487.57
+0.28
567.63
-0.45
8.2
-0.03
+6
Եղանակը Երևանում
Հայ
Ղարաբաղցի զինվորի մահվան մեղավորները կպատժվեն. ՀՀ ռազմական դատախազ [Վարկած 1]
18:07
05 Սեպտեմբերի 2011

ԵՐԵՎԱՆ, 5 սեպտեմբերի. /Նովոստի-Արմենիա/. Ղարաբաղի Պաշտպանական բանակի ժամկետային զինծառայող Աղասի Աբրահամյանի մահվան մեղավորները պատժվելու են օրենքի ողջ խստությամբ, երկուշաբթի լրագրողներին հայտնեց ՀՀ ռազմական դատախազ Գևորգ Կոստանյանը։

«Որպես այս երկրի քաղաքացի, շատ եմ ցավում, և մենք ոչ միայն կանենք հնարավոր ամեն բան նման դեպքերը բացառելու համար, այլ նաև խստագույն պատասխանատվության կենթարկենք բոլոր մեղավորներին»,- ասաց Կոստանյանը։

Ըստ նրա, այդ անբարոյական գործին ոչ մի միջնորդություն չի կարող լինել։

«Յուրաքանչյուր անձ դեպքի յուրաքանչյուր մասնակից խստագույնս ենթարկվելու է պատասխանատվության՝ անկախ կոչումից, դիրքից»,- հայտնեց ռազմական դատախազը։

Փաստի առթիվ քրեական գործ է հարուցվել ՀՀ ՔՕ 359-րդ հոդվածի առաջին մասով (Զինծառայողների փոխհարաբերությունների կանոնագրքային կանոնները խախտելը նրանց միջև ստորադասության հարաբերությունների բացակայության դեպքում, որն արտահայտվել է անձի պատիվն ու արժանապատվությունը ստորացնելով, նրան ծաղրուծանակի ենթարկելով կամ հալածելով կամ զուգորդվել է բռնություն գործադրելով)։

Կոստանյանը նշեց, որ տվյալ գործով սպա է ձերբակալվել, մեկ զինվոր էլ կալանավորվել է։
Խոսելով նախաքննության ընթացքի մասին՝ Կոստանյանը նշեց, որ կատարվածից անմիջապես հետո ինքը ՀՀ ՊՆ քննչական բաժնի պետ Արմեն Հարությունյանի հետ մեկնել է դեպքի վայր՝ գործի հանգամանքներին մանրամասնորեն, բազմակողմանիորեն և օբյեկտիվորեն ծանոթանալու համար։
Միաժամանակ նա նշեց, որ գործի վերաբերյալ տեղեկատվությունը մշտապես փոփոխվում է, քանի որ գործի քննության յուրաքանչյուր փուլում ինչպես կասկածյալների, այնպես էլ մեղադրյալների թիվը կարող է ավելանալ, «և այն կավելանա»։

«Այսօր համապատասխան հիմքեր են ձևակերպվում՝ դեպքին մասնակից այլ անձանց ևս ձերբակալելու և նրանց հանդեպ մեղադրանք առաջադրելու համար»,- ասաց նա։

Միաժամանակ ռազմական դատախազը պարզաբանեց, որ նախաքննության շրջանակներում այսօրվա դրությամբ երկու դրվագ է դիտարկվում։

Ըստ նրա, նախաքննության շրջանակներում՝ այսօրվա դրությամբ ստացված տվյալների համաձայն, ծեծի և բռնության հետևանքով գումարտակում տուժածն իրեն վատ է զգացել, կորցրել է գիտակցությունը և ընկել։
«Որոշ ժամանակ անց նրան տեղափոխել են զորամասի բուժկետ, որը գտնվում է գումարտակից շուրջ 30 կմ հեռավորության վրա, ըստ նախաքննության տվյալների, այնուհետև մոտ 10 ժամ նա բուժկետում է եղել բացարձակապես անօգնական վիճակում»,- ասաց նա։

Կոստանյանը նշեց, որ դրան ավելացել է նաև բուժկետի ծառայության պետի կողմից բռնություն կիրառելու դրվագը։ Արդյունքում, մի քանի ժամ անց տուժածին տեղափոխել են ռազմական հոսպիտալ, որտեղ արձանագրվել է նրա մահվան փաստը։

«Այդ հանգամանքները ստեղծվում են նախաքննության ընթացքում ստացված ապացույցների շրջանակներում, և քննության ավարտից հետո մենք լիարժեք և վերջնական պատկեր կստանանք, որի մասին լրացուցիչ կտեղեկացվի»,- ասաց նա։

Պատասխան լրագրողների այն հայտարարությանը, թե գործի սկզբում հանցագործությունը ծածկելու կամ այն որպես ինքնասպանություն, որպես հիվանդություն, դժբախտ պատահարի հետևանքով առաջացած մահ ներկայացնելու փորձ է արվել, Կոստանյանը նշեց,  որ «այն հնարավոր վարկածները, որոնց մասին խոսակցություններ են տարածվել, և հատկապես թունավորումը, մահճակալից ընկնելը, հարբուխը, նախաքննություն անցկացնող մարմնի կողմից ընդհանրապես երբեք հետաքննության առարկա չեն եղել»։

«Մարմնական վնասվածքների փաստն ակնհայտ էր քրեական գործ հարուցելու սկզբնական փուլում, ինչը բացարձակապես բացառում է նման վարկածների քննարկումը»,-ասաց նա՝ ավելացնելով, որ մահվան պատճառը կարող է հաստատվել բացառապես բժշկական եզրակացության հիման վրա։

Ռազմական դատախազը նշեց, որ տվյալ գործը լիովին բացահայտելու համար դեռ բազմաթիվ քննչական և ընթացակարգային միջոցառումներ պետք է անցկացնել, քանի որ «որոշակի հաջորդականությամբ և ժամանակի մեծ ընդմիջումներով հասցված մի քանի մարմնական վնասվածքներ կան»։ 

«Այո, մենք գիտենք, որ մահը վրա է հասել մարմնական վնասվածքների հետևանքով, սակայն պետք է պարզել՝ հնարավո՞ր էր առավել օպերատիվ և ժամանակին բժշկական օգնության շնորհիվ խուսափել նման ելքից»,- ասաց նա՝ ավելացնելով, որ այսօրվա մոտեցումները ձևավորվել են սկզբնական  տվյալների հիման վրա, որոնք ճշգրտումների կարիք ունեն։

Ղարաբաղի Պաշտպանական բանակի ժամկետային զինծառայող 19-ամյա Աղասի Աբրահամյանը զոհվել է օգոստոսի 26-ին ռազմական հոսպիտալում։ -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։