478.83
-0.02
557.93
-0.17
7.98
-0.01
+29
Եղանակը Երևանում
Հայ
Ֆրանսիան շահագրգռված է կրթության ոլորտում Հայաստանի հետ համագործակցությամբ
18:04
15 Մայիսի 2015

ԵՐԵՎԱՆ, 15 մայիսի. /Նովոստի–Արմենիա/. Փարիզում հունիսի 5–ին տեղի կունենա Հայաստանի և Ֆրանսիայի ներկայացուցիչների աշխատանքային հանդիպումը, որը նվիրված է կրթության ոլորտի համագործակցությանը, ուրբաթ լրագրողներին ասաց Ֆրանսիայի վարչապետին առընթեր Բարձրագույն կրթության հարցերով պետական քարտուղար Թիերի Մանդոնը։

«Կրթության ոլորտին վերաբերող ամեն ինչ առաջնահերթ է Հայաստանի համար, և մենք համագործակցության մեծ ներուժ ենք տեսնում Հայաստանի հետ», – ասաց Մանդոնը Երևանում անցկացվող Եվրոպական բարձրագույն կրթական տարածքի նախարարական գագաթաժողովի և Բոլոնյան չորրորդ քաղաքական համաժողովի շրջանակում։

Միաժամանակ նա չնշեց աշխատանքային հանդիպման մակարդակն ու կազմը։

Խոսելով Բոլոնյան գործընթացի մասին` Մանդոնը կարևորեց գործընթացի մասնակից երկրների միջև սերտ համագործակցությունը։

«Վերջին երեք տարվա ընթացքում Հայաստանի կատարած աշխատանքը չպետք է ավարտվի այստեղ և հիմա, հակառակը` այն պետք է խթան դառնա հետագայում նմանատիպ գործունեության համար», – նշեց նա։ Նա նաև ընդգծեց, որ անհրաժեշտ է կրթության ոլորտում իրականացնել մեծ ներդրումներ, քանի որ դա բարեկեցիկ ապագայի երաշխիքն է։ «Պետք չէ մտածել ծախսերի մասին, քանի որ կրթության ոլորտում իրականացվող ցանկացած ծախս արդարացված է», – ավելացրեց նա։

Եվրոպական բարձրագույն կրթության տարածքի (ԵԲԿՏ) 9–րդ խորհրդաժողովը և Բոլոնյան 4–րդ քաղաքական համաժողովն անցկացվում են Երևանում մայիսի 14–15–ը։ Միջոցառմանը մասնակցում են Բոլոնյան գործընթացի 47 մասնակից երկրների ավելի քան 100 պատվիրակներ, ինչպես նաև` մոտ 20 կրթության նախարարներ։

Գագաթնաժողովի արդյունքում ընդունվել են Նախարարական գագաթնաժողովի երևանյան կոմյունիկեն և Բոլոնյան չորրորդ քաղաքական համաժողովի հռչակագիրը։

ԵԲԿՏ երկրների նախարարների խորհրդաժողովն անցկացվում է երկու տարին մեկ անգամ, իսկ խորհրդաժողովի արդյունքում ընդունված համատեղ կոմյունիկեում ամփոփվում են մասնակից երկրներում Բոլոնյան գործընթացի հետագա զարգացման հեռանկարային ուղղությունները։

Երևանի գագաթնաժողովի ընթացքում ներկայացվել են որակի ապահովման, ECTS–կրեդիտների օգտագործման, որակավորման համակարգերի, նախորդ կրթության ճանաչման ոլորտում իրականացվող գործունեության հիմնական արդյունքները, որոնք ամրագրված են BFUG–ի 2012–2015 թթ.–ի աշխատանքային ծրագրում։ –0– Ա.Թ.

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: