482.36
-0.38
568.99
-1.66
8.19
-0.05
+4
Եղանակը Երևանում
Հայ
Սահմանադրական բարեփոխումների նախագծում փոփոխություններ կարող են լինել Վենետիկի հանձնաժողովի հետ քննարկումներից հետո
16:52
25 Օգոստոսի 2015

ԵՐԵՎԱՆ, 25 օգոստոսի. /Նովոստի–Արմենիա/. Իրավունքի միջոցով հանուն ժողովրդավարության եվրոպական հանձնաժողովի (Վենետիկի հանձնաժողով) ներկայացուցիչների հետ քննարկումներից հետո Հայաստանի սահմանադրական բարեփոխումների նախագծում կարող են փոփոխություններ կատարվել, «Ազատություն» ռադիոկայանին է ասել ՀՀ կառավարության աշխատակազմի ղեկավար–նախարար Դավիթ Հարությունյանը։

Նախօրեին Վենետիկի հանձնաժողովի ներկայացուցիչները Երևանում հինգ ժամ տևողությամբ խորհրդատվություններ են անցկացրել սահմանադրական բարեփոխումների մասնագիտական հանձնաժողովի հետ։

«Մենք քննարկել ենք խորհրդարանական ընտրությունների երկրորդ փուլի հետ կապված կետերը։ Պետք է ասեմ, որ հարցականի տակ չի դրվում երկրորդ փուլի անցկացման հարցը, այլ քննարկվում է, արդյոք, այդ դրույթը պետք է ամրագրվի Սահմանադրության մեջ։ Այս պահին մենք քննարկում ենք այդ հարցերը և կարծում եմ, որ կգտնենք փոխադարձ ընդունելի որոշում», – ասել է Հարությունյանը, ով մասնագիտական հանձնաժողովի անդամ է։

Խոսելով այն մասին, թե բավարարում է, արդյոք, Վենետիկի հանձնաժողովին վերջին փոփոխություններից հետո ներկայացված նախագիծը` կառավարության աշխատակազմի ղեկավար–նախարարը պատասխանել է. «Մենք շարունակում ենք աշխատանքը և փորձում ենք գտնել փոխադարձ ընդունելի ձևակերպումներ»։

Հարությունյանը վստահ է, որ խորհրդարանական կառավարման կարգին անցնող երկրում կայուն մեծամասնության առկայությունն անհրաժեշտություն է։ Այդուհանդերձ, հանձնաժողովի անդամի խոսքով` նրանք պատրաստ են ապագայում վերադառնալ այդ կետին և կատարել խմբագրական փոփոխություններ։

Այդ կետից բացի, Վենետիկի հանձնաժողովի ներկայացուցիչների առաջարկով մասնագիտական հանձնաժողովն առաջիկայում կկազմի փոփոխությունների փաթեթ, որոնք կապված են մի շարք այլ կետերի հետ` այն խորհրդարան ներկայացնելու համար։

«Նրանց ներկայացրած հիմնական դիտողությունները նախագծի վրա կրկին աշխատելու առիթ կդառնան։ Իհարկե, այն արդեն ԱԺ–ում է, այդ պատճառով հանձնաժողովը կարող է ընդամենը առաջարկները ներկայացնել խորհրդարան։ Սակայն ես կարծում եմ, որ ամենագլխավորն այն է, որ մենք սկզբունքորեն նկատել ենք որոշ դիրքորոշումների երկկողմ մերձեցում», – ասել է Հարությունյանը։

Նա նաև ավելացրել է, որ մեծ փոփոխություններ փաստաթղթում չեն լինի։

«Ազատությունը» նշում է, որ նոր Սահմանադրության ընդունումից հետո այն ամբողջովին կսկսի գործել միայն ներկա նախագահ  Սերժ Սարգսյանի նախագահական ժամկետի ավարտից հետո։ Հարությունյանի խոսքով` վարչապետը կդառնա երկրի առաջին դեմքը միայն 2018թ.–ին նոր նախագահի ընտրություններից հետո։ «Քանի որ նա (նախագահը) ընտրվել է և մանդատը ստացել ժողովրդից և այդ մանդատը ստացել է որոշակի ժամկետով», – ավելացրել է Հարությունյանը։

Նախագծի համաձայն, Հայաստանի նախագահն ընտրվում է  յոթ տարի ժամկետով (ներկա 5–ի փոխարեն) ոչ թե համազգային քվեարկությամբ, այլ ընտրիչների ժողովի կողմից:

Ընտրիչների ժողովը կազմված է Ազգային ժողովի պատգամավորներից և Ազգային ժողովի պատգամավորների թվին հավասար տեղական ինքնակառավարման մարմինների կողմից իրենց կազմից ընտրված ներկայացուցիչներից, որոնք կարող են լինել միայն Հայաստանի Հանրապետության քաղաքացիներ:

Սահմանադրական բարեփոխումների նախագծի համաձայն, գործադիր իշխանության գերագույն մարմինը կառավարությունն է, որը մշակում և իրականացնում է ներքին և արտաքին քաղաքականություն իր ծրագրի հիման վրա։ Կառավարության վրա դրվում է նաև պետական կառավարման համակարգի ընդհանուր ղեկավարությունը։

Նոր նախագծով`  հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո` եռօրյա ժամկետում վարչապետ է նշանակում Ազգային ժողովի ընտրություններում հաղթած կուսակցության կամ կուսակցությունների դաշինքի ներկայացրած վարչապետի թեկնածուին:

Միաժամանակ, եթե պատգամավորների ընդհանուր թվի ձայների մեծամասնությամբ վարչապետ չի ընտրվում, ապա Ազգային ժողովն արձակվում է իրավունքի ուժով:

Բացի այդ, նախագծով սահմանվում է, որ հինգ տարով համամասնական համակարգով ընտրվող Ազգային ժողովը բաղկացած է նվազագույնը 101 պատգամավորից։ Օրենսդիր մարմնում նախատեսվում է տեղեր հատկացնել ազգային փոքրամասնությունների ներկայացուցիչների համար։

Ընդ որում, եթե Ազգային ժողովի ընտրությունների առաջին փուլի արդյունքում կայուն խորհրդարանական մեծամասնություն չի ձևավորվում, ապա անցկացվում է ընտրության երկրորդ փուլ, որին մասնակցում են առավելագույն ձայներ ստացած երկու կուսակցությունները կամ կուսակցությունների դաշինքները։ Բացառությամբ երկրորդ փուլում հաղթած կուսակցության կամ կուսակցությունների դաշինքի, ընտրական արգելապատնեշները հաղթահարած կուսակցությունները կամ կուսակցությունների դաշինքները պատգամավորական մանդատներ են ստանում առաջին փուլի արդյունքներով: 

Նոր նախագծով փոխվում է նաև Կենտրոնական ընտրական հանձնաժողովի ձևավորման կարգը։ Մասնավորապես, Կենտրոնական ընտրական հանձնաժողովի նախագահը և մյուս անդամներն ընտրվում են Ազգային ժողովի կողմից` պատգամավորների ընդհանուր թվի առնվազն երեք հինգերորդի ձայների մեծամասնությամբ, վեց տարի ժամկետով: Նույն անձը չի կարող ավելի քան երկու անգամ անընդմեջ ընտրվել Կենտրոնական ընտրական հանձնաժողովի անդամ, այդ թվում` Կենտրոնական ընտրական հանձնաժողովի նախագահ: 

Գործող օրենսդրությամբ` ԿԸՀ անդամներին նշանակում է ՀՀ նախագահը Օմբուդսմենի, ինչպես նաև Վճռաբեկ դատարանի և Փաստաբանների պալատի նախագահների առաջարկով։

Սահմանադրական բարեփոխումների նախագիծն ու հիմնավորումները հրապարակված են Արդարադատության նախարարության պաշտոնական կայքում։ –0–

Loading...
Թեմատիկ նյութեր
Բաժնի այլ նյութեր
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին: