483.58
+0.74
513.85
-7.76
7.67
+0.05
+2
Եղանակը Երևանում
Հայ
Միջնորդները պետք է հասկանան, որ իրավիճակի սրման ողջ պատասխանատվությունը Բաքուն է կրում. ՀՀ պաշտպանության նախկին նախարար
16:40
14 Նոյեմբերի 2014

ԵՐԵՎԱՆ, 14 նոյեմբերի. /Նովոստի-Արմենիա/. Միջազգային միջնորդներն ու համաշխարհային հանրությունը պետք է հասկանան, որ ղարաբաղյան ուղղաթիռի ոչնչացման հետևանքով առաջացած իրավիճակի սրման պատասխանատվությունը կրում է Ադրբեջանը, «Նովոստի-Արմենիա» գործակալությանն ասաց ՀՀ պաշտպանության նախկին նախարար Վաղարշակ Հարությունյանը:
Չորեքշաբթի ԼՂՀ ՊՆ-ն տեղեկացրեց, որ ադրբեջանցի զինվորականները շփման գծում խփել են ղարաբաղյան ՄԻ–24 ուղղաթիռը, որն ուսումնամարզական թռիչք էր իրականացնում:

Հարությունյանի խոսքերով՝ հերթական անգամ իրավիճակի սրման պատասխանատվությունը  կրում է ադրբեջանական կողմը: «Շատ կարևոր է, որպեսզի դա հասկանան և ԵԱՀԿ ՄԽ համանախագահները, և մնացած միջազգային կազմակերպությունները, որոնք հետաքրքրված են, որպեսզի այս տարածաշրջանում պատերազմը չվերսկսվի», - ասաց նա:

Նրա կարծիքով՝ սկզբում ադրբեջանցիները ծիծաղելի հայտարարություն արեցին այն մասին, որ հայ ուղղաթիռը գրոհում էր իրենց վրա, սակայն տեսագրության մեջ պարզ երևում է, որ արտաքին կախոցի վրա ոչ մի սպառազինություն չի եղել:

«Կադրերում ևս կարելի է տեսնել, որ ուղղաթիռը կրակ չի բացել: Այսինքն՝ սա կարելի է համարել Ադրբեջանի կողմից հրադադարի ռեժիմի կոպտագույն խախտում, որը հանգեցրեց ողբերգական հետևանքների և սրման, քանի որ 1994 թ.-ից հետո հրադադարի ողջ պատմության ընթացքում թռչող սարքեր չեն խոցվել», - հայտարարեց Հարությունյանը:

Նա նաև ընդգծեց, որ տեսագրության մեջ պարզ երևում է, որ Լեռնային Ղարաբաղի ՌՕՈւ-ի ՄԻ-24 ուղղաթիռը թռիչք էր իրականացնում շփման գծի երկայնքով մեծ հեռավորության վրա՝ ղարաբաղյան տարածքում: «Ոչինչ պետք չէ ապացուցել, և այս փաստն ընդունել են ադրբեջանցիները», - ասաց Հարությունյանը:

«Ես նմանատիպ գործողությունները կարող եմ գնահատել որպես ադրբեջանական կողմի անպատասխանատու վերաբերմունք: Սա գիտակցված ոչնչացում էր: Եթե դա պատահականություն է, ապա Ադրբեջանը կարող էր ներողություն խնդրել», - ընդգծեց նա:

Հարությունյանը կարծում է, որ եթե միջազգային կառույցները ճնշում գործադրեին Ադրբեջանի վրա և հանդես գային նման գործողությունների անթույլատրելիության մասին հստակ հայտարարությամբ, ապա Ադրբեջանն ավելի պատասխանատու վարք կդրսևորեր:

Պատասխանելով այն հարցին, թե կհասցվի՞, արդյոք, պատասխան հարված Հայաստանի կողմից, պաշտպանության նախկին նախարարը նշեց, որ հայկական կողմը միշտ իրեն զուսպ է պահում: «Լեռնային Ղարաբաղի և Հայաստանի պաշտպանության նախարարներն ու երկու պետությունների քաղաքական ղեկավարությունը ևս իրենց պատասխանատում, զուսպ են պահում, սակայն միաժամանակ ես կարող եմ ասել, որ միշտ պատասխան միջոցներ են կիրառվում ագրեսիան չեզոքացնելու համար», - ասաց նա:

«Իմ կարծիքով՝ Հայաստանը կհետևի միջազգային հանրության արձագանքին, ադրբեջանական կողմին, և դրանից հետո նա որոշում կընդունի և արժանի պատասխան կտրվի, որպեսզի Ադրբեջանն իրեն անպատժելի չզգա», - ավելացրեց Հարությունյանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: