Բակո Սահակյան. «ես տեղեկություն չունեմ նախապատրաստվող դավաճանության մասին»

ԵՐԵՎԱՆ, 20 մայիսի./Նովոստի–Արմենիա/. Արցախի նախագահ Բակո Սահակյանը երկուշաբթի լրագրողներին մեկնաբանեց Հայաստանի վարչապետ Նիկոլ Փաշինյանի հայտարարությունն այն ուժերի մասին, որոնք պառակտում են փորձում մտցնել Հայաստանի և Արցախի միջև։

Փաշինյանը երկուշաբթի ասել է, որ կան ուժեր, որոնք փորձում են պատերազմ սանձազերծել տարածքների հանձնման պատասխանատվությունը Հայաստանի կառավարության վրա տեղափոխելու նպատակով։ Նա կոչ արեց արցախյան ժողովրդին սատարել միայն այն ուժերին, որոնք սատարում են հայ ժողովրդին և նրա ընտրած լեգիտիմ իշխանություններին, քանի որ մնացածն օգտագործում են Արցախի ժողովրդին` սեփական շահերը սպասարկելու և նախկինում կատարած հանցագործությունների համար պատասխանատվությունից խուսափելու համար։

«Եթե կան այդպիսի գործիչներ և ուժեր, ապա մենք պարտավոր ենք նրանց բացահայտել, եթե կան այդպիսի նպատակներ, բնականաբար, ես նույնպես դրանք որակում եմ դավաճանություն։ Ես ոչ մի տեղեկություններ չունեմ, թե կան այդպիսի ուժեր և այդպիսի գործիներ, ովքեր նման դավաճան գործողությունների իրականացում են նախապատրաստում»,– ասաց Սահակյանը։ -0-