480.39
+0.17
536.6
+0.48
8.07
+0.03
+18
Եղանակը Երևանում
Հայ
Հայաստանն իր մշակումները կներկայացնի Ռուսաստանում մեկնարկած «ՕԲՈՐՈՆԷՔՍՊՈ 2014» ցուցահանդեսի շրջանակում
13:12
13 Օգոստոսի 2014

ԵՐԵՎԱՆ, 13 օգոստոսի. /Նովոստի-Արմենիա/. Հայաստանը կներկայացնի իր մշակումները «ՕԲՈՐՈՆԷՔՍՊՈ 2014» սպառազինությունների մասշտաբային միջազգային ցուցահանդեսում, որը տեղի կունենա օգոստոսի 13-17-ը Մոսկվայի մարզի Ժուկովսկ քաղաքում, հաղորդում է ՌԻԱ Նովոստին:

Հայաստանից և Ռուսաստանից բացի, ցուցահանդեսային ծրագրին կմասնակցեն Ալժիրի, Բելառուսի, Գերմանիայի, Հնդկաստանի, Չինաստանի, ԱՄՆ-ի, Ֆրանսիայի, Չեխիայի և Շվեյցարիայի պատվիրակությունները:

Ցուցահանդեսի ծրագիրը

Ցուցահանդեսի ծրագիրը բաղկացած է մի քանի թեմատիկ բաժնից` հրթիռային  և հրետանային համակարգեր և համալիրներ, հրաձիգներ և մերձամարտի միջոցներ, ՌՕՈՒ-ի և ՌԾՆ-ի սպառազինություն, ՀՕՊ սպառազինություն և տեխնիկա, հրթիռատիեզերական տեխնիկա, ինչպես նաև ցուցահանդեսային զենք:

Բացի այդ, ցուցահանդեսին մասնակցող ձեռնարկությունները նախատեսում են ցուցադրել զորքերի բոլոր տեսակի ռազմամթերքը, ավտոզրահատանկային տեխնիկան և սպառազինությունը, ռադիոէլեկտրոնային պայքարի միջոցները, անօդաչու թռչող սարքերն ու ռոբոտատեխնիկան:

Ցուցահանդեսին կներկայացվեն նաև պաշտպանական արդյունաբերության ոլորտում կիրառվող նորարարական նյութերն ու տեխնոլոգիաները, շարժիչների արտադրության ոլորտի մշակումները, կապի տեխնոլոգիաները, օպտիկական համակարգերն ու զինծառայողների հանդերձանքը:

Գլխավոր ցուցանմուշները կդառնան С-400 համակարգի զենիթահրթիռային համակարգերը, որոնք առաջին անգամ են ցուցադրվելու, «Тор-М1» զենիթահրթիռային համալիրը, «Панцирь-С» զենիթահրթիռային թնդանոթային համալիրը, ինչպես նաև «Искандер-М» օպերատիվ-մարտավարական հրթիռային համալիրը:

Մասնակիցները

Ցուցահանդեսին կմասնակցեն պաշտպանական արդյունաբերության ոլորտի առաջատար ռուսական ձեռնարկությունները, որոնց թվում են՝ Ռոստեխը, Միավորված ավիաշինական կորպորացիան, «Վերտոլյոտի Ռոսիի» ԲԲԸ-ն և Շարժիչաշինության միավորված կորպորացիան:

Բացի այդ, ցուցահանդեսին իրենց արտադրանքը կներկայացնեն «Ավիացիոն սարքավորումներ», «ՌՏ-Խիմկոմոպզիտ», «Շվաբե» ընկերությունները, «ՎՍՄՊՈ-ԱՎԻՍՄԱ կորպորացիան», «Ռադիոէլեկտրոնային տեխնոլոգիաներ» կոնցեռնը, «Ուրալվագոնզավոդ» ԳԱԿ-ը, «Ալմազ-Անտեյ» ՀՕՊ կոնցեռնը, «Սալյուտ»  ԳԱԿ ԴՊՄՁ-ն, «Կամազ»-ը, «Ավտովազ»-ը, «Վեգա» կոնցեռնը, «Ռոսէլեկտրոնիկա»-ն, «Գերճշգրիտ համալիրներ» ԳԱՄ-ը, «ՑՆԻԻՏՈՉՄԱՇ» ԴՊՄՁ-ն, «Կալաշնիկով» կոնցեռնը, ինչպես նաև «Սոզվեզդիե» կոնցեռնը:

Ծրագրի «մեխը»

Ցուցահանդեսի ինքնատիպ այցեքարտը կդառնա երեք ժամ տևողություն ունեցող «Ֆորսաժ» շոուն, որի ընթացքում կցուցադրվեն մարտական ինքնաթիռների և պիլոտաժային խմբերի ցուցադրական թռիչքները, ինչպես նաև ելույթ կունենան հայտնի մրցարշավորդներ:

Ըստ կազմակերպիչների՝ շոուն կզարդարեն ռեակտիվ ինքնաթիռների և «սուպերմեքենաների» բացառիկ մրցավազքերը: Շոուի ամենաարագ մասնակցի կոչման համար կպայքարեն ՄիԳ-29 և Սու-30 կործանիչները, Յակ-54 և L-39 ուսումնամարզական ինքնաթիռները, ինչպես նաև Ferrari, Bugatti, Lamborghini, Aston Martin «սուպերմեքենաները» և այլն:

Բացի այդ, ցուցահանդեսի հյուրերը կարող են դիտել «Անպարտելիներն ու լեգենդարները» ռազմահայրենասիրական ծրագրի մասնագիտացված ցուցադրությունը:

Հատուկ կառուցված հրաձգարանում ստեղծվել է արհեստական խոչընդոտներով և ուղանցումներով վազքուղիների համակարգ, որը թույլ է տալիս ցուցադրել ռուսական բանակի անվային և թրթուրավոր տեխնիկայի երթևեկության որակները:

Պատժամիջոցները խոչընդոտ չեն

ՌԴ Ռազմատեխնիկական համագործակցության դաշնային ծառայությունում համոզված են, որ Ռուսաստանի դեմ ներդրված Արևմուտքի պատժամիջոցները չեն խանգարի անցկացնել «Օբորոնէքսպո 2014» ցուցահանդեսի բոլոր նախատեսված միջոցառումները: Այս մասին ցուցահանդեսի նախօրեին տեղեկացրել է ծառայության փոխտնօրեն Կոնստանտին Բիրյուլինը:

«Ռազմատեխնիկական համագործակցության համար ցանկացած միջոցառում կարևոր է: Նման հարթակում միշտ կարելի է ցուցադրել, թե ինչ է անում մեր արդյունաբերությունը` անկախ ինչ–ինչ պատժամիջոցներից», - ասաց Բիրյուլինը:

Նա նաև հույս հայտեց, որ հաջորդ ցուցահանդեսի ժամանակ մասնակիցների թիվը չի նվազի, իսկ այս ցուցահանդեսի հետ կապված բոլոր ծրագրերը կիրագործվեն:-0-


 

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: