապա դրանով զբաղվում են ստորաբաժանումների հրամանատարերը, և յուրաքանչյուր ինքնիշխան պետություն ինքն է որոշում անձնակազմի և իր բանակի համալրման հետ կապված հարցերը։

«Չեմ կարծում, որ մենք պետք է միջամտենք այդ հարցում և ստուգենք ռուս զինվորներին, դա ճիշտ չէ», – ընդգծեց Օհանյանը։

Նախարարը նաև հորդորեց «հանգիստ թողնել Պերմյակովին և քննչական խմբին»։

«Քննչական աշխատանքը պատասխաններ կտա, որոնք կբավարարեն մեր հասարակությանը։ Պերմյակո՞վն է դա արել, թե՞ նրա հետևում ինչ–որ ուժեր կան կանգնած, այստեղ շատ խնդիրներ կան, որոնք գաղտնիություն են ենթադրում», – ասաց Օհանյանը` նշելով, որ իրավասու մարմիններից բացի ոչ ոք չպետք է միջամտի այդ գործի քննության գործընթացին։–0–

Loading...
Թեմատիկ նյութեր
Բաժնի այլ նյութեր
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ:
17:20
10 Փետրվարի 2017
Հովիկ Աբրահամյանի որդին չի բացառել, որ կմասնակցի ընտրություններին` ներկայացնելով «Ծառուկյան դաշինքը»
Հովիկ Աբրահամյանի որդին` Արտաշատի քաղաքապետ Արգամ Աբրահամյանը, չի բացառել, որ ապրիլի 2–ին նախատեսված խորհրդարանական ընտրություններին կառաջադրի իր թեկնածությունը` ներկայացնելով «Ծառուկյան դաշինքը»։
15:42
10 Փետրվարի 2017
Լապշինը չի հետախուզվել Ինտերպոլի կողմից. կազմակերպության քարտուղարություն
Բելառուսում ձերբակալված և Բաքվին արտահանձնված ռուս-իսրայելցի բլոգեր Ալեքսանդր Լապշինը չի հետախուզվել Ինտերպոլի կողմից: