+

+

+
0
Եղանակը Երևանում
Հայ
ԱՄՆ–ն Հայաստանին 1.5 մլն դոլար կհատկացնի Խաղաղապահ գործառնությունների բնագավառում Գլոբալ նախաձեռնության անդամակցության շրջանակներում
19:02
19 Դեկտեմբերի 2013

Հայաստանը դարձել է ԱՄՆ կառավարության կողմից ֆինանսավորվող Խաղաղապահության նախաձեռնություններին աջակցող ծրագրի GPOI գործընկեր պետություն, ինչի շրջանակում Հայաստանի խաղաղապահ կարողությունների զարգացման նպատակով Միացյալ Նահանգներն ակնկալում է տրամադրել մոտ 1.5 մլն ԱՄՆ դոլարի աջակցություն 2 տարվա ընթացքում, հայտնում է պաշտպանական գերատեսչության մամուլի ծառայությունն ԱՄՆ պաշտպանության քարտուղարի փոխտեղակալ դոկտոր էվելին Ֆարկասի` Երևան կատարած այցի արդյունքում։

«ԱՄՆ պաշտպանության նախարարի` Ռուսաստանի, Ուկրաինայի և Եվրասիայի գործերով փոխտեղակալ Էվելին Ֆարկասի հետ մենք այսօր քննարկել ենք պաշտպանական ոլորտում փոխադարձ հետաքրքրություն ներկայացնող հարցերի լայն շրջանակ և մեր համագործակցության հիմնական ուղղություններն ենք ուրվագծել»,– հինգշաբթի լրագրողներին հայտնեց Հայաստանի պաշտպանության փոխնախարար Դավիթ Տոնոյանը, հաղորդում է «Նովոստի–Արմենիան»։

Այդ ուղղությունները, նրա խոսքով, Զինված ուժերի փոխգործակցության ներուժի զարգացումն է, մասնավորապես, միջազգային անվտանգության և խաղաղապահ հնարավորությունների ապահովում, ինչպես նաև Հայաստանի ԶՈԻ–ում կատարվող բարեփոխումներին օժանդակությունը։

Նա պարզաբանեց նաև, որ Հայաստանում GPOI–ի աջակցությամբ ծրագրվում է խաղաղապահ ուսումնամարզական ներուժի զարգացման ծրագիր, որը կօժանդակի միջազգային գործառնություններում հայ խաղաղապահների մասնակցությանը, մասնավորապես, Լիբանանում UNIFIL (United Nations Interim Force in Lebanon) խաղաղապահ առաքելության կազմում։

Ֆարկասն իր հերթին, շնորհակալություն հայտնելով հայկական կողմին միջազգային անվտանգության ապահովման գործողություններում մեծ ներդրման համար, նշեց որ ներկայիս համագործակցության ոլորտները փոխադարձ շահավետ են, սակայն դրանք զարգացնելու ավելի լայն հեռանկարներ կան:

Ըստ նրա` Հայաստանն ԱՄՆ–ի կարևոր գործընկերն է կովկասյան տարածաշրջանում մի շարք ուղղություններում, մասնավորապես ՆԱՏՕ–ի հետ փոխգործակցության և «Գործընկերություն հանուն խաղաղության» ծրագրի, ԱՄՆ–ի եվրոպական հրամանատարության, Կանզասի ազգային գվարդիայի շրջանակներում, ինչպես նաև Աֆղանստանում և Կոսովոյում որպես գործընկեր։

«Հայաստանի և նրա զինված ուժերի կողմից այդ և այլ բարդ առաքելություններում հետևողական պրոֆեսիոնալ և արդյունավետ օգնությունն ավելի է, քան ակնկալվում էր նմանատիպ ստորաբաժանումներից։ Հայաստանի կողմից կոալիցիոն և խաղաղապահ առաքելությունների աջակցությունն արժանի է հատուկ գնահատականի, քանի որ հայկական զինված ուժերը տարածում են անվտանգությունն այլ վիճելի գոտիներ»,– նշեց նա։

Ֆարկասն ընդգծեց նաև, որ GPOI–ի անդամակցումով Հայաստանի պաշտպանության նախարարությունը մեծ հնարավորություն է ստացել խաղաղապահ ներուժի զարգացման համար, ավելացնելով, որ ԱՄՆ պաշտպանության նախարարությունը հպարտանում է հայկական պաշտպանական գերատեսչության և Հայաստանի Զինված ուժերի հետ համագործակցությամբ։ «Դա թույլ կտա Հայաստանին հետագայում էլ բարձրացնել սեփական միջազգային կարգավիճակը»,– ասաց նա։
-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։