481.93
+0.2
569.16
+0.19
8.37
-0.02
+7
Եղանակը Երևանում
Հայ
Հայաստանը մասնակցում է Ղազախստանում անցկացվող ՀԱՊԿ ԱԱՀՈւ-ի «Փոխգործակցություն 2014» զորավարժություններին
17:08
19 Օգոստոսի 2014

ԵՐԵՎԱՆ, 19 օգոստոսի. /Նովոստի-Արմենիա/. Հայաստանը մասնակցում է Ղազախստանում անցկացվող ՀԱՊԿ Արագ արձագանքման հավաքական ուժերի «Փոխգործակցություն 2014» զորավարժություններին, տեղեկացրին «Փոխգործակցություն 2014» զորավարժության միասնական մամուլի կենտրոնից:

Զորավարժություններն անցկացվում են Ղազախստանում օգոստոսի 18-22-ը «Սպասսկ» ուսումնավարժական կենտրոնում (Կարագանդայի մարզ): Զորավարժություններին մասնակցում են ՀԱՊԿ բոլոր 6 անդամ-պետությունների (Հայաստան, Բելառուս, Ղազախստան, Ղրղըզստան, Ռուսաստան և Տաջիկստան) զինվորական համակազմերը, որոնք կրում են ԱԱՀՈւ-ի միասնական համազգեստ, զորավարժություններին նաև մասնակցում են ՆԳՆ հատուկ նշանակության ուժերի, անվտանգության և ԱԻՆ-ի ուժերի ստորաբաժանումները, որոնք ներառվել են ԱԱՀՈՒ-ի կազմում: Զորավարժություններին ընդհանուր առմամբ մասնակցում է մոտ 3 հազար մարդ:

ՀԱՊԿ գլխավոր քարտուղարի տեղակալ Վալերի Սեմերիկովի խոսքով՝ զորավարժությունների ընթացքում նախատեսվում է լուծել և մշակել մեծ թվով խնդիրներ, որոնք վերաբերում են ԱԱՀՈւ-ում ներառված տարատեսակ ուժերի կառավարման կազմակերպմանն ու ԱԱՀՈւ-ի ստանձնած գործառույթներին:

«ՀԱՊԿ քարտուղարությունը, ՀԱՊԿ միասնական շտաբը պաշտպանության նախարարությունների և այլ ուժային գերատեսչությունների հետ համատեղ մանրամասն կվերլուծեն զորավարժությունների արդյունքները և առաջարկներ կմշակեն ԱԱՀՈՒ-ի հետագա կատարելագործման համար: Այդ առաջարկները մենք կներկայացնենք Պաշտպանության նախարարների խորհրդին, Անվտանգության խորհուրդների քարտուղարների հանձնաժողովին», - ասել է Վալերի Սեմերիկովը:

Նա ընդգծել է, որ ՀԱՊԿ-ում հավաքական անվտանգության հիմքը նրա Հավաքական ուժերն են, իսկ Հավաքական ուժերի հիմքը Արագ արձագանքման հավաքական ուժերն են:

«Մեր խնդիրն է ունենալ այնպիսի ռազմական ներուժ, այնպիսի ռազմական պատրաստվածություն, որպեսզի ոչ ոք ցանկություն չունենա ստուգել դրանց ամրությունը», - ընդգծել է Գլխավոր քարտուղարի տեղակալը:

«Փոխգործակցություն 2014» զորավարժության ընթացքում նախատեսվում է մշակել ԱԱՀՈՒ-ի կիրառման հարցեր, զենքի, տեխնիկայի, կապի միջոցների օգտագործմամբ գործնականում իրականացնել մարտավարական գործողություններ: «Փոխգործակցություն 2014» զորավարժության նպատակն է կատարելագործել ՀԱՊԿ ԱԱՀՈՒ-ի կառավարման մարմինների կարգավորվածությունը մարտական գործողությունների պատրաստման և զորքի կառավարման ժամանակ, այդ թվում նաև փոխգործակցության կազմակերպման և համակողմանի ապահովման տարածքում համակազմի տեղակայման դեպքում: Զորավարժության ընթացքում մշակվում են ՀԱՊԿ ԱԱՀՈՒ-ի զինվորական համակազմի ու հատուկ նշանակության ուժերի զորամիավորումների կիրառման հարցերը Հավաքական անվտանգության Կենտրոնական-ասիական շրջանում:

ՀԱՊԿ ԱԱՀՈՒ-ի «Փոխգործակցություն 2014» համատեղ զորավարժության անցկացման համար ռազմաքաղաքական և ռազմավարական մթնոլորտի հիմքում ընկած է ռազմական հակամարտության կանխման ՀԱՊԿ անդամ-պետությունների ձգտումը ինչպես կազմակերպության արտաքին սահմանների վրա, այնպես էլ պետությունների ներսում: Ուսումնական խնդիրների մշակման նպատակով Ղազախստանի տարածքում պայմանականորեն ստեղծվել են «Քարանիա» պետությունը, որը ներառված է ՀԱՊԿ-ի կազմում և «Իրտիշիա» պետությունը, որը սահմանակից է «Քարանիայի» հետ և վերապրել է սուր ներքաղաքական ճգնաժամ, որի պատճառ անջատողական շարժումն է եղել՝ ազգամիջյան հակասությունների սրման ֆոնին: «Քարանիան», Կազմակերպության կանոնադրության համաձայն, դիմել է ՀԱՊԿ-ին ռազմական օգնության տրամադրման խնդրանքով, և Հավաքական անվտանգության խորհրդի որոշման համաձայն՝ ՀԱՊԿ անդամ-պետությունները տրամադրում են նման օգնություն:

Նախնական փուլում «Փոխգործակցություն 2014» զորավարժության առանձնահատկությունն այն է, որ ԱԱՀՈւ-ի ստորաբաժանումները տեղափոխվում են ռազմատրանսպորտային ավիացիայի ինքնաթիռներով ՀԱՊԿ-ի Հավաքական ավիացիոն ուժերի կազմում (ըստ զորավարժության), զորավարժության առանձնահատկությունն է նաև Ղազախստանի և Ռուսաստանի ՀՕՈՒ-ի միասնական տարածաշրջանային համակարգի միջոցով ՀԱՊԿ ԱԱՀՈՒ-ի պաշտպանությանը վերաբերող գործնական խնդիրների կատարումը:

Զորավարժության գործնական փուլերում առաջին անգամ մշակվում են տեղեկատվական և հոգեբանական պայքարի կազմակերպման հարցերը, դրանց ներդրմանը վերաբերող խնդիրների գործնական կատարումը, ինչպես նաև սեփական տեղեկատվական համակարգերի կիբերանվտանգության ապահովումն ու հակառակորդի տեղեկատվական օբյեկտների վրա ծրագրային-տեխնիկական ազդեցությունը:

Հայաստանից, Բելառուսից, Ղազախստանից, Ղրղըզստանից, Ռուսաստանից և Տաջիկստանից զորավարժությանը մասնակցող հատուկ նշանակության ուժերի և զինվորական համակազմի, օպերատիվ խմբերի ընդհանուր թիվը կազմում է մոտ 3000 մարդ, մոտ 200 միավոր մարտական և հատուկ տեխնիկա, շուրջ 30 ինքնաթիռ և ուղղաթիռ:

Դրանց թվում են ՀԱՊԿ ԱԱՀՈՒ-ի կազմում ներառված Ռուսաստանի օդադեսանտային զորքերի դեսանտագրոհային բրիգադի, Ղազախստանի Աերոմոբիլային բրիգադի, Բելառուսի Հատուկ օպերացիաների ուժերի շարժական բրիգադի զինվորական ստորաբաժանումները, Ղրղըզստանի զինված ուժերի հատուկ ստորաբաժանումները, Տաջիկստանի դեսանտագրոհային վաշտը:

Առաջին անգամ իրականացվել է զորավարժությունների դրվագների գործնական մշակում՝ ներգրավված բոլոր համակազմերի մասնակցությամբ: Հակառակորդի անօրինական զինված զորամիավորումների ուղղությամբ կրակ է բացել հրթիռային հրետանին «Գրադ» համազարկային սարքերից, հաուբից և տանկերից: Օդից կրակ են բացել Սու-25 տեսակի գրոհայիններն ու ՍՈւ-27 ճակատային ռմբակոծիչները: Ուղղաթիռներից իջել է Ղազախստանի, Հայաստանի, Բելառուսի, Ղրղըզստանի և Տաջիկստանի դեսանտագրոհային ստորաբաժանումների դեսանտը: Միաժամանակ ՌԴ ՕԴԶ-ի 31-րդ դեսանտագրոհային բրիգադի ռուս դեսանտները, առաջ անցնելով զրահատեխնիկայով, արգելափակել են անօրինական զինված զորամիավորումների գործողություններն ու հակահարված են իրականացրել: Միաժամանակ նման զորավարժությունների ընթացքում առաջին անգամ հետախույզներն օգտագործել են մոտոդելտոպլաններ և կվադրոցիկլներ:

Զորավարժությունը ղեկավարում է Ղազախստանի Հանրապետության ԶՈՒ Ցամաքային զորերի գլխավոր հրամանատար, գեներալ-լեյտենանտ Մուրատ Մայկեևը, ԱԱՀՈՒ-ի հրամանատար է նշանակվել Ղազախստանի Աերոմոբիլային զորքերի հրամանատար, գեներալ-մայոր Դաուլետ Օսպանովը:

Զորավարժության մեկնարկի նախօրեին առաջին անգամ ԱԱՀՈՒ-ի հրամկազմի օպերատիվ հավաք և հրամանատարաշտաբային մարզում է անցկացվել:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: