482.36
-0.38
568.99
-1.66
8.19
-0.05
+4
Եղանակը Երևանում
Հայ
Ռուսական «Ստրիժի» խումբը դիտարժան ավիաշոուի ցուցադրությամբ շնորհավորեց հայ ռազմական օդաչուներին
17:08
23 Հունիսի 2014

ԵՐԵՎԱՆ, 23 հունիսի. /Նովոստի-Արմենիա/. Ռուսաստանի ՌՕՈՒ-ի «Ստրիժի» բարձրագույն պիլոտաժային ավիացիոն խումբը շնորհավորեց հայ օդաչուներին ռազմաօդային ուժերի կազմավորման 22-ամյակի կապակցությամբ՝ Երևանի «Էրեբունի» ռազմական օդանավակայանում դիտարժան ավիաշոու ցուցադրելով:

Տոնական միջոցառման ընթացքում պարգևատրվեցին բարձր առաջադիմություն ցույց տված օդաչուները, այնուհետև միջոցառումը շարունակվեց տոնական քայլերթով:

авиашоу, парашютисты, парашютՍահուն թռիչքով ավիաշոուն բացեցին «ՍՈՒ-25» կործանիչները, որոնք ղեկավարում էին հայ օդային վարպետները, կործանիչներն իրենց հետևից թողնում էին ազգային եռագույնի գույներով ներկված գեղեցիկ հետագիծ:

Նրանց հետևից օդ բարձրացան «Ստրիժի» պիլոտաժային խմբի «ՄԻԳ-29»-երը: Ռուս օդաչուները ցուցադրեցին իրենց վարպետությունը՝ ներկայացնելով բարդ ծրագիր, որը նրանք ներկայացնում են բոլոր հեղինակավոր ավիասալոնների ժամանակ:

Շոուն եզրափակեց հայ պարաշյուտիստների խումբը՝ Հայաստանի և Ռուսաստանի դրոշներով:

«Երևանի երկինքը շատ լավ ընդունեց ռուս օդաչուներին», - վայրէջքից անմիջապես հետո լրագրողներին ասաց օղակի հրամանատար, մայոր Դմիտրի Սելիվանովը:

стрижи, авиашоу, самолетՆրա խոսքով՝ Հայաստանում իրականացվող թռիչքներն իրենց առանձնահատկություններն ունեն: «Բարձր-լեռնային օդանավակայաններում ջերմաստիճանը բարձր է, հետևաբար՝ շարժիչների քարշող ուժը փոքր-ինչ պակաս է», - ասաց Սելիվանովը: Նա ավելացրեց, որ իրենց խումբը Երևանում բարդ հնարքներ ցուցադրեց՝ Նեստերովի հանգույցը, «տակառ», «բլուրներ»: «Սրանք բարդ ֆիգուրներ են, որոնք կատարում են միայն մեր կործանիչները, դրանք են՝ «զանգը» «կիսատակառ» հնարքը՝ արգելակմամբ և նվազագույն արագությամբ անցնելով: Մենք ցուցադրում ենք ինքնաթիռի ողջ հմայքը, եթե ղեկին գրագետ օդաչու է», - ավելացրեց նա: 

Շնորհավորելով հայ գործընկերներին տոնի կապակցությամբ՝ մայոր Սելիվանովը նշեց, որ «Ստրիժի» խմբի օդաչուները շատ ուրախ են միջոցառմանը մասնակցելու համար: «Սա շատ պատվավոր հրավեր է, միշտ կանչեք մեզ: Մենք ուրախությամբ ձեզ հյուր կգանք», - ասաց նա:

Հայ ռազմական օդաչուների վարպետությունը

стрижи, авиашоу, самолет«Ես հիացած եմ հայ օդաչուների մարտական պատրաստվածությամբ», - ավիաշոուից հետո ասաց ՀՀ ԶՈւ Գլխավոր շտաբի պետի տեղակալ, գեներալ-լեյտենանտ Ստեփան Գալստյանը: «Ցածր բարձրությունների վրա բավականին բարդ է խմբային թռիչքներ կատարել»:

Նա շնորհավորեց ռազմական օդաչուներին տոնի կապակցությամբ՝ շնորհակալություն հայտնելով հայկական ՌՕՈւ-ի ստեղծման ակունքներին մոտ կանգնած սպաներին:

«Մեր օդաչուների վարպետությունն ինքներդ տեսաք: Այսօր առաջինը օդ բարձրացան երիտասարդ հայ օդաչուները...Կարող եմ վստահեցնել, որ Հայաստանի ՌՕՈւ-ն պատրաստ են կատարել իրենց առջև դրված բոլոր խնդիրները», - ասաց Գալստյանը:

Նա նաև նշեց, որ հրավիրել է ռուս օդաչուներին մասնակցել Ավիացիայի օրվան նվիրված միջոցառումներին՝ ավելացնելով, որ հայկական կողմը ևս մասնակցում է Ռուսաստանում կազմակերպվող տոնական միջոցառումներին: «Այս ամենը մեր բարեկամության վկայությունն է», - ասաց Գալստյանը:

«Ստրիժի» խմբի օդաչուները թռչում էին հայ ընկերների համար

«Ստրիժի» բարձր պիլոտաժային խմբի հրամանատարի տեղակալ, փոխգնդապետ Սերգեյ Օսյայկինը լրագրողներին ասաց, որ սա պիլոտաժային խմբի առաջին ցուցադրությունն էր Հայաստանում: «Այդ պատճառով մեծ պատիվ է, որ մեզ հրավիրեցին այստեղ, և մենք մեր ընկերների համար թռչելու հնարավորություն ունեցանք», - ասաց նա:

«Շնորհավորում եմ Ավիացիայի օրվա կապակցությամբ: Առաջին հերթին վետերաններին մաղթում եմ քաջառողջություն, երջանկություն, բարեկեցություն, ամենայն բարիք մեր պիլոտաժային խմբի կողմից: Մենք թռչում էինք ձեզ, նրանց, վետերանների համար», - ավելացրեց Օսյայկինը։

Նրա խոսքով՝ Երևանում ցուցադրվեց հիմնական ծրագիրը, որով խումբը հանդես է գալիս այս տարի բոլոր ավիացիոն տոների և ավիասալոնների ժամանակ: «Դուք տեսաք թեքադարձեր, «տակառներ», կիսաշրջադարձեր, «սինխրոն տակառներ»՝ պիլոտաժի հնարքների ողջ համալիրը, որը կատարում է խումբը: Չկային սահմանափակումներ և բացառություններ», - ավելացրեց նա:

««Ստրիժի» խումբը մեծ ծրագիր ունի: Օդաչուները թռչում են Ռուսաստանի քաղաքներում և սահմաններից դուրս՝ ավիացիոն տեխնիկայի և անձնակազմի հնարավորությունները ցուցադրելու համար: Նախանշան կա, որ եթե որևէ բնակավայրում, օդանավակայանում կամ քաղաքում երևում է «Ստրիժի» պիլոտաժային խումբը, նշանակում է` տոն է լինելու: Այսօր տոնը կայացավ: Շքեղ ավիացիոն տոն էր» - ասաց «Էրեբունի» ավիաբազայի հրամանատար, գնդապետ Ալեքսանդր Պետրովը՝ ավելացնելով, որ սա վերջին մի քանի շաբաթվա ընթացքում Երևանում կազմակերպված երկրորդ դիտարժան միջոցառումն էր:-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։