483.82
-0.09
522.04
-3.39
8.49
+0.01
+3
Եղանակը Երևանում
Հայ
«Բարեկամության շքանշան»՝ ՀՀ ԱԻՆ փրկարար ծառայության տնօրենին
16:25
13 Դեկտեմբերի 2010

ՀՀ ԱԻՆ փրկարար ծառայության տնօրեն, ԱԻՆ գեներալ-մայոր Սերգեյ Ազարյանը երկուշաբթի Հայաստանում Ռուսաստանի դեսպան Վյաչեսլավ Կովալենկոյից ստացել է  «Բարեկամության շքանշան» ՌԴ պետական պարգևը՝ ՌԴ տարածքի հրդեհների մարման ժամանակ ցուցաբերած խիզախության և բարձր պրոֆեսիոնալիզմի համար։

2010թ.-ի օգոստոսի 5-ից 15 օր շարունակ 28 հայ հրշեջներ աշխատեցին ՌԴ-ում՝ մասնակցելով անտառային հրդեհների մարման աշխատանքներին։ Հայաստանի չորս մարտական հրշեջ փրկարարական հաշվարկ էր ներգրավված Մորդովիայի Հանրապետության անտառային հրդեհների մարմանը, օգոստոսի 12-ից էլ կրակից պաշտպանում էին Նիժեգորոդսկ շրջանի Պերվոմայսկ թաղամասի բնակեցված կետերը։

«Սերգեյ Ազարյանն իրոք արժանի է ռուսական պետական պարգևին, որը շնորհվել է ժողովուրդների մտերմացման համար պտղաբեր գործունեության, մեր ժողովուրդների միջև խաղաղության, բարեկամության, համագործակցության ամրապնդման գործում մեծ ներդրում ունենալու համար»,- պարգևատրության արարողության ժամանակ ասաց Հայաստանում ՌԴ արտակարգ և լիազոր դեսպան Վյաչեսլավ Կովալենկոն։

Ընդգծելով հայ փրկարարների անգնահատելի օգնություն՝ նա նշեց, որ «բոլորն այդ մարդկանց կայունության և նվիրվածության ականատես են եղել, տեսել են, թե ինչ մեծ ինքնանվիրումով են նրանք դիմակայել այդ լայնածավալ աղետին»։

«Հայ և ռուս հրշեջների փոխգործունեությունը հստակորեն ցուցադրեց մեր երկրների, ժողովուրդների, ծառայությունների միջև եղած մեծ գործընկերության ոգին, համատեղ աշխատանքի, փոխադարձ օգնության բարձր մակարդակը։ Դա իրականում հայ ժողովրդի  բարեկամական սխրագործությունն է ռուս ժողովրդի և Ռուսաստանի հանդեպ, և մահացու վտանգի առաջ հատկապես նման հերոսական աշխատանքն է ամրապնդում մեր միասնությունը»,- ասաց դեսպանը։

ՀՀ ազգային անվտանգության խորհրդի քարտուղար Արթուր Բաղդասարյանն Ազարյանի «Բարեկամության շքանշանով» պարգևատրումը ՀՀ արտակարգ իրավիճակների նախարարության և փրկարար ծառայության համար մեծ պատիվ է անվանել։

«Ես վստահ եմ, որ այսուհետ մեր փրկարարները տարերային աղետների ժամանակ ակտիվորեն կօգնեն մեր ընկերներին, համախոհներին, գործընկերներին»,- ասաց նա։

ՀՀ արտակարգ իրավիճակների նախարար Արմեն Երիցյանն իր հերթին խորհրդանշական է անվանել «Բարեկամության շքանշանով» պարգևատրումը, ինչը խորհրդանշում է հայ և ռուս ժողովուրդների միջև եղած դարավոր բարեկամությունը, «որը վերջին 20 տարիների ընթացքում երկու ինքնիշխան պետությունների գործընկերային հարաբերությունների նոր մակարդակի է հասել»։

Սերգեյ Ազարյանը երախտագիտություն հայտնելով իրեն շնորհած ՌԴ պարգևի համար, ասաց, որ «դա մեծ պատիվ և բարձրագույն պատասխանատվություն է»։

«Սակայն, առաջին հերթին, դա ՀՀ ԱԻՆ բոլոր փրկարարների և աշխատակիցների գործունեության գնահատականն է, ովքեր առանց ջանք խնայելու իրենց ամենօրյա և անձնվեր աշխատանքով ամեն ինչ անում են հանուն մեր գլխավոր մարդասիրական նպատակին հասնելու՝ մարդկային կյանքի փրկության համար»,- ասաց նա։

ՀՀ ԱԻՆ փրկարար ծառայության տնօրենը նաև նշեց, որ իրեն շնորհված այդ մրցանակը շատ թանկ է, քանի որ ընդգծում է ոչ միայն երկու նախարարությունների միջև առկա փոխշահավետ գործընկերությունը, այլ նաև հիմնվում է հայ և ռուս ժողովուրդների դարավոր բարեկամական հարաբերությունների վրա։

2010թ.-ի հոկտեմբերի 13-ին ՀՀ ԱԻՆ փրկարար ուժերի վարչության պետի տեղակալ, փրկարար ջոկատի հրամանատար, գնդապետ Պավել Գյոզալյանը ՌԴ նախագահ Դմիտրի Մեդվեդևից  «Արիության շքանշան» պետական պարգև է ստացել՝ ՌԴ տարածքում անտառային հրդեհների մարման ժամանակ ցուցաբերած անձնազոհություն համար։

ՌԴ գերատեսչական մեդալներով պարգևատրվեցին նաև 28 հայ հրշեջ փրկարարներ, ովքեր ակտիվորեն մասնակցել են Ռուսաստանի հրդեհների մարմանը։ -0-

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։