484.68
+0.06
530.14
+2.1
8.5
-0.03
+12
Եղանակը Երևանում
Հայ
ՀՀ ԱԳ նախարարը կոչ է արել Թուրքիային հեռու մնալ ղարաբաղյան հակամարտության կարգավորման գործընթացից
11:04
30 Հունվարի 2012

ԵՐԵՎԱՆ, 30 հունվարի. /Նովոստի-Արմենիա/. ՀՀ ԱԳ նախարար Էդվարդ Նալբանդյանը կոչ է արել թուրքական կողմին հեռու մնալ ղարաբաղյան հակամարտության կարգավորման գործընթացից, եթե նա իսկապես անկեղծորեն ցանկանում է օգնել այս գործընթացին:

Մեկնաբանելով իր թուրք գործընկեր Ահմեդ Դավութօղլուի հայտարարություններն այն մասին, որ Ֆրանսիան պետք է հանվի ԵԱՀԿ ՄԻ համանախագահների կազմից Ֆրանսիայի Սենատի կողմից Հայոց ցեղասպանության ժխտումը քրեականացնող օրինագծի ընդունման պատճառով կամ հակառակ դեպքում այդ գործընթացի մեջ պետք է ներգրավվի Թուրքիան՝ Նալբանդյանը համարել է դրանք վերջնագրային:

«Ինչ վերաբերում է վերջնագրերին կամ այս ոճով հայտարարություններին, հատկապես եռանախագահողների ձևաչափում Լեռնային Ղարաբաղի հիմնախնդրի կարգավորմանը մասնակցություն ունենալուն, մենք արդեն արտահայտվել ենք. եթե Թուրքիան իսկապես անկեղծորեն ցանկանում է օգնել այս գործընթացին, ապա պետք է մնա ինչքան հնարավոր է հեռու այս գործընթացից», - նշել է ՀՀ ԱԳ նախարարը հայկական չորս առաջատար հեռուստաալիքներին տված հարցազրույցի ժամանակ:

Նա նշել է, որ թուրքական կողմը մեկ-մեկ, երբ փակում են իր առջև դուռը, փորձում է ծխնելույզից, երդիկից ներս մտնել: «Դա առաջին անգամ չէ և ինչ-որ հատուկ զարմանք արդեն չի առաջացնում: Չեմ կարծում, որ Թուրքիան է որոշում այդ ձևաչափերի հարցը և հատկապես վերջնագրեր ներկայացնելով այս կամ այն հարցում՝ որևէ դրական արդյունքի կարող է հասնել», - նշել է Նալբանդյանը:

Նա հիշեցրել է, որ Սոչիում Ադրբեջանի նախագահը Հայաստանի նախագահի հետ միասին ասաց այն, ինչի մասին արդեն նշվել է՝ նախագահները հույս հայտնեցին, որ Ֆրանսիան, Ռուսաստանը և Միացյալ Նահանգները որպես եռանախագահողներ՝ նույն կարգավիճակով և ձևաչափով, կշարունակեն իրենց միջնորդությունը մինչև տարածաշրջանում խաղաղություն հաստատվի:

Մեկնաբանելով Ցեղասպանության ժխտումը քրեականացնող օրինագծի ընդունման կապակցությամբ ղարաբաղյան հակամարտության գործընթացում Ֆրանսիայի ոչ չեզոք լինելու մասին Անկարայից հնչող պնդումները՝ ՀՀ ԱԳ նախարարը նշեց, որ դրանք անիմաստ հայտարարություններ են: «Սենատի կողմից հաստատված օրենքի նախագիծը ուղղված չէ ինչ-որ կոնկրետ երկրի դեմ: Հայտնի է, թե «Ում գլխին է գլխարկը վառվում»», - ասել է Նալբանդյանը:

Նրա խոսքերով՝ այն չափազանցված արձագանքը, որը վիրավորանքներով է լի Ֆրանսիայի հանդեպ, այն երկրների հանդեպ, որոնք ընդունել են Ցեղասպանությունը, հայ ժողովրդի հանդեպ, որն այս Ցեղասպանության դժբախտությունը, ողբերգությունը իր ուսերին է տարել, հայկական սփյուռքի հանդեպ սադրիչ հայտարարությունները ևս մեկ անգամ վերահաստատում են Ֆրանսիայում ընդունված օրենքի կարևորությունը և անհրաժեշտությունը:

ՀՀ ԱԳ նախարարը նշել է, որ ժխտողականության դրսևորումներով լի թուրքական այս քաղաքականությունը ինչքան սաստականա, այնքան բերելու է նրան, որ այս կարգի որոշումներ ընդունվեն նաև այլ երկրների կողմից:

«Երբ Թուրքիան ասում է, որ Հայոց Ցեղասպանությունը միայն հայկական կողմի կարծիք է, ինչպե՞ս եք պատկերացնում, որ ասեն, թե Հոլոքոսթը միայն հրեաների կարծիք է», - ասել է Նալբանդյանը:

Նրա խոսքերով՝ Հայոց ցեղասպասնության մասին խոսում են տասից ավելի եվրոպական երկրներ և քսանից ավելի միջազգային կազմակերպություններ, որոնք ընդունել են Հայոց ցեղասպանությունը:

«Հիշեցնեմ նաև այն, որ անգամ նրանք, ովքեր ինչ-ինչ պատճառներով քվեարկում են դեմ կամ դեմ են դուրս գալիս Հայոց Ցեղասպանության ճանաչմանը այս կամ այն երկրում, եթե ոչ բոլորը, ապա ջախջախիչ մեծամասնությունը հայտարարում են, որ այո, սա ցեղասպանություն է: Թուրքիան հակառակն է ասում և ինքն իրեն ծուղակի մեջ է քաշում», - ասել է Նալբանդյանը:-0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: